Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
IV. Saḷāyatana Vagga
35: Saḷāyatana Saɱyutta
Paññāsaka Dutiya
3. Gilāna Vagga

Sutta 82

Loka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[52]

[1][pts][than][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Atha kho aññataro bhikkhu yena Bhagavā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho so bhikkhu Bhagavantaɱ etad avoca:|| ||

"'Loko! Loko!' ti bhante vuccati,||
kittāvatā nu kho bhante,||
loko ti vuccatī" ti?|| ||

"'Lujjatī' ti kho bhikkhu||
tasmā 'loko' ti vuccati.|| ||

Kiñ ca lujjati?|| ||

Cakkhuɱ kho bhikkhu lujjati,||
rūpā lujjanti,||
cakkhu-viññāṇaɱ lujjati,||
cakkhu-samphasso lujjati,||
yampidaɱ cakkhu-samphassa-paccayā uppajjati vedayitaɱ||
sukhaɱ vā||
dukkhaɱ vā||
adukkha-m-asukhaɱ vā||
tam pi lujjati.|| ||

Sotaɱ kho bhikkhu lujjati,||
saddā lujjanti,||
sota-viññāṇaɱ lujjati,||
sota-samphasso lujjati,||
yampidaɱ sota-samphassa-paccayā uppajjati vedayitaɱ||
sukhaɱ vā||
dukkhaɱ vā||
adukkha-m-asukhaɱ vā||
tam pi lujjati.|| ||

Ghānaɱ kho bhikkhu lujjati,||
gandhā lujjanti,||
ghāna-viññāṇaɱ lujjati,||
ghāna-samphasso lujjati,||
yampidaɱ ghāna-samphassa-paccayā uppajjati vedayitaɱ||
sukhaɱ vā||
dukkhaɱ vā||
adukkha-m-asukhaɱ vā||
tam pi lujjati.|| ||

Jivhā kho bhikkhu lujjati,||
rasā lujjanti,||
jivhā-viññāṇaɱ lujjati,||
jivhā-samphasso lujjati,||
yampidaɱ jivhā-samphassa-paccayā uppajjati vedayitaɱ||
sukhaɱ vā||
dukkhaɱ vā||
adukkha-m-asukhaɱ vā||
tam pi lujjati.|| ||

Kāyaɱ kho bhikkhu lujjati,||
phoṭṭhabbā lujjanti,||
kāya-viññāṇaɱ lujjati,||
kāya-samphasso lujjati,||
yampidaɱ kāya-samphassa-paccayā uppajjati vedayitaɱ||
sukhaɱ vā||
dukkhaɱ vā||
adukkha-m-asukhaɱ vā||
tam pi lujjati.|| ||

Mano kho bhikkhu lujjati,||
dhammā lujjanti,||
mano-viññāṇaɱ lujjati,||
mano-samphasso lujjati,||
yampidaɱ mano-samphassa-paccayā uppajjati vedayitaɱ||
sukhaɱ vā||
dukkhaɱ vā||
adukkha-m-asukhaɱ vā||
tam pi lujjati.|| ||

Kho bhikkhu tasmā||
'loko' ti vuccatī" ti.|| ||

 


Contact:
E-mail
Copyright Statement   Webmaster's Page