Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. Saḷāyatana Vagga
35: Saḷāyatana Saɱyutta
Paññāsako Dutiyo
2. Migajāla Vagga

Sutta 64

Dutiya Migajālena Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[37]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Atha kho āyasmā Migajālo yena Bhagavā ten'upasaŋkami,||
upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho āyasmā Migajālo Bhagavantaɱ etad avoca:|| ||

"Sādhu me bhante bhagavā,||
saṅkhittena dhammaɱ desetu||
yam ahaɱ bhagavato dhammaɱ sutvā||
eko vūpakaṭṭho||
appamatto||
ātāpī||
pahitatto||
vihareyyan" ti.|| ||

"Santi kho Migajāla cakkhu-viññeyyā rūpā||
iṭṭhā||
kantā||
manāpā||
piyarūpā||
kāmūpasaɱhitā||
rajanīyā.|| ||

Tañce bhikkhu abhinandati||
abhivadati||
ajjhosāya||
tiṭṭhati,||
tassa taɱ abhinandato||
abhivadato||
ajjhosāya||
tiṭṭhato||
uppajjati nandi.|| ||

Nandi-samudayā dukkha-samudayo Migajālā ti vadāmi.|| ||

Santi kho Migajāla sota-viññeyyā saddā||
iṭṭhā||
kantā||
manāpā||
piyarūpā||
kāmūpasaɱhitā||
rajanīyā.|| ||

Tañce bhikkhu abhinandati||
abhivadati||
ajjhosāya||
tiṭṭhati,||
tassa taɱ abhinandato||
abhivadato||
ajjhosāya||
tiṭṭhato||
uppajjati nandi.|| ||

Nandi-samudayā dukkha-samudayo Migajālā ti vadāmi.|| ||

Santi kho Migajāla ghāna-viññeyyā gandhā||
iṭṭhā||
kantā||
manāpā||
piyarūpā||
kāmūpasaɱhitā||
rajanīyā.|| ||

Tañce bhikkhu abhinandati||
abhivadati||
ajjhosāya||
tiṭṭhati,||
tassa taɱ abhinandato||
abhivadato||
ajjhosāya||
tiṭṭhato||
uppajjati nandi.|| ||

Nandi-samudayā dukkha-samudayo Migajālā ti vadāmi.|| ||

Santi kho Migajāla jivhā-viññeyyā rasā||
iṭṭhā||
kantā||
manāpā||
piyarūpā||
kāmūpasaɱhitā||
rajanīyā.|| ||

Tañce bhikkhu abhinandati||
abhivadati||
ajjhosāya||
tiṭṭhati,||
tassa taɱ abhinandato||
abhivadato||
ajjhosāya||
tiṭṭhato||
uppajjati nandi.|| ||

Nandi-samudayā dukkha-samudayo Migajālā ti vadāmi.|| ||

Santi kho Migajāla kāyo-viññeyyā phoṭṭhabbā||
iṭṭhā||
kantā||
manāpā||
piyarūpā||
kāmūpasaɱhitā||
rajanīyā.|| ||

Tañce bhikkhu abhinandati||
abhivadati||
ajjhosāya||
tiṭṭhati,||
tassa taɱ abhinandato||
abhivadato||
ajjhosāya||
tiṭṭhato||
uppajjati nandi.|| ||

Nandi-samudayā dukkha-samudayo Migajālā ti vadāmi.|| ||

Santi kho Migajāla mano-viññeyyā dhammā||
iṭṭhā||
kantā||
manāpā||
piyarūpā||
kāmūpasaɱhitā||
rajanīyā.|| ||

Tañce bhikkhu abhinandati||
abhivadati||
ajjhosāya||
tiṭṭhati,||
tassa taɱ abhinandato||
abhivadato||
ajjhosāya||
tiṭṭhato||
uppajjati nandi.|| ||

Nandi-samudayā dukkha-samudayo Migajālā ti vadāmi.|| ||

 


 

Santi ca kho Migajāla cakkhuviññeyyā rūpā||
iṭṭhā||
kantā||
manāpā||
piyarūpā||
kāmūpasaɱhitā||
rajanīyā.|| ||

