Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
IV. Saḷāyatana Vagga
35: Saḷāyatana Saɱyutta
Paññāsaka Tatiya
1. Yogakkhemi Vagga

Sutta 110

Upādāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

2. Tatra kho bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

"Upādāniye ca bhikkhave dhamme desissāmi||
upādānaɱ ca.|| ||

Taɱ suṇātha.|| ||

Katame ca bhikkhave upādānīyā dhammā?|| ||

Katamañ ca upādānaɱ?|| ||

Cakkhuɱ bhikkhave upādānīyo dhammo,||
yo tattha chandarāgo||
taɱ tattha upādānaɱ.|| ||

Sotaɱ upādānīyo dhammo,||
yo tattha chandarāgo||
taɱ tattha upādānaɱ.|| ||

Ghānaɱ upādānīyo dhammo,||
yo tattha chandarāgo||
taɱ tattha upādānaɱ.|| ||

Jivhā upādānīyo dhammo,||
yo tattha chandarāgo||
taɱ tattha upādānaɱ.|| ||

Kāyo upādānīyo dhammo,||
yo tattha chandarāgo taɱ||
tattha upādānaɱ.|| ||

Mano upādānīyo dhammo,||
yo tattha chandarāgo||
taɱ tattha upādānaɱ.|| ||

Ime vuccanti bhikkhave upādānīyā dhammā,||
idaɱ upādānan" ti.|| ||

 


Contact:
E-mail
Copyright Statement   Webmaster's Page