Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. Saḷāyatana Vagga
35: Saḷāyatana Saɱyutta
Mūlapaññāsa
1. Anicca Vagga

Sutta 11

Dutiya Bāhira Dukkha Suttaɱ (Dukkham 4; Bāhiram)

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

2. Tatra kho bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

Rūpā bhikkhave dukkhā atītānāgataɱ,||
ko pana vādo paccuppannassa.|| ||

Evaɱ passaɱ bhikkhave sutavā ariyasāvako atītesu rūpesu anapekho hoti,||
anāgataɱ rūpe nābhinandati,||
paccuppannānaɱ rūpānaɱ||
nibbidāya||
virāgāya||
nirodhāya paṭipanno hoti.|| ||

Saddā dukkhā atītānāgataɱ,||
ko pana vādo paccuppannassa.|| ||

Evaɱ passaɱ bhikkhave sutavā ariyasāvako atītesu saddesu anapekho hoti,||
anāgate sadde nābhinandati,||
paccuppannānaɱ saddānaɱ||
nibbidāya||
virāgāya||
nirodhāya paṭipanno hoti.|| ||

Gandhā dukkhā atītānāgataɱ,||
ko pana vādo paccuppannassa.|| ||

Evaɱ passaɱ bhikkhave sutavā ariyasāvako atītesu gandhesu anapekho hoti,||
anāgate gandhe nābhinandati,||
paccuppannānaɱ gandhānaɱ||
nibbidāya||
virāgāya||
nirodhāya paṭipanno hoti.|| ||

Rasā dukkhā atītānāgatā,||
ko pana vādo paccuppannāya.|| ||

Evaɱ passaɱ bhikkhave sutavā ariyasāvako atītesu rasesu anapekho hoti,||
anāgate rase nābhinandati,||
paccuppannānaɱ rasānaɱ||
nibbidāya||
virāgāya||
nirodhāya paṭipanno hoti.|| ||

Phoṭṭhabbā dukkhā atītānāgato,||
ko pana vādo paccuppannassa.|| ||

Evaɱ passaɱ bhikkhave sutavā ariyasāvako atītesu phoṭṭhabbesu anapekho hoti,||
anāgate phoṭṭhabbe nābhinandati,||
paccuppannānaɱ phoṭṭhabbānaɱ||
nibbidāya||
virāgāya||
nirodhāya paṭipanno hoti.|| ||

Dhammā dukkhā atītānāgato,||
ko pana vādo paccuppannassa.|| ||

Evaɱ passaɱ bhikkhave sutavā ariyasāvako atītesu dhammesu anapekho hoti,||
anāgate dhamme nābhinandati,||
paccuppannānaɱ dhammānaɱ||
nibbidāya||
virāgāya||
nirodhāya paṭipanno hoti.|| ||

 


Contact:
E-mail
Copyright Statement   Webmaster's Page