Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
IV. Saḷāyatana Vagga
35: Saḷāyatana Saɱyutta
Paññāsaka Dutiya
3. Gilāna Vagga

Sutta 78

Anatta Suttaɱ (aka: Rādha Suttaɱ (iii))

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Atha kho āyasmā Rādho yena bhagavā ten'upasaɱkami.|| ||

Upasaɱkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho āyasmā Rādho Bhagavantaɱ etad avoca:|| ||

"Sādhu me bhante, bhagavā saṅkhittena dhammaɱ desetu,||
yam ahaɱ Bhagavato dhammaɱ sutvā eko vūpakaṭṭho appamatto ātāpī pahitatto vihareyyan" ti.|| ||

"Yaɱ kho Rādha, anattā||
tatra te chando pahātabbo.|| ||

Kiñ ca Rādha, anattā?|| ||

Cakkhuɱ kho Rādha, anattā,||
tatra te chando pahātabbo.|| ||

Rūpā anattā,||
tatra te chando pahātabbo.|| ||

Cakkhu-viññāṇaɱ anattā,||
tatra te chando pahātabbo.|| ||

Cakkhu-samphasso anattā,||
tatra te chando pahātabbo.|| ||

Yampidaɱ cakkhu-samphassa-paccayā uppajjati vedayitaɱ||
sukhaɱ vā||
dukkhɱ vā||
adukkha-m-asukhaɱ vā||
tam pi anattā,||
tatra te chando pahātabbo.|| ||

Sotaɱ anattā,||
tatra te chando pahātabbo.|| ||

Saddā anattā,||
tatra te chando pahātabbo.|| ||

Sota-viññāṇaɱ anattā,||
tatra te chando pahātabbo.|| ||

Sota-samphasso anattā,||
tatra te chando pahātabbo.|| ||

Yampidaɱ sota-samphassa-paccayā uppajjati vedayitaɱ||
sukhaɱ vā||
dukkhɱ vā||
adukkha-m-asukhaɱ vā||
tam pi anattā,||
tatra te chando pahātabbo.|| ||

Ghānaɱ anattā,||
tatra te chando pahātabbo.|| ||

Gandhā anattā,||
tatra te chando pahātabbo.|| ||

Ghāna-viññāṇaɱ anattā,||
tatra te chando pahātabbo.|| ||

Ghāna-samphasso anattā,||
tatra te chando pahātabbo.|| ||

Yampidaɱ ghāna-samphassa-paccayā uppajjati vedayitaɱ||
sukhaɱ vā||
dukkhɱ vā||
adukkha-m-asukhaɱ vā||
tam pi anattā,||
tatra te chando pahātabbo.|| ||

Jivhā anattā,||
tatra te chando pahātabbo.|| ||

Rasā anattā,||
tatra te chando pahātabbo.|| ||

Jivhā-viññāṇaɱ anattā,||
tatra te chando pahātabbo.|| ||

Jivhā-samphasso anattā,||
tatra te chando pahātabbo.|| ||

Yampidaɱ jivhā-samphassa-paccayā uppajjati vedayitaɱ||
sukhaɱ vā||
dukkhɱ vā||
adukkha-m-asukhaɱ vā||
tam pi anattā,||
tatra te chando pahātabbo.|| ||

Kāyo anattā,||
tatra te chando pahātabbo.|| ||

Phoṭṭhabbā anattā,||
tatra te chando pahātabbo.|| ||

Kāya-viññāṇaɱ anattā,||
tatra te chando pahātabbo.|| ||

Kāya-samphasso anattā,||
tatra te chando pahātabbo.|| ||

Yampidaɱ kāya-samphassa-paccayā uppajjati vedayitaɱ||
sukhaɱ vā||
dukkhɱ vā||
adukkha-m-asukhaɱ vā||
tam pi anattā,||
tatra te chando pahātabbo.|| ||

Mano anattā,||
tatra te chando pahātabbo.|| ||

Dhammā anattā,||
tatra te chando pahātabbo.|| ||

Manoviññāṇaɱ anattā,||
tatra te chando pahātabbo.|| ||

Manosamphasso anattā,||
tatra te chando pahātabbo.|| ||

Yampidaɱ mano-samphassa-paccayā uppajjati vedayitaɱ||
sukhaɱ vā||
dukkhɱ vā||
adukkha-m-asukhaɱ vā||
tam pi anattā,||
tatra te chando pahātabbo.|| ||

Yaɱ kho Rādha anattā,||
tatra te chando pahātabbo" ti.|| ||

 


Contact:
E-mail
Copyright Statement   Webmaster's Page