Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
IV. Saḷāyatana Vagga
35: Saḷāyatana Saɱyutta
Paññāsaka Tatiya
1. Yogakkhemi Vagga

Sutta 113

Upassuti Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Nādike viharati||
Giñjakāvasathe.|| ||

Atha kho bhagavā rahogato paṭisallīno imaɱ dhamma-pariyāyaɱ abhāsi.|| ||

Cakkhuɱ paṭicca rūpe uppajjati||
cakkhu-viññāṇaɱ tiṇṇaɱ saṅgati phasso,||
phassa-paccayā vedanā,||
vedanā-paccayā taṇhā,||
taṇhā-paccayā upādānaɱ,||
upādāna-paccayā bhavo,||
bhava-paccayā jāti,||
jāt-ipaccayā jarā-maraṇaɱ||
soka-parideva-dukkha-domanassupāyāsā sambhavanti.|| ||

Evame tassa kevalassa dukkhakkhandhassa samudayo hoti.|| ||

Sotañ ca paṭicca sadde uppajjati||
sota-viññāṇaɱ tiṇṇaɱ saṅgati phasso,||
phassa-paccayā vedanā,||
vedanā-paccayā taṇhā,||
taṇhā-paccayā upādānaɱ,||
upādāna-paccayā bhavo,||
bhava-paccayā jāti,||
jāt-ipaccayā jarā-maraṇaɱ||
soka-parideva-dukkha-domanassupāyāsā sambhavanti.|| ||

Evame tassa kevalassa dukkhakkhandhassa samudayo hoti.|| ||

Ghānañ ca paṭicca gandhe uppajjati||
ghāna-viññāṇaɱ tiṇṇaɱ saṅgati phasso,||
phassa-paccayā vedanā,||
vedanā-paccayā taṇhā,||
taṇhā-paccayā upādānaɱ,||
upādāna-paccayā bhavo,||
bhava-paccayā jāti,||
jāt-ipaccayā jarā-maraṇaɱ||
soka-parideva-dukkha-domanassupāyāsā sambhavanti.|| ||

Evame tassa kevalassa dukkhakkhandhassa samudayo hoti.|| ||

Jivhañ ca paṭicca rase uppajjati|| ||

jivhā-viññāṇaɱ tiṇṇaɱ saṅgati phasso,||
phassa-paccayā vedanā,||
vedanā-paccayā taṇhā,||
taṇhā-paccayā upādānaɱ,||
upādāna-paccayā bhavo,||
bhava-paccayā jāti,||
jāt-ipaccayā jarā-maraṇaɱ||
soka-parideva-dukkha-domanassupāyāsā sambhavanti.|| ||

Evame tassa kevalassa dukkhakkhandhassa samudayo hoti.|| ||

Kāyañ ca paṭicca phoṭṭhabbe uppajjati||
cakkhu-viññāṇaɱ tiṇṇaɱ saṅgati phasso,||
phassa-paccayā vedanā,||
vedanā-paccayā taṇhā,||
taṇhā-paccayā upādānaɱ,||
upādāna-paccayā bhavo,||
bhava-paccayā jāti,||
jāt-ipaccayā jarā-maraṇaɱ||
soka-parideva-dukkha-domanassupāyāsā sambhavanti.|| ||

Evame tassa kevalassa dukkhakkhandhassa samudayo hoti.|| ||

Manañ ca paṭicca dhamme uppajjati||
mano-viññāṇaɱ tiṇṇaɱ saṅgati phasso,||
phassa-paccayā vedanā,||
vedanā-paccayā taṇhā,||
taṇhā-paccayā upādānaɱ,||
upādāna-paccayā bhavo,||
bhava-paccayā jāti,||
jāt-ipaccayā jarā-maraṇaɱ||
soka-parideva-dukkha-domanassupāyāsā sambhavanti.|| ||

Evame tassa kevalassa dukkhakkhandhassa samudayo hoti.|| ||

 


 

