Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
IV. Saḷāyatana Vagga
35: Saḷāyatana Saɱyutta
Paññāsaka Tatiya
2. Lokakāmaguṇa Vagga

Sutta 117

Kāmaguṇa (Lokakāmaguṇa 2) Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][olds] Evaɱ me sutaɱ::|| ||

Ekaɱ samayaɱ Bhagavā bhikkhū āmantesi::|| ||

2. Pubbe va me bhikkhave sambodhā anabhisambuddhassa bodhisattass'eva sato etad ahosi.:|| ||

Ye me pañcakāmaguṇā cetaso samphuṭṭhapubbā atītā niruddhā vipariṇatā,||
tatra me cittaɱ bahulaɱ gaccheyya,||
paccuppannesu vā,||
appaɱ vā anāgatesu.|| ||

Tassa mayhaɱ bhikkhave etad ahosi:|| ||

Ye me pañcakāmaguṇā cetaso samphuṭṭhapubbā atītā niruddhā vipariṇatā,||
tatra me attarūpena appamādo sati-cetaso ārakkho karaṇīyo.|| ||

3. Tasmā ti ha bhikkhave tumhākam pi||
ye te pañcakāmaguṇā cetaso samphuṭṭhapubbā atītā niruddhā vipariṇatā,||
tatra vo cittaɱ bahulaɱ gacchamānaɱ gaccheyya,||
paccuppannesu vā appaɱ vā anāgatesu.|| ||

Tasmā ti ha bhikkhave tumhākam pi||
ye vo pañcakāmaguṇā cetaso [98] samphuṭṭhapubbā atītā niruddhā vipariṇatā||
tatra vo attarūpehi appamādo sati-cetaso ārakkho karaṇīyo.|| ||

4. Tasmāt iha bhikkhave, ye āyatane veditabbe.:|| ||

Yattha cakkhuñ ca nirujjhati rūpa-saññā ca virajjati,||
ye āyatane veditabbe.:|| ||

Yattha sotañ ca nirujjhati sadda-sañña ca virajjati,||
ye āyatane veditabbe.:|| ||

Yattha ghānañ ca nirujjhati gandha-saññā ca virajjati,||
ye āyatane veditabbe.:|| ||

Yattha jivhā ca nirujjhati rasa-saññā ca virajjati,||
ye āyatane veditabbe.:|| ||

Yattha kāyo ca nirujjhati phoṭṭhabba-saññā ca virajjati,||
ye āyatane veditabbe.:|| ||

Yattha mano ca nirujjhati dhamma-saññā ca virajjati||
ye āyatane veditabbe ti.:|| ||

5. Idaɱ vatvā Bhagavā uṭṭhāy āsanā vihāraɱ pāvisi.|| ||

6. Atha kho tesaŋ bhikkhūnaɱ acirapakkantassa Bhagavato etad ahosi:|| ||

Idaɱ kho no āvuso Bhagavā saŋkhittena uddesaɱ uddisitvā vitthārena atthaɱ avibhajitvā uṭṭhāy āsanā vihāraɱ paviṭṭho.|| ||

"Tasmāt iha bhikkhave, ye āyatane veditabbe.:|| ||

Yattha cakkhuñ ca nirujjhati rūpa-saññā ca virajjati,||
ye āyatane veditabbe.:|| ||

Yattha sotañ ca nirujjhati sadda-sañña ca virajjati,||
ye āyatane veditabbe.:|| ||

Yattha ghānañ ca nirujjhati gandha-saññā ca virajjati,||
ye āyatane veditabbe.:|| ||

Yattha jivhā ca nirujjhati rasa-saññā ca virajjati,||
ye āyatane veditabbe.:|| ||

Yattha kāyo ca nirujjhati phoṭṭhabba-saññā ca virajjati,||
ye āyatane veditabbe.:|| ||

Yattha mano ca nirujjhati dhamma-saññā ca virajjati||
ye āyatane veditabbe" ti,|| ||

Ko nu kho imassa Bhagavatā saŋkhittena uddesassa uddiṭṭhassa vitthārena atthaɱ vibhajeyyāti.:|| ||

7. Atha kho tesam bhikkhūnaɱ etad ahosi::|| ||

Ayaɱ kho āyasmā Ānando satthu c'eva saŋvaṇṇito sambhāvito ca viññūnaɱ sabrahmacārīnaɱ,||
pahoti c'āyasmā Ānando imassa Bhagavatā saŋkhittena uddesassa uddiṭṭhassa vitthārena atthaɱ avibhattassa vitthārena atthaɱ vibhajituɱ.:|| ||

