Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. Saḷāyatana Vagga
35: Saḷāyatana Saɱyutta
Mūlapaññāsa
3. Sabba Vagga

Sutta 23

Sabba Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[15]

[1][pts][than][olds][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi Bhikkhaveti.|| ||

Sabbaɱ vo bhikkhave desissāmi||
taɱ suṇātha.|| ||

Kiñca bhikkhave sabbaɱ?|| ||

Cakkhuñ ceva rūpā ca||
sotañ ca saddā ca||
ghānañca gandhā ca||
jivhā ca rasā ca||
kāyo ca phoṭṭhabbā ca||
mano ca dhammā ca.|| ||

Idaɱ vuccati bhikkhave sabbaɱ.|| ||

Yo bhikkhave evaɱ vadeyya:|| ||

Aham etaɱ sabbaɱ paccakkhāya aññaɱ sabbaɱ paññāpessāmīti,||
tassā vācāvatthur ev'assa||
puṭṭho ca na sampāyeyya,||
uttariñ ca vighātaɱ āpajjeyya.|| ||

Taɱ kissa hetu?|| ||

Yathā taɱ bhikkhave avisayasminti.|| ||

 


Contact:
E-mail
Copyright Statement   Webmaster's Page