Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. Saḷāyatana Vagga
35: Saḷāyatana Saɱyutta
Paññāsako Dutiyo
2. Migajāla Vagga

Sutta 72

Dutiya Chaphassāyatana Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] "Yo hi koci bhikkhave bhikkhu channaɱ phassāyatanānaɱ||
samudayañ ca||
atthagamaña ca||
assādañ ca||
ādīnavañ ca||
nissaraṇañ ca||
yathābhūtaɱ nappajānāti;||
avusitaɱ tena brahmacariyaɱ,||
ārakā so imamhā dhamma-vinayā" ti.|| ||

Evaɱ vutte aññataro bhikkhu bhagavantaɱ etad avoca:|| ||

"Etthāhaɱ bhante, anassāsiɱ,||
thañhi bhante channaɱ āyatanānaɱ||
samudayañ ca||
atthagamañ ca||
assādañ ca||
ādīnavañ ca||
nissaraṇañ ca||
yathābhūtaɱ nappajānāmī" ti.|| ||

"Taɱ kim maññasi bhikkhu?

Cakkhuɱ:||
"Etaɱ mama||
eso ham asmi||
eso me attā" ti||
samanupassasī" ti?|| ||

"No h'etaɱ bhante."|| ||

"Sādhu bhikkhu!|| ||

Ettha ca te bhikkhu cakkhuɱ:||
'n'etaɱ mama||
n'eso ham asmi||
na me so attā' ti||
evam etaɱ yathābhūtaɱ sammappaññāya sudiṭṭhaɱ bhavissati,||
āyatiɱ apunabbhavāya.|| ||

Sotaɱ:||
"Etaɱ mama||
eso ham asmi||
eso me attā" ti||
samanupassasī" ti?|| ||

"No h'etaɱ bhante."|| ||

"Sādhu bhikkhu!|| ||

Ettha ca te bhikkhu sotaɱ:||
'n'etaɱ mama||
n'eso ham asmi||
na me so attā' ti||
evam etaɱ yathābhūtaɱ sammappaññāya sudiṭṭhaɱ bhavissati,||
āyatiɱ apunabbhavāya.|| ||

Ghānaɱ:||
'Etaɱ mama||
eso ham asmi||
eso me attā" ti||
samanupassasī' ti?|| ||

"No h'etaɱ bhante."|| ||

"Sādhu bhikkhu!|| ||

Ettha ca te bhikkhu ghānaɱ:||
'n'etaɱ mama||
n'eso ham asmi||
na me so attā' ti||
evam etaɱ yathābhūtaɱ sammappaññāya sudiṭṭhaɱ bhavissati,||
āyatiɱ apunabbhavāya.|| ||

Jivhaɱ:||
"Etaɱ mama||
eso ham asmi||
eso me attā" ti||
samanupassasī" ti?|| ||

"No h'etaɱ bhante."|| ||

"Sādhu bhikkhu!|| ||

Ettha ca te bhikkhu jivhā:||
'n'etaɱ mama||
n'eso ham asmi||
na me so attā' ti||
evam etaɱ yathābhūtaɱ sammappaññāya sudiṭṭhaɱ bhavissati,||
āyatiɱ apunabbhavāya.|| ||

Kāyaɱ:||
'Etaɱ mama||
eso ham asmi||
eso me attā' ti||
samanupassasī" ti?|| ||

"No h'etaɱ bhante."|| ||

"Sādhu bhikkhu!|| ||

Ettha ca te bhikkhu kāyaɱ:||
'n'etaɱ mama||
n'eso ham asmi||
na me so attā' ti||
evam etaɱ yathābhūtaɱ sammappaññāya sudiṭṭhaɱ bhavissati,||
āyatiɱ apunabbhavāya.|| ||

Manaɱ:||
'Etaɱ mama||
eso ham asmi||
eso me attā' ti||
samanupassasī" ti?|| ||

"No h'etaɱ bhante."|| ||

"Sādhu bhikkhu!|| ||

Ettha ca te bhikkhu mano:||
'n'etaɱ mama||
n'eso ham asmi||
na me so attā' ti||
evam etaɱ yathābhūtaɱ sammappaññāya sudiṭṭhaɱ bhavissati,||
āyatiɱ apunabbhavāya" ti.|| ||

 


Contact:
E-mail
Copyright Statement   Webmaster's Page