Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. Saḷāyatana Vagga
35: Saḷāyatana Saɱyutta
Mūlapaññāsa
1. Anicca Vagga

Sutta 9

Dutiya Ajjhatta Anatta Suttaɱ (Anattām 3; Ajjhattam)

Adapted from the 1995 edition of the digital version of the Sri Lanka Buddha Jayanti Tripitaka Series.

 


[4]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

2. Tatra kho bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

Cakkhuɱ bhikkhave anattaɱ atītānāgataɱ,||
ko pana vādo paccuppannassa.|| ||

Evaɱ passaɱ bhikkhave sutavā ariyasāvako atītasmiɱ pi cakkhusmiɱ anapekho hoti,||
anāgataɱ cakkhuɱ nābhinandati,||
paccappannassa cakkhussa||
nibbidāya||
virāgāya||
nirodhāya paṭipanno hoti.|| ||

Sotaɱ anattaɱ atītānāgataɱ,||
ko pana vādo paccuppannassa.|| ||

Evaɱ passaɱ bhikkhave sutavā ariyasāvako atītasmiɱ pi sotasmiɱ anapekho hoti,||
anāgataɱ sotaɱ nābhinandati,||
paccappannassa sotassa||
nibbidāya||
virāgāya||
nirodhāya paṭipanno hoti.|| ||

Ghānaɱ anattaɱ atītānāgataɱ,||
ko pana vādo paccuppannassa.|| ||

Evaɱ passaɱ bhikkhave sutavā ariyasāvako atītasmiɱ pi ghānasmiɱ anapekho hoti,||
anāgataɱ ghānaɱ nābhinandati,||
paccappannassa ghānassa||
nibbidāya||
virāgāya||
nirodhāya paṭipanno hoti.|| ||

Jivhā anattaɱ atītānāgatā,||
ko pana vādo paccuppannāya.|| ||

Evaɱ passaɱ bhikkhave sutavā ariyasāvako atītāya jivhāya anapekho hoti,||
anāgataɱ jivhaɱ nābhinandati,||
paccuppannāya jivhāya||
nibbidāya||
virāgāya||
nirodhāya paṭipanno hoti.|| ||

Kāyo anattaɱ atītānāgato,||
ko pana vādo paccuppannassa.|| ||

Evaɱ passaɱ bhikkhave sutavā ariyasāvako atītasmiɱ pi kāyasmiɱ anapekho hoti,||
anāgataɱ kāyaɱ nābhinandati,||
paccappannassa kāyassa||
nibbidāya||
virāgāya||
nirodhāya paṭipanno hoti.|| ||

Mano anattaɱ atītānāgato,||
ko pana vādo paccuppannassa.|| ||

Evaɱ passaɱ bhikkhave sutavā ariyasāvako atītasmiɱ manasmiɱ anapekho hoti,||
anāgataɱ manaɱ nābhinandati,||
paccappannassa manassa||
nibbidāya||
virāgāya||
nirodhāya paṭipanno hoti.|| ||

 


Contact:
E-mail
Copyright Statement   Webmaster's Page