Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. Saḷāyatana Vagga:
35: Saḷāyatanasaɱyuttaɱ
2. Yamakavaggo

Sutta 22

Dutiya Uppāda Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

2. Tatra kho bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

"Yo bhikkhave rūpānaɱ uppādo ṭhiti abhinibbatti pātubhāvo,||
dukkhasseso uppādo rogānaɱ ṭhiti jarāmaraṇassa pātubhāvo.|| ||

Yo saddānaɱ uppādo ṭhiti abhinibbatti pātubhāvo,||
dukkhasseso uppādo rogānaɱ ṭhiti jarāmaraṇassa pātubhāvo.|| ||

Yo gandhānaɱ uppādo ṭhiti abhinibbatti pātubhāvo,||
dukkhasseso uppādo rogānaɱ ṭhiti jarāmaraṇassa pātubhāvo.|| ||

Yo rasānaɱ uppādo ṭhiti abhinibbatti pātubhāvo,||
dukkhasseso uppādo rogānaɱ ṭhiti jarāmaraṇassa pātubhāvo.|| ||

Yo phoṭṭhabbānaɱ uppādo ṭhiti abhinibbatti pātubhāvo,||
dukkhasseso uppādo rogānaɱ ṭhiti jarāmaraṇassa pātubhāvo.|| ||

Yo dhammānaɱ uppādo ṭhiti abhinibbatti pātubhāvo,||
dukkhasseso uppādo rogānaɱ ṭhiti jarāmaraṇassa pātubhāvo.|| ||

 


 

Yo ca kho bhikkhave rūpānaɱ nirodho vūpasamo atthagamo,||
dukkhasseso nirodho rogānāɱ vūpasamo jarāmaraṇassa atthagamo.|| ||

Yo saddānaɱ nirodho vūpasamo atthagamo,||
dukkhasseso nirodho rogānaɱ vūpasamo jarāmaraṇassa atthagamo.|| ||

Yo gandhānaɱ nirodho vūpasamo atthagamo,||
dukkhasseso nirodho rogānaɱ vūpasamo jarāmaraṇassa atthagamo.|| ||

Yo rasānaɱ nirodho vūpasamo atthagamo,||
dukkhasseso nirodho rogānaɱ vūpasamo jarāmaraṇassa atthagamo.|| ||

Yo phoṭṭhabbānaɱ nirodho vūpasamo atthagamo,||
dukkhasseso nirodho rogānaɱ vūpasamo jarāmaraṇassa atthagamo.|| ||

[15] Yo dhammānaɱ nirodho vūpasamo atthagamo,||
dukkhasseso nirodho rogānaɱ vūpasamo jarāmaraṇassa atthagamo" ti.|| ||

 


Contact:
E-mail
Copyright Statement   Webmaster's Page