Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
IV. Saḷāyatana Vagga
35: Saḷāyatana Saɱyutta
Paññāsaka Dutiya
3. Gilāna Vagga

Sutta 83

Phagguna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[52]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Atha kho āyasmā Phagguno yena Bhagavā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho āyasmā Phagguno Bhagavantaɱ etad avoca:|| ||

"Atthi nu kho bhante, taɱ cakkhu||
yena cakkhunā atīte buddhe parinibbute||
chinnapapañce||
chinnavaṭume||
pariyādinnavaṭṭe||
sabba-dukkha-vītivatte
paññāpaya-māno
paññāpeyya?|| ||

Atthi nu kho taɱ bhante, sota yena sotena atīte buddhe parinibbute||
chinnapapañce||
chinnavaṭume||
pariyādinnavaṭṭe||
sabba-dukkha-vītivatte
paññāpaya-māno
paññāpeyya?|| ||

Atthi nu kho taɱ bhante, ghāna yena ghānena atīte buddhe parinibbute||
chinnapapañce||
chinnavaṭume||
pariyādinnavaṭṭe||
sabba-dukkha-vītivatte
paññāpaya-māno
paññāpeyya?|| ||

Atthi nu kho sā bhante, jivhā yāya jivhāya atīte buddhe parinibbute||
chinnapapañce||
chinnavaṭume||
pariyādinnavaṭṭe||
sabba-dukkha-vītivatte
paññāpaya-māno
paññāpeyya?|| ||

Atthi nu kho so bhante, kāyo yena kāyena atīte buddhe parinibbute||
chinnapapañce||
chinnavaṭume||
pariyādinnavaṭṭe||
sabba-dukkha-vītivatte
paññāpaya-māno
paññāpeyya?|| ||

Atthi nu kho so bhante, mano yena manena atīte buddhe parinibbute||
chinnapapañce||
chinnavaṭume||
pariyādinnavaṭṭe||
sabba-dukkha-vītivatte
paññāpaya-māno
paññāpeyya?|| ||

Natthi kho taɱ Phagguna, cakkhu yena cakkhunā atīte buddhe parinibbute||
chinnapapañce||
chinnavaṭume||
pariyādinnavaṭṭe||
sabba-dukkha-vītivatte
paññāpaya-māno
paññāpeyya?|| ||

 


 

Natthi kho taɱ Phagguna, sota yena sotena atīte buddhe parinibbute||
chinnapapañce||
chinnavaṭume||
pariyādinnavaṭṭe||
sabba-dukkha-vītivatte
paññāpaya-māno
paññāpeyya.|| ||

Natthi kho taɱ Phagguna, ghāna yena ghānena atīte buddhe parinibbute||
chinnapapañce||
chinnavaṭume||
pariyādinnavaṭṭe||
sabba-dukkha-vītivatte
paññāpaya-māno
paññāpeyya.|| ||

Natthi kho sā Phagguna, jivhā yāya jivhāya atīte buddhe parinibbute||
chinnapapañce||
chinnavaṭume||
pariyādinnavaṭṭe||
sabba-dukkha-vītivatte
paññāpaya-māno
paññāpeyya.|| ||

Natthi kho so Phagguna, kāyo yena kāyena atīte buddhe parinibbute||
chinnapapañce||
chinnavaṭume||
pariyādinnavaṭṭe||
sabba-dukkha-vītivatte
paññāpaya-māno
paññāpeyya.|| ||

[53] Natthi kho so Phagguna, mano yena manena atīte buddhe parinibbute||
chinnapapañce||
chinnavaṭume||
pariyādinnavaṭṭe||
sabba-dukkha-vītivatte
paññāpaya-māno
paññāpeyyā" ti.|| ||

 


Contact:
E-mail
Copyright Statement   Webmaster's Page