Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
IV. Saḷāyatana Vagga
35: Saḷāyatana Saɱyutta
Paññāsaka Tatiya
3. Gahapati Vagga

Sutta 133

Verahaccāni Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][olds][bodh] Evaɱ me sutaɱ:|| ||

Ekaɱ samayaɱ āyasmā Udāyi Kāmaṇḍāyaɱ viharati Todeyyassa brāhmaṇassa Ambavane.|| ||

Atha kho Verahaccānigottāya brāhmaṇiyā antevāsī māṇavako yenāyasmā Udāyi ten'upasaŋkami.|| ||

Upasaŋkamitvā āyasmatā Udāyinā saddhiɱ sammodi.|| ||

Sammodanīyaɱ kathaɱ sārāṇīyaɱ vītisāretvā eka-m-antaɱ nisīdi.|| ||

Eka-m-antaɱ nisinnaɱ kho taɱ māṇavakaɱ āyasmā Udāyī dhammiyā kathāya sandessesi samādapesi samuttejesi sampahaɱsesi.|| ||

Atha kho so māṇavako āyasmatā Udāyinā dhammiyā kathāya sandassito samādapito samuttejito sampahaɱsito uṭṭhāy āsanā yena Verahaccānigottā brāhmaṇī ten'upasaŋkami.|| ||

Upasaŋkamitvā Verahaccānigottaɱ brāhmaṇīɱ etad avoca:|| ||

"Yagghe bhoti jāneyya samaṇo Udāyī dhammaɱ deseti ādi-kalyāṇaɱ||
majjhe-kalyāṇaɱ||
pariyosāna-ka-[122] lyāṇaɱ sātthaɱ savyañjanaɱ kevalaparipuṇṇaɱ parisuddhaɱ brahmacariyaɱ pakāsetī" ti.|| ||

"Tena hi tvaɱ māṇavaka,||
mama vacanena samaṇaɱ Udāyiɱ nimantehi svātanāya bhattenā" ti.|| ||

"Evaɱ bhotī" ti kho so māṇavako Verahaccānigottāya brāhmaṇiyā paṭissutvā yenāyasmā Udāyi ten'upasaŋkami.|| ||

Upasaŋkamitvā āyasmantaɱ Udāyiɱ etad avoca:|| ||

"Adhivāsetu kira bhavaɱ Udāyī amhākaɱ ācariyabhariyāya Verahaccānigottāya brāhmaṇiyā svātanāya bhattan" ti.|| ||

Adhivāsesi kho āyasmā Udāyī tuṇhibhāvena.|| ||

Atha kho āyasmā Udāyī tassā rattiyā accayena pubbaṇhasamayaɱ nivāsetvā pattacīvaram ādāya yena Verahaccānigottāya brāhmaṇiyā nivesanaɱ ten'upasaŋkami.

Upasaŋkamitvā paññatte āsane nisīdi.|| ||

Atha kho Verahaccānigottā brāhmaṇī āyasmantaɱ Udāyiɱ paṇitena khādanīyena bhojanīyena sahatthā santappesi sampavāresi.|| ||

Atha kho Verahaccānigottā brāhmaṇī āyasmantaɱ Udāyiɱ bhuntāviɱ oṇitapattapāṇiɱ pādukā ārohitvā ucce āsane nisīditvā sīsaɱ oguṇṭhitā āyasmantaɱ Udāyiɱ etad avoca:|| ||

"Bhaṇa samaṇa, dhamman" ti.|| ||

"Bhavissati bhagini samayo" ti vatvā uṭṭhāy āsanā pakkami.|| ||

 


 

Dutiyam pi kho so māṇavako yenāyasmā Udāyī ten'upasaŋkami.|| ||

Upasaŋkamitvā āyasmatā Udāyinā saddhiɱ sammodi.|| ||

Sammodanīyaɱ kathaɱ sārāṇīyaɱ vītisāretvā eka-m-antaɱ nisīdi.|| ||

Eka-m-antaɱ nisinnaɱ kho taɱ māṇavakaɱ āyasmā Udāyī dhammiyā kathāya sandessesi samādapesi samuttejesi sampahaɱsesi.|| ||

Dutiyam pi kho so māṇavako āyasmatā Udāyinā dhammiyā kathāya sandassito samādapito samuttejito sampahaɱsito uṭṭhāy āsanā yena Verahaccānigottā brāhmaṇi ten'upasaŋkami.|| ||

Upasaŋkamitvā Verahaccānigottaɱ brāhmaṇiɱ etad avoca:|| ||

"Yagghe hoti jāneyyāsi,||
samaṇo Udāyī dhammaɱ deseti ādikalayāṇaɱ||
majjhe kalyāṇaɱ||
[123] pariyosāna-kalyāṇaɱ||
sātthaɱ savyañjanaɱ kevalaparipuṇṇaɱ parisuddhaɱ brahmacariyaɱ pakāsetī" ti.|| ||

