Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. Saḷāyatana Vagga
35: Saḷāyatana Saɱyutta
Mūlapaññāsa
3. Sabba Vagga

Sutta 25

Dutiya Pahāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

"Bhikkhave" ti.|| ||

Sabbaɱ abhiññā pariññā pahānāya kho bhikkhave dhammaɱ desissāmi,||
taɱ suṇātha.|| ||

Katamo ca bhikkhave sabbaɱ abhiññā pariññā pahānāya dhammo?|| ||

Cakkhuɱ bhikkhave abhiññā pariññā pahātabbaɱ,||
rūpā abhiññā pariññā pahātabbā,||
cakkhu-viññāṇaɱ abhiññā pariññā pahātabbaɱ,||
cakkhu-samphasso abhiññā pariññā pahātabbo.|| ||

Yam pidaɱ cakkhu-samphassa-paccayā uppajjati vedayitaɱ||
sukhaɱ vā||
dukkhaɱ vā||
adukkha-m-asukhaɱ vā||
tam pi abhiññā pariññā pahātabbaɱ.|| ||

Sotaɱ bhikkhave abhiññā pariññā pahātabbaɱ,||
saddā abhiññā pariññā pahātabbā,||
sota-viññāṇaɱ abhiññā pariññā pahātabbaɱ,||
sota-samphasso abhiññā pariññā pahātabbo.|| ||

Yam pidaɱ sota-samphassa-paccayā uppajjati vedayitaɱ||
sukhaɱ vā||
dukkhaɱ vā||
adukkha-m-asukhaɱ vā||
tam pi abhiññā pariññā pahātabbaɱ.|| ||

Ghānaɱ bhikkhave abhiññā pariññā pahātabbaɱ,||
ghāndhā abhiññā pariññā pahātabbā,||
ghāna-viññāṇaɱ abhiññā pariññā pahātabbaɱ,||
ghāna-samphasso abhiññā pariññā pahātabbo.|| ||

Yam pidaɱ ghāna-samphassa-paccayā uppajjati vedayitaɱ||
sukhaɱ vā||
dukkhaɱ vā||
adukkha-m-asukhaɱ vā||
tam pi abhiññā pariññā pahātabbaɱ.|| ||

Jivhā abhiññā pariññā pahātabbā,||
rasā abhiññā pariññā pahātabbā,||
jivhā-viññāṇaɱ abhiññā pariññā pahātabbaɱ,||
jivhā-samphasso abhiññā pariññā pahātabbo.|| ||

Yam pidaɱ jivhā-samphassa-paccayā uppajjati vedayitaɱ||
sukhaɱ vā||
dukkhaɱ vā||
adukkha-m-asukhaɱ vā||
tam pi abhiññā pariññā pahātabbaɱ.|| ||

Kāya bhikkhave abhiññā pariññā pahātabbaɱ,||
phoṭṭhabbā abhiññā pariññā pahātabbā,||
kāya-viññāṇaɱ abhiññā pariññā pahātabbaɱ,||
kāya-samphasso abhiññā pariññā pahātabbo.|| ||

Yam pidaɱ kāya-samphassa-paccayā uppajjati vedayitaɱ||
sukhaɱ vā||
dukkhaɱ vā||
adukkha-m-asukhaɱ vā||
tam pi abhiññā pariññā pahātabbaɱ.|| ||

Mano abhiññā pariññā pahātabbo,||
dhammā abhiññā [17]|| pariññā pahātabbā,||
mano-viññāṇaɱ abhiññā pariññā pahātabbaɱ,||
mano-samphasso abhiññā pariññā pahātabbo.|| ||

Yam pidaɱ mano-samphassa-paccayā uppajjati vedayitaɱ||
sukhaɱ vā||
dukkhaɱ vā||
adukkhamasukhaɱ vā||
tam pi abhiññā pariññā pahātabbaɱ.|| ||

Ayaɱ kho bhikkhave sabbaɱ abhiññā pariññā pahānāya dhammo" ti.|| ||

 


Contact:
E-mail
Copyright Statement   Webmaster's Page