Tañce bhikkhu nābhinandati||
nābhivadati||
na ajjhosāya tiṭṭhati,||
tassa taɱ anabhinandato||
anabhivadato||
anajjhosāya||
tiṭṭhato nandi nirujjhati.|| ||

Nandi-nirodhā dukkha-nirodho Migajālā ti vadāmi.|| ||

Santi ca kho Migajāla sota-viññeyyā saddā||
iṭṭhā||
kantā||
manāpā||
piyarūpā||
kāmūpasaɱhitā||
rajanīyā.|| ||

Tañce bhikkhu nābhinandati||
nābhivadati||
na ajjhosāya tiṭṭhati,||
tassa taɱ anabhinandato||
anabhivadato||
anajjhosāya||
tiṭṭhato nandi nirujjhati.|| ||

Nandi-nirodhā dukkha-nirodho Migajālā ti vadāmi.|| ||

Santi ca kho Migajāla ghāna-viññeyyā gandhā||
iṭṭhā||
kantā||
manāpā||
piyarūpā||
kāmūpasaɱhitā||
rajanīyā.|| ||

Tañce bhikkhu nābhinandati||
nābhivadati||
na ajjhosāya tiṭṭhati,||
tassa taɱ anabhinandato||
anabhivadato||
anajjhosāya||
tiṭṭhato nandi nirujjhati.|| ||

Nandi-nirodhā dukkha-nirodho Migajālā ti vadāmi.|| ||

Santi ca kho Migajāla jivhā-viññeyyā rasā||
iṭṭhā||
kantā||
manāpā||
piyarūpā||
kāmūpasaɱhitā||
rajanīyā.|| ||

Tañce bhikkhu nābhinandati||
nābhivadati||
na ajjhosāya tiṭṭhati,||
tassa taɱ anabhinandato||
anabhivadato||
anajjhosāya||
tiṭṭhato nandi nirujjhati.|| ||

Nandi-nirodhā dukkha-nirodho Migajālā ti vadāmi.|| ||

Santi ca kho Migajāla kāyo-viññeyyā phoṭṭhabbā||
iṭṭhā||
kantā||
manāpā||
piyarūpā||
kāmūpasaɱhitā||
rajanīyā.|| ||

Tañce bhikkhu nābhinandati||
nābhivadati||
na ajjhosāya tiṭṭhati,||
tassa taɱ anabhinandato||
anabhivadato||
anajjhosāya||
tiṭṭhato nandi nirujjhati.|| ||

Nandi-nirodhā dukkha-nirodho Migajālā ti vadāmi.|| ||

Santi ca kho Migajāla mano-viññeyyā dhammā||
iṭṭhā||
kantā||
manāpā||
piyarūpā||
kāmūpasaɱhitā||
rajanīyā.|| ||

Tañce bhikkhu nābhinandati||
nābhivadati||
na ajjhosāya tiṭṭhati,||
tassa taɱ anabhinandato||
anabhivadato||
anajjhosāya||
tiṭṭhato nandi nirujjhati.|| ||

Nandi-nirodhā dukkha-nirodho Migajālā ti vadāmi" ti.|| ||

Atha kho āyasmā Migajālo||
bhagavato bhāsitaɱ||
abhinanditvā anumoditvā uṭṭhāy āsanā bhagavantaɱ||
abhivādetvā padakkhiṇaɱ katvā pakkāmi.|| ||

Atha kho āyasmā Migajālo||
eko vūpakaṭṭho||
appamatto||
ātāpī||
pahitatto||
viharanto||
na cirasseva yassatthāya kulaputtā samma-d-eva agārasmā anagāriyaɱ pabbajanti||
tad anuttaraɱ brahmacariyaɱ-pariyosānaɱ||
diṭṭhe va dhamme sayaɱ abhiññā sacchikatvā upasampajja vihāsi:|| ||

'Khīṇā jāti||
vusitaɱ brahmacariyaɱ,||
kataɱ karaṇīyaɱ||
nāparaɱ itthattāyā' tī abbhaññāsi.|| ||

Aññataro va panāyasmā Migajālo arahataɱ ahosī ti.|| ||

 


Contact:
E-mail
Copyright Statement   Webmaster's Page