Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. Saḷāyatana Vagga:
35: Saḷāyatanasaɱyuttaɱ
2. Yamakavaggo

Sutta 18

Dutiya No Ve Assāda (No Cetena 2) Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

2. Tatra kho bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

"No cedaɱ bhikkhave rūpānaɱ assādo abhavissa,||
nayidaɱ sattā rūpesu sārajjeyyuɱ,||
yasmā ca kho bhikkhave atthi rūpānaɱ assādo,||
tasmā sattā rūpesu sārajjanti.|| ||

No cedaɱ bhikkhave rūpānaɱ ādīnavo abhavissa,||
nayidaɱ sattā rūpesu nibbindeyyuɱ,||
yasmā ca kho bhikkhave atthi rūpānaɱ ādīnavo||
tasmā sattā rūpesu nibbindanti.|| ||

No cedaɱ bhikkhave rūpānaɱ nissaraṇaɱ abhavissa,||
nayidaɱ sattā rūpehi nissareyyuɱ||
yasmā ca kho bhikkhave atthi rūpānaɱ nissaraṇaɱ,||
tasmā sattā rūpehi nissaranti. || ||

No cedaɱ bhikkhave saddānaɱ assādo abhavissa,||
nayidaɱ sattā saddesu sārajjeyuɱ,||
yasmā ca kho bhikkhave atthī saddesu assādo,||
tasmā sattā saddesu sārajjanti.|| ||

No cedaɱ bhikkhave saddānaɱ ādīnavo abhavissa,||
nayidaɱ sattā saddesu nibbindeyyuɱ,||
yasmā ca kho bhikkhave atthi saddesu ādīnavo,||
tasmā sattā saddesu nibbindanti.|| ||

No cedaɱ bhikkhave saddānaɱ nissaraṇaɱ abhavissa,||
nayidaɱ sattā saddasmā nissareyyuɱ||
yasmā ca kho bhikkhave atthi saddānaɱ nissaraṇaɱ,||
tasmā sattā saddehi nissaranti.|| ||

No cedaɱ bhikkhave gandhānaɱ assādo abhavissa,||
nayidaɱ sattā gandhānaɱ sārajjeyyuɱ,||
yasmā ca kho bhikkhave atthi gandhānaɱ assādo,||
tasmā sattā gandhesu sārajjanti.|| ||

No cedaɱ bhikkhave ghandhānaɱ ādīnavo abhavissa,||
nayidaɱ sattā gandhesu nibbindeyyuɱ,||
yasmā ca kho bhikkhave atthi gandhānaɱ ādīnavo||
tasmā sattā gandhesu nibbindanti.|| ||

No cedaɱ bhikkhave gandhānaɱ nissaraṇaɱ abhavissa,||
nayidaɱ sattā gandhehi nissareyyuɱ,||
yasmā ca kho bhikkhave atthī gandhānaɱ nissaraṇaɱ,||
tasmā sattā gandhehi nissaranti.|| ||

No cedaɱ bhikkhave rasānaɱ assādo abhavissa,||
nayidaɱ sattā rasesu sārajjeyuɱ,||
yasmā ca kho bhikkhave atthi rasānaɱ assādo,||
tasmā sattā rasesu sārajjanti.|| ||

No cedaɱ bhikkhave rasānaɱ ādīnavo abhavissa,||
nayidaɱ sattā rasesu nibbindeyyuɱ,||
yasmā ca kho bhikkhave atthi rasānaɱ ādīnavo,||
tasmā sattā rasesu nibbindanti.|| ||

No cedaɱ bhikkhave rasānaɱ nissaraṇaɱ abhavissa,||
nayidaɱ sattā rasehi nissareyyuɱ,||
yasmā ca kho bhikkhave atthi rasānaɱ nissaraṇaɱ,||
tasmā sattā rasehi nissaranti.|| ||

No cedaɱ bhikkhave poṭṭhabbānaɱ assādo abhavissa,||
nayidaɱ sattā poṭṭhabbesu sārajjeyyuɱ,||
yasmā ca kho bhikkhave atthī poṭṭhabbānaɱ assādo tasmā sattā poṭṭhabbesu sārajjanti.|| ||

No cedaɱ bhikkhave poṭṭhabbānaɱ ādīnavo abhavissa,||
nayidaɱ sattā poṭṭhabbesu nibbindeyyuɱ,||
yasmā ca kho bhikkhave atthi poṭṭhabbānaɱ ādīnavo,||
tasmā sattā poṭṭhabbesu nibbindanti.|| ||

No cedaɱ bhikkhave poṭṭhabbānaɱ nissaraṇaɱ abhavissa,||
nayidaɱ sattā poṭṭhabbehi nissareyyuɱ||
yasmā ca kho bhikkhave atthi poṭṭhabbānaɱ nissaraṇaɱ,||
tasmā sattā poṭṭhabbehi nissaranti.|| ||

No cedaɱ bhikkhave dhammānaɱ assādo abhavissa,||
nayidaɱ sattā dhammesu sārajjeyyuɱ,||
yasmā ca kho bhikkhave atthi dhammānaɱ assādo,||
tasmā sattā dhammesu sārajjanti.|| ||

No cedaɱ bhikkhave dhammānaɱ ādīnavo abhavissa,||
nayidaɱ sattā dhammesu nibbindeyyuɱ,||
yasmā ca kho bhikkhave atthi dhammānaɱ ādīnavo||
tasmā sattā dhammesu nibbindanti.|| ||

No cedaɱ bhikkhave dhammānaɱ nissaraṇaɱ abhavissa,||
nayidaɱ sattā dhammehi nissareyyuɱ,||
yasmā ca kho bhikkhave atthi dhammānaɱ nissaraṇaɱ,||
tasmā sattā dhammehi nissaranti.|| ||

 


 

Yāvakīvañca bhikkhave sattā imesaɱ channaɱ bāhirānaɱ āyatanānaɱ assādañ ca assādato ādīnavañ ca ādīnavato nissaraṇañ ca nissaraṇato yathābhūtaɱ nābbhaññāsuɱ,||
[13] n'eva tāva bhikkhave sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaɱyuttā vippamuttā vimariyādīkatena cetasā vihariɱsu.|| ||

Yato ca kho bhikkhave sattā imesaɱ channaɱ bāhirānaɱ āyatanānaɱ assādañ ca assādato ādīnavañ ca ādīnavato nissaraṇañ ca nissaraṇato yathābhūtaɱ abbhaññāsuɱ,||
atha bhikkhave sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaɱyuttā vippamuttā vimariyādīkatena cetasā viharantī" ti.|| ||

 


Contact:
E-mail
Copyright Statement   Webmaster's Page