Yaɱ nūna mayaɱ yen'āyasmā Ānando ten'upasaŋkameyyāma.:|| ||

Upasaŋkamitvā āyasmantaɱ Ānandaɱ etam atthaɱ paṭipuccheyyāmāti.:|| ||

8. Atha kho te bhikkhū yen'āyasmā Ānando ten'upasaŋkamiɱsu||
upasaŋkamitvā āyasmatā Ānandena saddhiɱ [99] sammodiɱsu,||
sammodanīyaɱ kathaɱ sārāṇīyaɱ vītisāretvā eka-m-antaɱ nisīdiɱsu.:|| ||

9. Eka-m-antaɱ nisinnā kho te bhikkhū āyasmantaɱ Ānandaɱ etad avocuɱ::|| ||

Idaɱ kho no āvuso Ānanda Bhagavā saŋkhittena uddesaɱ uddisitvā vitthārena atthaɱ avibhajitvā uṭṭhāy āsanā vihāraɱ paviṭṭho::|| ||

"Tasmāt iha bhikkhave, ye āyatane veditabbe.:|| ||

Yattha cakkhuñ ca nirujjhati rūpa-saññā ca virajjati,||
ye āyatane veditabbe.:|| ||

Yattha sotañ ca nirujjhati sadda-sañña ca virajjati,||
ye āyatane veditabbe.:|| ||

Yattha ghānañ ca nirujjhati gandha-saññā ca virajjati,||
ye āyatane veditabbe.:|| ||

Yattha jivhā ca nirujjhati rasa-saññā ca virajjati,||
ye āyatane veditabbe.:|| ||

Yattha kāyo ca nirujjhati phoṭṭhabba-saññā ca virajjati,||
ye āyatane veditabbe.:|| ||

Yattha mano ca nirujjhati dhamma-saññā ca virajjati||
ye āyatane veditabbe" ti.:|| ||

Tesaŋ no āvuso amhākaɱ acirapakkantassa Bhagavato etad ahosi::|| ||

Idaɱ kho no āvuso Bhagavā saŋkhittena uddesaɱ uddisitvā vitthārena atthaɱ avibhajitvā uṭṭhāy āsanā vihāraɱ paviṭṭho.:|| ||

"Tasmāt iha bhikkhave, ye āyatane veditabbe.:|| ||

Yattha cakkhuñ ca nirujjhati rūpa-saññā ca virajjati,||
ye āyatane veditabbe.:|| ||

Yattha sotañ ca nirujjhati sadda-sañña ca virajjati,||
ye āyatane veditabbe.:|| ||

Yattha ghānañ ca nirujjhati gandha-saññā ca virajjati,||
ye āyatane veditabbe.:|| ||

Yattha jivhā ca nirujjhati rasa-saññā ca virajjati,||
ye āyatane veditabbe.:|| ||

Yattha kāyo ca nirujjhati phoṭṭhabba-saññā ca virajjati,||
ye āyatane veditabbe.:|| ||

Yattha mano ca nirujjhati dhamma-saññā ca virajjati||
ye āyatane veditabbe" ti.:|| ||

Ko nu kho imassa Bhagavatā saŋkhittena uddesassa uddiṭṭhassa vitthārena atthaɱ avibhattassa vitthārena atthaɱ vibhajeyyāti.:|| ||

Tesaŋ no āvuso amhākaɱ etad ahosi::|| ||

Ayaɱ kho āyasmā Ānando satthu c'eva saŋvaṇṇito||
sambhāvito ca viññūnaɱ sabrahmacārīnaɱ,||
pahoti cāyasmā Ānando imassa Bhagavatā saŋkhittena uddesassa uddiṭṭhassa vitthārena atthaɱ avibhattassa vitthārena atthaɱ vibhajituɱ.:|| ||

Yaɱ nūna mayaɱ yenāyasmā Ānando ten'upasaŋkameyyāma||
upasaŋkamitvā āyasmantaɱ Ānandaɱ etam atthaɱ paṭipuccheyyāmāti||
vibhajatāyasmā Ānando ti.:|| ||

10. Seyyathā pi āvuso puriso sāratthiko sāragavesī sārapariyesanaɱ caramāno rukkhassa||
tiṭṭhato sāravato atikkammeva mūlaɱ atikkamma khandhaɱ sākhāpalāse sāraɱ pariyesitabbaɱ maññeyya.:|| ||

Evaɱ sampadam idaɱ āyasmantānaɱ satthari sammukhībhute taɱ Bhagavantaɱ atisitvā amhe etam atthaɱ paṭipucchitabbaɱ maññatha.:|| ||

