Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
III. Khandhā Vagga:
29: Nāga Saɱutta

Sutta 10

Catuttha Tassa (aka Suta) Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Atha kho aññataro bhikkhu yena Bhagavā ten'upasaɱkami.|| ||

Upasaɱkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho so bhikkhu Bhagavantaɱ etad avoca:|| ||

"Ko nu kho bhante, hetu,||
ko paccayo||
yenamidh'ekacco kāyassa bhedā param maraṇā opapātikānaɱ nāgānaɱ sahabyataɱ upapajjatī" ti?|| ||

Idha bhikkhu ekacco kāyena dvayakārī hoti||
vācāya dvayakāri||
manasā dvayakāri,||
tassa sutaɱ hoti:|| ||

'Opapātikānaɱ nāgā dīghāyukā vaṇṇavanto sukhabahulā.' ti.|| ||

Tassa evaɱ hoti:|| ||

'Aho vatāhaɱ kāyassa bhedā param maraṇā opapātikānaɱ nāgānaɱ sahabyataɱ upapajjeyyan' ti.|| ||

So kāyassa bhedā param maraṇā opapātikānaɱ nāgānaɱ sahabyataɱ upapajjati.|| ||

Ayaɱ kho bhikkhu hetu||
ayaɱ paccayo||
yenamidh'ekacco kāyassa bhedā param maraṇā opapātikānaɱ nāgānaɱ sahabyataɱ upapajjatī" ti.|| ||

 


Contact:
E-mail
Copyright Statement   Webmaster's Page