Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. Saḷāyatana Vagga:
35: Saḷāyatanasaɱyuttaɱ
2. Yamakavaggo

Sutta 15

Assādapariyesana (Assādena 1) Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[8]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

2. Tatra kho bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

"Cakkhussāhaɱ bhikkhave assādapariyesanaɱ acariɱ,||
yo cakkhussa assādo tad ajjhagamaɱ,||
yāvatā cakkhussa assādo paññāya me so sudiṭṭho.|| ||

Cakkhussāhaɱ [9] bhikkhave ādīnavapariyesanaɱ acariɱ,||
yo cakkhussa ādīnavo tad ajjhagamaɱ,||
yāvatā cakkhussa ādīnavo paññāya me so sudiṭṭho.|| ||

Cakkhussāhaɱ bhikkhave nissaraṇapariyesanaɱ acariɱ,||
yaɱ cakkhussa nissaraṇaɱ tad ajjhagamaɱ,||
yāvatā cakkhussa nissaraṇaɱ paññāya me taɱ sudiṭṭhaɱ.|| ||

Sotassāhaɱ bhikkhave assādapariyesanaɱ acariɱ,||
yo sotassa assādo tad ajjhagamaɱ,||
yāvatā sotassa assādo paññāya me so sudiṭṭho.|| ||

Sotassāhaɱ bhikkhave ādīnavapariyesanaɱ acariɱ,||
yo sotassa ādīnavo tad ajjhagamaɱ,||
yāvatā sotassa ādīnavo paññāya me so sudiṭṭho.|| ||

Sotassāhaɱ bhikkhave nissaraṇapariyesanaɱ acariɱ,||
yaɱ sotassa nissaraṇaɱ tad ajjhagamaɱ,||
yāvatā sotassa nissaraṇaɱ paññāya me taɱ sudiṭṭhaɱ.|| ||

Ghānassāhaɱ bhikkhave assādapariyesanaɱ acariɱ,||
yo ghānassa assādo tad ajjhagamaɱ,||
yāvatā ghānassa assādo paññāya me so sudiṭṭho.|| ||

Ghānassāhaɱ bhikkhave ādīnavapariyesanaɱ acariɱ,||
yo ghānassa ādīnavo tad ajjhagamaɱ,||
yāvatā ghānassa ādīnavo paññāya me so sudiṭṭho.|| ||

Ghānassāhaɱ bhikkhave nissaraṇapariyesanaɱ acariɱ,||
yaɱ ghānassa nissaraṇaɱ tad ajjhagamaɱ,||
yāvatā ghānassa nissaraṇaɱ paññāya me taɱ sudiṭṭhaɱ.|| ||

Jivhāyāhaɱ bhikkhave assādapariyesanaɱ acariɱ,||
yo jivhāya assādo tad ajjhagamaɱ,||
yāvatā jivhāya assādo paññāya me so sudiṭṭho.|| ||

Jivhāyāhaɱ bhikkhave ādīnavapariyesanaɱ acariɱ,||
yo jivhāya ādīnavo tad ajjhagamaɱ,||
yāvatā jivhāya ādīnavo paññāya me so sudiṭṭho.|| ||

Jivhāyāhaɱ bhikkhave nissaraṇapariyesanaɱ acariɱ,||
yaɱ jivhāya nissaraṇaɱ tad ajjhagamaɱ,||
yāvatā jivhāya nissaraṇaɱ paññāya me taɱ sudiṭṭhaɱ.|| ||

Kāyassāhaɱ bhikkhave assādapariyesanaɱ acariɱ,||
yo kāyassa assādo tad ajjhagamaɱ,||
yāvatā kāyassa assādo paññāya me so sudiṭṭho.|| ||

Kāyassāhaɱ bhikkhave ādīnavapariyesanaɱ acariɱ,||
yo kāyassa ādīnavo tad ajjhagamaɱ,||
yāvatā kāyassa ādīnavo paññāya me so sudiṭṭho.|| ||

Kāyassāhaɱ bhikkhave nissaraṇapariyesanaɱ acariɱ||
yaɱ kāyassa nissaraṇaɱ tad ajjhagamaɱ,||
yāvatā kāyassa nissaraṇaɱ paññāya me taɱ sudiṭṭhaɱ.|| ||

Manassāhaɱ bhikkhave assādapariyesanaɱ acariɱ,||
yo manassa assādo tad ajjhagamaɱ,||
yāvatā manassa assādo paññāya me so sudiṭṭho.|| ||

Manassāhaɱ bhikkhave ādīnavapariyesanaɱ acariɱ,||
yo manassa ādīnavo tad ajjhagamaɱ,||
yāvatā manassa ādīnavo paññāya me so sudiṭṭho.|| ||

Manassāhaɱ bhikkhave nissaraṇapariyesanaɱ acariɱ,||
yaɱ manassa nissaraṇaɱ tad ajjhagamaɱ,||
yāvatā manassa nissaraṇaɱ paññāya me taɱ sudiṭṭhaɱ.|| ||

 


 

Yāva kīvañcāhaɱ bhikkhave imesaɱ channaɱ ajjhattikānaɱ āyatanānaɱ||
evaɱ assādaɱ ca assādato ādīnavaɱ ca ādīnavato nissaraṇaɱ ca nissaraṇato yathābhūtaɱ nābbhaññāsiɱ,||
n'eva tāvāhaɱ bhikkhave sadevake loke samārake sabrahmake sassamaṇabrāhmaṇiyā pajāya sadeva manussāya anuttaraɱ sammāsambodhiɱ abhisambuddho ti paccaññāsiɱ. || ||

Yato ca kho haɱ bhikkhave imesaɱ channaɱ ajjhattikānaɱ āyatanānaɱ evaɱ assādaɱ ca assādato ādīnavaɱ ca ādīnavato nissaraṇaɱ ca nissaraṇato yathābhūtaɱ abbhaññāsiɱ,
athāhaɱ bhikkhave sadevake loke samārake sabrahmake sassamaṇabrāhmaṇiyā pajāya sadeva manussāya anuttaraɱ sammāsambodhiɱ abhisambuddho ti paccaññāsiɱ.|| ||

Ñāṇaɱ ca pana me dassanaɱ udapādi.|| ||

Akuppā me cetovimutti||
ayam antimā jāti,||
natthidāni punabbhavo" ti.|| ||

 


Contact:
E-mail
Copyright Statement   Webmaster's Page