Cakkhuñ ca paṭicca rūpe uppajjati||
cakkhu-viññāṇaɱ tiṇṇaɱ saṅgati phasso,||
phassa-paccayā vedanā,||
vedanā-paccayā taṇhā,||
tassā yeva taṇhāya asesa-virāga-nirodhā upādā-nanirodho,||
upādā-nanirodhā bhava-nirodho,||
bhava-nirodhā jāti-nirodho,||
jāti-nirodhā jarā-maraṇaɱ||
soka-parideva-dukkha-domanassupāyāsā nirujjhanti.|| ||

Evam etassa kevalassa dukkhakkhandhassa nirodho hoti.|| ||

Sotañ ca paṭicca sadde uppajjati||
sota-viññāṇaɱ tiṇṇaɱ saṅgati phasso,||
phassa-paccayā vedanā,||
vedanā-paccayā taṇhā,||
tassā yeva taṇhāya asesa-virāga-nirodhā upādā-nanirodho,||
upādā-nanirodhā bhava-nirodho,||
bhava-nirodhā jāti-nirodho,||
jāti-nirodhā jarā-maraṇaɱ||
soka-parideva-dukkha-domanassupāyāsā nirujjhanti.|| ||

Evam etassa kevalassa dukkhakkhandhassa nirodho hoti.|| ||

Ghānañ ca paṭicca gandhe uppajjati||
ghāna-viññāṇaɱ tiṇṇaɱ saṅgati phasso,||
phassa-paccayā vedanā,||
vedanā-paccayā taṇhā,||
tassā yeva taṇhāya asesa-virāga-nirodhā upādā-nanirodho,||
upādā-nanirodhā bhava-nirodho,||
bhava-nirodhā jāti-nirodho,||
jāti-nirodhā jarā-maraṇaɱ||
soka-parideva-dukkha-domanassupāyāsā nirujjhanti.|| ||

Evam etassa kevalassa dukkhakkhandhassa nirodho hoti.|| ||

Jivhañ ca paṭicca rase uppajjati||
jivhā-viññāṇaɱ tiṇṇaɱ saṅgati phasso,||
phassa-paccayā vedanā,||
vedanā-paccayā taṇhā,||
tassā yeva taṇhāya asesa-virāga-nirodhā upādā-nanirodho,||
upādā-nanirodhā bhava-nirodho,||
bhava-nirodhā jāti-nirodho,||
jāti-nirodhā jarā-maraṇaɱ||
soka-parideva-dukkha-domanassupāyāsā nirujjhanti.|| ||

Evam etassa kevalassa dukkhakkhandhassa nirodho hoti.|| ||

Manañ ca paṭicca dhamme uppajjati||
cakkhu-viññāṇaɱ-viññāṇaɱ tiṇṇaɱ saṅgati phasso,||
phassa-paccayā vedanā,||
vedanā-paccayā taṇhā,||
tassā yeva taṇhāya asesa-virāga-nirodhā upādā-nanirodho,||
upādā-nanirodhā bhava-nirodho,||
bhava-nirodhā jāti-nirodho,||
jāti-nirodhā jarā-maraṇaɱ||
soka-parideva-dukkha-domanassupāyāsā nirujjhanti.|| ||

Evam etassa kevalassa dukkhakkhandhassa nirodho hoti."|| ||

[91] Tena kho pana samayena aññataro bhikkhu Bhagavato upassutiɱ ṭhito hoti.|| ||

Addasā kho bhagavā taɱ bhikkhuɱ upassutiɱ ṭhitaɱ.|| ||

Disvāna taɱ bhikkhuɱ etad avoca:|| ||

"Assosi no tvaɱ bhikkhu imaɱ dhammapariyāyan" ti?|| ||

"Evaɱ bhante."|| ||

"Uggaṇhāhi tvaɱ bhikkhu imaɱ dhammapariyāyaɱ,||
pariyāpuṇāhi tvaɱ bhikkhu imaɱ dhammapariyāyaɱ,||
dhārehi tvaɱ bhikkhu imaɱ dhammapariyāyaɱ,||
atthasaɱhito yaɱ bhikkhu dhammapariyāyo,||
ādibrahmacariyako" ti.|| ||

Yogakkhemivaggo ekādasamo

 


Contact:
E-mail
Copyright Statement   Webmaster's Page