Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
IV. Saḷāyatana Vagga
35: Saḷāyatana Saɱyutta
Paññāsaka Tatiya
1. Yogakkhemi Vagga

Sutta 105

Upādāya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[85]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

2. Tatra kho bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

"Kismin nu kho bhikkhave||
sati kiɱ upādāya uppajjati ajjhattaɱ||
sukha dukkhan?" ti.|| ||

"Bhagavam-mūlakā no bhante dhammā,||
Bhagavantettikā||
Bhagavampaṭisaraṇā,||
sādhu vata bhante,||
Bhagavantaɱ yeva paṭibhātu etassa bhāsitassa attho,||
Bhagavato sutvā bhikkhū dhāressantī" ti.|| ||

"Tena hi bhikkhave suṇātha,||
sādhukaɱ manasi karotha,||
bhāsissāmī" ti.

"Evam bhante" ti kho te bhikkhū Bhagavato paccassosuɱ.|| ||

Bhagavā etad avoca:|| ||

Cakkhusmiɱ kho bhikkhave sati||
cakkhuɱ upādāya||
uppajjati ajjhattaɱ sukha-dukkhaɱ;|| ||

sotasmiɱ sati||
sotaɱ upādāya||
uppajjati ajjhattaɱ sukha-dukkhaɱ;|| ||

ghānasmiɱ sati||
ghānaɱ upādāya||
uppajjati ajjhattaɱ sukha-dukkhaɱ;|| ||

jivhāya sati||
jivhaɱ upādāya||
uppajjati ajjhattaɱ sukha-dukkhaɱ;|| ||

kāyasmiɱ sati||
kāyaɱ upādāya||
uppajjati ajjhattaɱ sukha-dukkhaɱ;|| ||

manasmiɱ sati||
manaɱ upādāya||
uppajjati ajjhattaɱ sukha-dukkhaɱ.| ||

 


 

Taɱ kim maññatha bhikkhave?|| ||

Cakkhuɱ niccaɱ vā aniccaɱ vā" ti?|| ||

"Aniccaɱ bhante".|| ||

"Yam panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yam panāniccaɱ dukkhaɱ||
vipariṇāma-dhammaɱ api nu taɱ anupādāya||
uppajjeyya ajjhattaɱ sukha-dukkha" ti?|| ||

"No h'etaɱ bhante."|| ||

"Sotaɱ niccaɱ vā aniccaɱ vā" ti?|| ||

"Aniccaɱ bhante".|| ||

"Yam panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yam panāniccaɱ dukkhaɱ||
vipariṇāma-dhammaɱ api nu taɱ anupādāya||
uppajjeyya ajjhattaɱ sukha-dukkha" ti?|| ||

"No h'etaɱ bhante."|| ||

"Ghānaɱ niccaɱ vā aniccaɱ vā" ti?|| ||

"Aniccaɱ bhante".|| ||

"Yam panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yam panāniccaɱ dukkhaɱ||
vipariṇāma-dhammaɱ api nu taɱ anupādāya||
uppajjeyya ajjhattaɱ sukha-dukkha" ti?|| ||

"No h'etaɱ bhante."|| ||

[86]"Jivhā niccaɱ vā aniccaɱ vā" ti?|| ||

"Aniccaɱ bhante".|| ||

"Yam panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yam panāniccaɱ dukkhaɱ||
vipariṇāma-dhammaɱ api nu taɱ anupādāya||
uppajjeyya ajjhattaɱ sukha-dukkha" ti?|| ||

"No h'etaɱ bhante."|| ||

"Kāyo niccaɱ vā aniccaɱ vā" ti?|| ||

"Aniccaɱ bhante".|| ||

"Yam panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yam panāniccaɱ dukkhaɱ||
vipariṇāma-dhammaɱ api nu taɱ anupādāya||
uppajjeyya ajjhattaɱ sukha-dukkha" ti?|| ||

"No h'etaɱ bhante."|| ||

"Mano niccaɱ vā aniccaɱ vā" ti?|| ||

"Aniccaɱ bhante".|| ||

"Yam panāniccaɱ dukkhaɱ vā taɱ sukhaɱ vā" ti?|| ||

"Dukkhaɱ bhante."|| ||

"Yam panāniccaɱ dukkhaɱ||
vipariṇāma-dhammaɱ api nu taɱ anupādāya||
uppajjeyya ajjhattaɱ sukha-dukkha" ti?|| ||

"No h'etaɱ bhante."|| ||

Evam passaɱ bhikkhave, sutavā ariyasāvako||
cakkhusmim pi nibbindati,||
sotasmim pi nibbindati,||
ghānasmim pi nibbindati,||
jivhāya pi nibbindati,||
kāyasmim pi nibbindati,||
manasmim pi nibbindati,||
nibbindaɱ virajjati,||
virāgā vimuccati,||
vimuttasmiɱ vimuttamiti ñāṇaɱ hoti:|| ||

'Khīṇā jāti,||
vusitaɱ brahmacariyaɱ,||
kataɱ karaṇīyaɱ||
nāparaɱ itthattāyā' ti pajānātī" ti.|| ||

 


Contact:
E-mail
Copyright Statement   Webmaster's Page