"Evam evaɱ pana tvaɱ māṇavaka samaṇassa Udāyissa vaṇṇaɱ bhāsasi,||
samaṇo pan'Udāyī||
'Bhaṇa samaṇa dhamman' ti||
vutto samāno||
'Bhavissati bhagini samayo' ti||
vatvā uṭṭhāy āsanā vihāraɱ pakkanto" ti.|| ||

"Tathā hi pana tvaɱ hoti pādukā ārohitvā ucce āsane nisīditvā sīsaɱ oguṇṭhitā etad avoca:||
'Bhaṇa samaṇa dhamman' ti,||
dhammagaruno hi te bhavanto dhammagāravā" ti.|| ||

"Tena hi tvaɱ māṇavaka,||
mama vacanena samaṇaɱ Udāyiɱ nimantehi svātanāya bhattenā" ti.|| ||

"Evaɱ bhotī" ti kho so māṇavako Verahaccānigottāya brāhmaṇiyā paṭissutvā yenāyasmā Udāyī ten'upasaŋkami.|| ||

Upasaŋkamitvā āyasmantaɱ Udāyiɱ etad avoca:|| ||

"Adhivāsesi kira bhavaɱ Udāyī amhākaɱ ācariyabhariyāya Verahaccānigottāya brāhmaṇiyā svātanāya bhattan" ti.|| ||

Adhivāsesi kho āyasmā Udāyī tuṇhībhāvena.|| ||

Atha kho āyasmā Udāyī tassā rattiyā accayena pubbaṇhasamayaɱ nivāsetvā pattacīvaram ādāya yena Verahaccānigottāya brāhmaṇiyā nivesanaɱ ten'upasaŋkami.|| ||

Upasaŋkamitvā paññatte āsane nisīdi.|| ||

Atha kho Verahaccānigottā brāhmaṇī āyasmantaɱ Udāyiɱ paṇītena khādanīyena bhojanīyena sahatthā santappesi, sampavāresi.|| ||

Atha kho Verahaccānigottā brāhmaṇī āyasmantaɱ Udāyiɱ bhuttāviɱ oṇītapattapāṇiɱ pādukā oruhitvā nīce āsane nisīditvā sīsaɱ vivaritvā āyasmantaɱ Udāyiɱ etad avoca:|| ||

"Kismin nu kho bhante,||
sati arahanto sukha-dukkhaɱ paññāpenti?|| ||

Kismiɱ asati arahanto sukha-dukkhaɱ na paññāpentī" ti?|| ||

"Cakkhusmiɱ kho bhagini sati arahanto sukha-dukkhaɱ paññāpenti,||
cakkhusmiɱ asati arahanto sukha-dukkhaɱ [124] na paññāpenti.|| ||

Sotasmiɱ kho bhagini sati arahanto sukha-dukkhaɱ paññāpenti,||
sotasmiɱ asati arahanto sukha-dukkhaɱ na paññāpenti.|| ||

Ghānasmiɱ kho bhagini sati arahato sukha-dukkhaɱ paññāpenti,||
ghānasmiɱ asati arahato sukha-dukkhaɱ na paññāpenti.|| ||

Jivhāsmiɱ kho bhagini sati arahato sukha-dukkhaɱ paññāpenti,||
jivhāsmiɱ asati arahato sukha-dukkhaɱ na paññāpenti.|| ||

Kāyasmiɱ kho bhagini sati arahanto sukha-dukkhaɱ paññāpenti, kāyasmiɱ asati arahanto sukha-dukkhaɱ na paññāpenti.|| ||

Manasmiɱ kho bhagini sati arahanto sukha-dukkhaɱ paññāpenti,||
manasmiɱ asati arahanto sukha-dukkhaɱ na paññāpentī" ti.|| ||

Evaɱ vutte Verahaccānigottā brāhmaṇi āyasmantaɱ Udāyiɱ etad avoca:|| ||

"Abhikkantaɱ bhante!|| ||

Abhikkantaɱ bhante!|| ||

Seyyathā pi bhante nikkujjitaɱ vā ukkujjeyya,||
paṭicchannaɱ vā vivareyya,||
mūḷhassa vā maggaɱ ācikkheyya,||
andhakāre vā telapajjotaɱ dhāreyya cakkhumanto rūpāni dakkhintī ti.|| ||

Evam evaɱ ayyena Udāyinā aneka-pariyāyena dhammo pakāsito,||
esāhaɱ ayya Udāyi taɱ Bhagavantaɱ saraṇaɱ gacchāmi||
dhammañ ca||
bhikkhu-saŋghañ ca,||
upāsikaɱ maɱ ayyo Udāyi dhāretu ajjatagge pāṇupetaɱ saraṇaɱ gatanti.|| ||

Gahapativaggo terasamo.

 


Contact:
E-mail
Copyright Statement   Webmaster's Page