Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. Saḷāyatana Vagga
35: Saḷāyatana Saɱyutta
Mūlapaññāsa
1. Anicca Vagga

Sutta 2

Ajjhatta Dukkha Suttaɱ (Dukkham 1; Ajjhattam)

Adapted from the 1995 edition of the digital version of the Sri Lanka Buddha Jayanti Tripitaka Series.

 


[2]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

2. Tatra kho bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

Cakkhuɱ bhikkhave dukkhaɱ,||
yaɱ dukkhaɱ tad anattā,||
yad anattā taɱ:|| ||

'N'etaɱ mama,||
n'eso ham asmi,||
na me'so attā' ti.|| ||

Evam etaɱ yathābhūtaɱ sammappaññāya daṭṭhabbaɱ. || ||

4. Sotaɱ dukkhaɱ,||
yaɱ dukkhaɱ tad anattā,||
yad anattā taɱ:|| ||

'N'etaɱ mama,||
n'eso ham asmi,||
na me'so attā' ti.|| ||

Evam etaɱ yathābhūtaɱ sammappaññāya daṭṭhabbaɱ. || ||

5. Ghānaɱ dukkhaɱ,||
yaɱ dukkhaɱ tad anattā,||
yad anattā taɱ:|| ||

'N'etaɱ mama,||
n'eso ham asmi,||
na me'so attā' ti.|| ||

Evam etaɱ yathābhūtaɱ sammappaññāya daṭṭhabbaɱ. || ||

6. Jivhā dukkhaɱ,||
yaɱ dukkhaɱ tad anattā,||
yad anattā taɱ:|| ||

'N'etaɱ mama,||
n'eso ham asmi,||
na me'so attā' ti.|| ||

Evam etaɱ yathābhūtaɱ sammappaññāya daṭṭhabbaɱ. || ||

7. Kāyo dukkhaɱ,||
yaɱ dukkhaɱ tad anattā,||
yad anattā taɱ:|| ||

'N'etaɱ mama,||
n'eso ham asmi,||
na me'so attā' ti.|| ||

Evam etaɱ yathābhūtaɱ sammappaññāya daṭṭhabbaɱ. || ||

8. Mano dukkhaɱ,||
yaɱ dukkhaɱ tad anattā,||
yad anattā taɱ:|| ||

'N'etaɱ mama,||
n'eso ham asmi,||
na me'so attā' ti.|| ||

Evam etaɱ yathābhūtaɱ sammappaññāya daṭṭhabbaɱ. || ||

9. Evaɱ passaɱ bhikkhave sutavā ariyasāvako cakkhusmim pi nibbindati,||
sotasmim pi nibbindati,||
ghānasmim pi nibbindati,||
jivhāya pi nibbindati,||
kāyasmim pi nibbindati,||
manasmim pi nibbindati,||
nibbindaɱ virajjati,||
virāgā vimuccati,||
vimuttasmiɱ vimuttamiti ñāṇaɱ hoti:|| ||

'Khīṇā jāti,||
vusitaɱ brahmacariyaɱ,||
kataɱ karaṇīyaɱ,||
nāparaɱ itthattāyā' ti||
pajānātī" ti.|| ||

 


Contact:
E-mail
Copyright Statement   Webmaster's Page