Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
IV. Saḷāyatana Vagga
35: Saḷāyatana Saɱyutta
Paññāsaka Dutiya
4. Channa Vagga

Sutta 91

Dutiya Ejā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[66]

[1][pts][bodh]

Ekaɱ samayaɱ Bhagavā Sāvatthīyaɱ viharati Jetavane Anāthapiṇḍikassa ārāme.|| ||

2. Tatra kho bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

Ejā bhikkhave rogo,||
ejā gaṇḍo,||
ejā sallaɱ,||
tasmā ti ha bhikkhave,||
Tathāgato anejo viharati vītasallo.|| ||

Tasmātiha bhikkhave, bhikkhu ce pi ākaṅkheyya anejo vihareyyaɱ vītasalloti.|| ||

Cakkhuɱ na maññeyya,||
cakkhusmiɱ na maññeyya,||
cakkhuto na maññeyya,||
cakkhuɱ 'Me' ti na maññeyya.|| ||

Rūpe na maññeyya,||
rūpesu na maññeyya,||
rūpato na maññeyya,||
rūpā 'Me' ti na maññeyya.|| ||

Cakkhu-viññāṇaɱ na maññeyya,||
cakkhu-viññāṇasmiɱ na maññeyya,||
cakkhu-viññāṇato na maññeyya,||
cakkhu-viññāṇaɱ 'Me' ti na maññeyya.|| ||

Cakkhu-samphassaɱ na maññeyya,||
cakkhu-samphassasmiɱ na maññeyya,||
cakkhu-samphassato na maññeyya,||
cakkhu-samphasso 'Me' ti na maññeyya.|| ||

Yam pidaɱ cakkhu-samphassa-paccayā uppajjati vedayitaɱ,||
sukhaɱ vā,||
dukkhaɱ vā,||
adukkha-m-asukhaɱ vā,||
tam pi na maññeyya,||
tasmim pi na maññeyya,||
tato pi na maññeyya,||
tam 'Me' ti na maññeyya.|| ||

Yaɱ hi bhikkhave maññati,
yasmiɱ maññati,
yato maññati,
yam 'Me' ti maññati,
tato taɱ hoti aññathā.|| ||

Aññathābhāvī bhavasatto loko bhavam eva abhinandati.|| ||

Sotaɱ na maññeyya,||
sotasmiɱ na maññeyya,||
soto na maññeyya,||
sota 'Me' ti na maññeyya.|| ||

Saddā na maññeyya,||
saddesu na maññeyya,||
saddato na maññeyya,||
sadda 'Me' ti na maññeyya.|| ||

Sota-viññāṇaɱ na maññeyya,||
sota-viññāṇasmiɱ na maññeyya,||
sota-viññāṇato na maññeyya,||
sota-viññāṇaɱ 'Me' ti na maññeyya.|| ||

Sota-samphassaɱ na maññeyya,||
sota-samphassasmiɱ na maññeyya,||
sota-samphassato na maññeyya,||
sota-samphasso 'Me' ti na maññeyya.|| ||

Yam pidaɱ sota-samphassa-paccayā uppajjati vedayitaɱ,||
sukhaɱ vā,||
dukkhaɱ vā,||
adukkha-m-asukhaɱ vā,||
tam pi na maññeyya,||
tasmim pi na maññeyya,||
tato pi na maññeyya,||
tam 'Me' ti na maññeyya.|| ||

Yaɱ hi bhikkhave maññati,
yasmiɱ maññati,
yato maññati,
yam 'Me' ti maññati,
tato taɱ hoti aññathā.|| ||

Aññathābhāvī bhavasatto loko bhavam eva abhinandati.|| ||

Ghānaɱ na maññeyya,||
ghānasmiɱ na maññeyya,||
ghānato na maññeyya,||
ghāna 'Me' ti na maññeyya.|| ||

Gandhā na maññeyya,||
gandesu na maññeyya,||
gandato na maññeyya,||
gandhā 'Me' ti na maññeyya.|| ||

Ghāna-viññāṇaɱ na maññeyya,||
ghāna-viññāṇasmiɱ na maññeyya,||
ghāna-viññāṇato na maññeyya,||
ghāna-viññāṇaɱ 'Me' ti na maññeyya.|| ||

Ghāna-samphassaɱ na maññeyya,||
ghāna-samphassasmiɱ na maññeyya,||
ghāna-samphassato na maññeyya,||
ghāna-samphasso 'Me' ti na maññeyya.|| ||

Yam pidaɱ ghāna-samphassa-paccayā uppajjati vedayitaɱ,||
sukhaɱ vā,||
dukkhaɱ vā,||
adukkha-m-asukhaɱ vā,||
tam pi na maññeyya,||
tasmim pi na maññeyya,||
tato pi na maññeyya,||
tam 'Me' ti na maññeyya.|| ||

Yaɱ hi bhikkhave maññati,
yasmiɱ maññati,
yato maññati,
yam 'Me' ti maññati,
tato taɱ hoti aññathā.|| ||