So āvuso Bhagavā jānaɱ jānāti passaŋ passati||
cakkhubhuto ñāṇabhuto dhammabhuto brahamabhuto vattā pavattā atthassa ninnetā amatassa dātā dhammassāmī Tathāgato.:|| ||

So c'eva panetassa kālo ahosi,||
yaɱ Bhagavantaɱ yeva etam atthaɱ paṭipucchey yātha||
yathā vo Bhagavā vyākareyya||
tathā taɱ dhāreyyāthā ti.:|| ||

11. Addhā āvuso Ānanda Bhagavā jānaɱ jānāti passaŋ passati||
cakkhubhuto ñāṇabhuto dhammabhuto brahmabhuto vattā pavattā atthassa ninnetā amatassa dātā dhammassāmī Tathāgato,||
so c'eva panetassa kālo ahosi,||
yaɱ Bhagavantaɱ yeva etam atthaɱ paṭipuccheyyāma||
yathā no Bhagavā vyākareyya tathā naɱ dhāreyyāma.:|| ||

Api cāyasmā Ānando satthu c'eva saŋvaṇṇito,||
sambhāvito ca viññūnaɱ sabrahmacārīnaɱ,||
pahoti cāyasmā Ānando imassa Bhagavatā saŋkhittena uddesassa uddiṭṭhassa vitthārena atthaɱ avibhattassa vitthārena atthaɱ vibhajituɱ,||
vibhajatāyasmā Ānando agaruɱ karitvā ti.:|| ||

12. Tena hāvuso suṇātha sādhukaɱ manasikarotha bhāsissāmīti.:|| ||

[100] 'Evam āvuso' ti kho te bhikkhū āyasmato Ānandassa paccassosuɱ.:|| ||

Āyasmā Ānando etad avoca::|| ||

Yaɱ kho vo āvuso Bhagavā saŋkhittena uddesaɱ uddisitvā vitthārena atthaɱ avibhajitvā uṭṭhāy āsanā vihāraɱ paviṭṭho::|| ||

"Tasmāt iha bhikkhave, ye āyatane veditabbe.:|| ||

Yattha cakkhuñ ca nirujjhati rūpa-saññā ca virajjati,||
ye āyatane veditabbe.:|| ||

Yattha sotañ ca nirujjhati sadda-sañña ca virajjati,||
ye āyatane veditabbe.:|| ||

Yattha ghānañ ca nirujjhati gandha-saññā ca virajjati,||
ye āyatane veditabbe.:|| ||

Yattha jivhā ca nirujjhati rasa-saññā ca virajjati,||
ye āyatane veditabbe.:|| ||

Yattha kāyo ca nirujjhati phoṭṭhabba-saññā ca virajjati,||
ye āyatane veditabbe.:|| ||

Yattha mano ca nirujjhati dhamma-saññā ca virajjati||
ye āyatane veditabbe" ti.:|| ||

Imassa khvāhaɱ āvuso Bhagavatā saŋkhittena uddesassa uddiṭṭhassa vitthārena atthaɱavibhattassa evaɱ vitthārena attham ājānāmi.:|| ||

Saḷāyatana-nirodhaɱ kho āvuso Bhagavatā sandhāya bhāsitaɱ::|| ||

"Tasmāt iha bhikkhave, ye āyatane veditabbe.:|| ||

Yattha cakkhuñ ca nirujjhati rūpa-saññā ca virajjati,||
ye āyatane veditabbe.:|| ||

Yattha sotañ ca nirujjhati sadda-sañña ca virajjati,||
ye āyatane veditabbe.:|| ||

Yattha ghānañ ca nirujjhati gandha-saññā ca virajjati,||
ye āyatane veditabbe.:|| ||

Yattha jivhā ca nirujjhati rasa-saññā ca virajjati,||
ye āyatane veditabbe.:|| ||

Yattha kāyo ca nirujjhati phoṭṭhabba-saññā ca virajjati,||
ye āyatane veditabbe.:|| ||

Yattha mano ca nirujjhati dhamma-saññā ca virajjati||
ye āyatane veditabbe" ti.:|| ||

14. Imassa khvāhaɱ āvuso Bhagavatā saŋkhittena uddesassa uddiṭṭhassa vitthārena atthaɱ avibhattassa evaɱ vitthārena atthaɱ ājānāmi.:|| ||

Ākaŋkhamānā ca pana tumhe āyasmantā Bhagavantaɱ yeva upasaŋkamatha,||
upasaŋkamitvā etam atthaɱ paṭipuccheyyātha,||
yathā vo Bhagavā vyākaroti,||
tathā naɱ dhāreyyathā ti.:|| ||

