Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandhā Vagga:
28: Sāriputta Saɱutta

Sutta 1

Vivekaja Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ āyasmā Sāriputto Sāvatthiyaɱ viharati||
Jetavane Anāthapiṇḍikassa ārāme.|| ||

Atha kho āyasmā Sāriputto pubbaṇhasamayaɱ nivāsetvā pattacīvaram ādāya||
Sāvatthiɱ piṇḍāya pāvisi.|| ||

Sāvatthiyaɱ piṇḍāya caritvā pacchābhattaɱ piṇḍapātapaṭikkanto||
yena andhavanaɱ ten'upasaɱkami divāvihārāya.|| ||

Andhavanaɱ ajjhogahetvā aññatarasmiɱ||
rukkhamule divāvihāraɱ nisīdi.|| ||

Atha kho āyasmā Sāriputto sāyaṇhasamayaɱ paṭisallānā vuṭṭhito||
yena Jetavanaɱ Anāthapiṇḍikassa ārāmo ten'upasaɱkami.|| ||

Addsā kho āyasmā Ānando āyasmantaɱ Sāriputtaɱ dūrato va āgacchantaɱ.|| ||

Disvāna āyasmantaɱ Sāriputtaɱ etad avoca:|| ||

"Vippasannāni kho te āvuso Sāriputta,||
indriyāni parisuddho mukhavaṇṇo pariyodāto.|| ||

Katamenāyasmā Sāriputto ajja vihārena vihāsī" ti?|| ||

"Idhā'haɱ āvuso,||
vivicc'eva kāmehi||
vivicca akusalehi dhammehi||
savitakkaɱ||
savicāraɱ||
vivekajaɱ pīti-sukhaɱ||
paṭhamaɱ-jhānaɱ upasampajja viharāmi.|| ||

Tassa mayhaɱ āvuso na evaɱ hoti:|| ||

'Ahaɱ paṭhamaɱ-jhānaɱ samāpajjāmī' ti|| ||

vā|| ||

'Ahaɱ paṭhamaɱ-jhānaɱ samāpanno' ti|| ||

vā|| ||

'Ahaɱ paṭhamā jhānā vuṭṭhito' ti vā" ti.|| ||

"Tathā hi panāyasmato Sāriputtassa dīgha-rattaɱ abhiɱ kāramamiɱkāramānānusayā susamūhatā.|| ||

Tasmā āyasmato Sāriputtassa na evaɱ hoti:|| ||

'Ahaɱ paṭhamaɱ-jhānaɱ samāpajjāmī' ti|| ||

vā|| ||

'Ahaɱ paṭhamaɱ-jhānaɱ samāpanno' ti|| ||

vā|| ||

'Ahaɱ paṭhamā jhānā vuṭṭhito' ti vā" ti.|| ||

 


Contact:
E-mail
Copyright Statement   Webmaster's Page