Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
IV. Saḷāyatana Vagga
35: Saḷāyatana Saɱyutta
Paññāsaka Tatiya
2. Lokakāmaguṇa Vagga

Sutta 123

Upādāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

2. Tatra kho bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

Upādāniye ca bhikkhave dhamme desissāmi||
upādānañ ca.|| ||

Taɱ suṇātha.|| ||

Katame ca bhikkhave, upādāniyā dhammā?|| ||

Katamañ ca upādānaɱ?|| ||

Santi bhikkhave cakkhu-viññeyyā rūpā||
iṭṭhā||
kantā||
manāpā||
piyarūpā||
kāmūpasaɱhitā||
rajanīyā.|| ||

Ime vuccanti bhikkhave, upādāniyā dhammā.|| ||

Yo tattha chandarāgo taɱ tattha upādānan.|| ||

Santi bhikkhave sota-viññeyyā saddā||
iṭṭhā||
kantā||
manāpā||
piyarūpā||
kāmūpasaɱhitā||
rajanīyā.|| ||

Ime vuccanti bhikkhave, upādāniyā dhammā.|| ||

Yo tattha chandarāgo taɱ tattha upādānan.|| ||

Santi bhikkhave ghāna-viññeyyā gandhā||
iṭṭhā||
kantā||
manāpā||
piyarūpā||
kāmūpasaɱhitā||
rajanīyā.|| ||

Ime vuccanti bhikkhave, upādāniyā dhammā.|| ||

Yo tattha chandarāgo taɱ tattha upādānan.|| ||

Santi bhikkhave jivhā-viññeyyā rasā||
iṭṭhā||
kantā||
manāpā||
piyarūpā||
kāmūpasaɱhitā||
rajanīyā.|| ||

Ime vuccanti bhikkhave, upādāniyā dhammā.|| ||

Yo tattha chandarāgo taɱ tattha upādānan.|| ||

Santi bhikkhave kāya-viññeyyā phoṭṭhabbā||
iṭṭhā||
kantā||
manāpā||
piyarūpā||
kāmūpasaɱhitā||
rajanīyā.|| ||

Ime vuccanti bhikkhave, upādāniyā dhammā.|| ||

Yo tattha chandarāgo taɱ tattha upādānan.|| ||

Santi bhikkhave mano-viññeyyā dhammā||
iṭṭhā||
kantā||
manāpā||
piyarūpā||
kāmūpasaɱhitā||
rajanīyā.|| ||

Ime vuccanti bhikkhave, upādāniyā dhammā.|| ||

Yo tattha chandarāgo taɱ tattha upādānan" ti.|| ||

 


Contact:
E-mail
Copyright Statement   Webmaster's Page