Evam āvuso ti kho te bhikkhū āyasmato Ānandassa paṭissutvā uṭṭhāy āsanā yena Bhagavā ten'upasaŋkamiɱsu.:|| ||

Upasaŋkamitvā Bhagavantaɱ abhivādetvā eka-m-antaɱ nisīdiɱsu.:|| ||

15. Eka-m-antaɱ nisinnā kho te bhikkhū Bhagavantaɱ etad avocuɱ::|| ||

Yaɱ kho no bhante Bhagavā saŋkhittena uddesaɱ uddisitvā vitthārena atthaɱ avibhajitvā uṭṭhāy āsanā vihāraɱ paviṭṭho::|| ||

"Tasmāt iha bhikkhave, ye āyatane veditabbe.:|| ||

Yattha cakkhuñ ca nirujjhati rūpa-saññā ca virajjati,||
ye āyatane veditabbe.:|| ||

Yattha sotañ ca nirujjhati sadda-sañña ca virajjati,||
ye āyatane veditabbe.:|| ||

Yattha ghānañ ca nirujjhati gandha-saññā ca virajjati,||
ye āyatane veditabbe.:|| ||

Yattha jivhā ca nirujjhati rasa-saññā ca virajjati,||
ye āyatane veditabbe.:|| ||

Yattha kāyo ca nirujjhati phoṭṭhabba-saññā ca virajjati,||
ye āyatane veditabbe.:|| ||

Yattha mano ca nirujjhati dhamma-saññā ca virajjati||
ye āyatane veditabbe" ti.:|| ||

Tesaŋ no bhante amhākaɱ acirapakkantassa Bhagavato etad ahosi::|| ||

Idaɱ kho no [101] āvuso Bhagavā saŋkhittena uddesam uddisitvā vitthārena attham avibhajitvā uṭṭhāyāsana vihāram paviṭṭho::|| ||

Tasmāt iha bhikkhave, ye āyatane veditabbe,||
yattha cakkhuñ ca nirujjhati rūpa-saññā ca virajjati.:|| ||

Ye āyatane veditabbe,||
yattha sotañ ca nirujjhati sadda-sañña ca virajjati.:|| ||

Ye āyatane veditabbe,||
yattha ghānañ ca nirujjhati gandha-saññā ca virajjati.:|| ||

Ye āyatane veditabbe,||
yattha jivhā ca nirujjhati rasa-saññā ca virajjati.:|| ||

Ye āyatane veditabbe,||
yattha kāyo ca nirujjhati phoṭṭhabba-saññā ca virajjati.:|| ||

Ye āyatane veditabbe,||
yattha mano ca nirujjhati dhamma-saññā ca virajjati.:|| ||

Ye āyatane veditabbe" ti.:|| ||

Ko nu kno imassa Bhagavatā saŋkhittena uddesassa uddiṭṭhassa vitthārena attham avibhattassa vitthārena atthaɱ vibhajeyyāti.:|| ||

16. Tesaŋ no bhante, amhākaɱ etad ahosi::|| ||

Ayaɱ kho āyasmā Ānando satthu c'eva saŋvaṇṇito, sambhāvito ca viññūnaɱ sabrahmacārīnaɱ,||
pahoti cāyasmā Ānando imassa Bhagavatā sakhkhittena uddesassa uddiṭṭhassa vitthārena atthaɱ avibhattassa vitthārena atthaɱ vibhajituɱ.:|| ||

Yaɱ nūna mayaɱ yen'āyasmā Ānando ten'upasaŋkameyyāma,||
upasaŋkamitvā āyasmantaɱ Ānandaɱ etam atthaɱ paṭipuccheyyāmāti.:|| ||

17. Atha kho mayaɱ bhante, yenāyasmā Ānando ten'upasaŋkamimha||
upasaŋkamitvā āyasmantaɱ Ānandaɱ etam atthaɱ paṭipucchimha.:|| ||

Tesaŋ no bhante āyasmatā Ānandena imehi ākārehi imehi padehi imehi vyañjanehi attho vibhatto ti.:|| ||

Paṇḍito bhikkhave Ānando,||
mahāpañño bhikkhave Ānando,||
mañce pi tumhe bhikkhave etam atthaɱ paṭipuccheyyātha,||
aham pi taɱ evam eva vyākareyyaɱ yathā taɱ Ānandena vyākataɱ.:|| ||

Eso kho cevetassa attho evañ ca naɱ dhāreyyāthāti.:|| ||

 


Contact:
E-mail
Copyright Statement   Webmaster's Page