Aññathābhāvī bhavasatto loko bhavam eva abhinandati.|| ||

Jivhā na maññeyya,||
jivhāya na maññeyya,||
jivhāto na maññeyya,||
jivhā 'Me' ti na maññeyya.|| ||

Rase na maññeyya,||
rasesu na maññeyya,||
rasato na maññeyya,||
rasā 'Me' ti na maññeyya.|| ||

Jivhā-viññāṇaɱ na maññeyya,||
jivhā-viññāṇasmiɱ na maññeyya,||
jivhā-viññāṇato na maññeyya,||
jivhā-viññāṇaɱ 'Me' ti na maññeyya.|| ||

Jivhā-samphassaɱ na maññeyya,||
jivhā-samphassasmiɱ na maññeyya,||
jivhā-samphassato na maññeyya,||
jivhā-samphasso 'Me' ti na maññeyya.|| ||

Yam pidaɱ jivhā-samphassa-paccayā uppajjati vedayitaɱ,||
sukhaɱ vā,||
dukkhaɱ vā,||
adukkha-m-asukhaɱ vā,||
tam pi na maññeyya,||
tasmim pi na maññeyya,||
tato pi na maññeyya,||
tam 'Me' ti na maññeyya.|| ||

Yaɱ hi bhikkhave maññati,
yasmiɱ maññati,
yato maññati,
yam 'Me' ti maññati,
tato taɱ hoti aññathā.|| ||

Aññathābhāvī bhavasatto loko bhavam eva abhinandati.|| ||

Kāyaɱ na maññeyya,||
kāyasmiɱ na maññeyya,||
kāyo na maññeyya,||
kāya 'Me' ti na maññeyya.|| ||

Phoṭṭhabbāɱ na maññeyya,||
phoṭṭhabbāsmiɱ na maññeyya,||
phoṭṭhabbo na maññeyya,||
phoṭṭhabbā 'Me' ti na maññeyya.|| ||

Kāya-viññāṇaɱ na maññeyya,||
kāya-viññāṇasmiɱ na maññeyya,||
kāya-viññāṇato na maññeyya,||
kāya-viññāṇaɱ 'Me' ti na maññeyya.|| ||

Kāya-samphassaɱ na maññeyya,||
kāya-samphassasmiɱ na maññeyya,||
kāya-samphassato na maññeyya,||
kāya-samphasso 'Me' ti na maññeyya.|| ||

Yam pidaɱ kāya-samphassa-paccayā uppajjati vedayitaɱ,||
sukhaɱ vā,||
dukkhaɱ vā,||
adukkha-m-asukhaɱ vā,||
tam pi na maññeyya,||
tasmim pi na maññeyya,||
tato pi na maññeyya,||
tam 'Me' ti na maññeyya.|| ||

Yaɱ hi bhikkhave maññati,
yasmiɱ maññati,
yato maññati,
yam 'Me' ti maññati,
tato taɱ hoti aññathā.|| ||

Aññathābhāvī bhavasatto loko bhavam eva abhinandati.|| ||

Manaɱ na maññeyya,||
manasmiɱ na maññeyya,||
manato na maññeyya,||
mano 'Me' ti na maññeyya.|| ||

Dhamme na maññeyya,||
dhammesu na maññeyya,||
dhammato na maññeyya,||
dhammā 'Me' ti na maññeyya.|| ||

Mano-viññāṇaɱ na maññeyya,||
mano-viññāṇasmiɱ na maññeyya,||
mano-viññāṇato na maññeyya,||
mano-viññāṇaɱ 'Me' ti na maññeyya.|| ||

Mano-samphassaɱ na maññeyya,||
mano-samphassasmiɱ na maññeyya,||
mano-samphassato na maññeyya,||
mano-samphasso 'Me' ti na maññeyya.|| ||

Yam pidaɱ mano-samphassa-paccayā uppajjati vedayitaɱ,||
sukhaɱ vā,||
dukkhaɱ vā,||
adukkha-m-asukhaɱ vā,||
tam pi na maññeyya,||
tasmim pi na maññeyya,||
tato pi na maññeyya,||
tam 'Me' ti na maññeyya.|| ||

Yaɱ hi bhikkhave maññati,
yasmiɱ maññati,
yato maññati,
yam 'Me' ti maññati,
tato taɱ hoti aññathā.|| ||

Aññathābhāvī bhavasatto loko bhavam eva abhinandati.|| ||

Yāvatā bhikkhave khandha dhātu āyatanaɱ||
tam pi na maññeyya,||
tasmim pi na maññeyya,||
tato pi na maññeyya,||
tam 'Me' ti na maññeyya,
so evaɱ amaññamāno na ca kiñci loke upādiyati,||
anupādiyaɱ na paritassati,||
aparitassaɱ paccattaññeva parinibbāyati:|| ||

'Khīṇā jāti||
vusitaɱ brahmacariyaɱ||
kataɱ karaṇīyaɱ||
nāparaɱ itthattāyā' ti pajānāti.|| ||

 


Contact:
E-mail
Copyright Statement   Webmaster's Page