Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
IV. Saḷāyatana Vagga
35: Saḷāyatana Saɱyutta
Paññāsaka Tatiya
4. Devadaha Vagga

Sutta 138

Dutiya Palāsinā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

2. Tatra kho bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

"Yaɱ bhikkhave na tumhākaɱ taɱ pajahatha,||
taɱ vo pahīnaɱ hitāya sukhāya bhavissati|| ||

Kiñca bhikkhave na tumhākaɱ?|| ||

Rūpā bhikkhave na tumhākaɱ.|| ||

Te pajahatha.|| ||

Te vo pahīnā hitāya sukhāya bhavissanti.|| ||

Saddā na tumhākaɱ.|| ||

Te pajahatha.|| ||

Te vo pahīnā hitāya sukhāya bhavissanti.|| ||

Gandhā na tumhākaɱ.|| ||

Te pajahatha.|| ||

Te vo pahīnā hitāya sukhāya bhavissanti.|| ||

Rasā na tumhākaɱ.|| ||

Te pajahatha.|| ||

Te vo pahīnā hitāya sukhāya bhavissanti.|| ||

Phoṭṭhabbā na tumhākaɱ.|| ||

Te pajahatha.|| ||

Te vo pahīnā hitāya sukhāya bhavissati.|| ||

Dhammā na tumhākaɱ.|| ||

Te pajahatha.|| ||

Te vo pahīnā hitāya sukhāya bhavissanti.|| ||

 


 

Seyyathā pi, bhikkhave, yaɱ imasmiɱ Jetavane tiṇakaṭṭhasākhāpalāsaɱ,||
taɱ jano hareyya vā||
ḍaheyya vā||
yathāppaccayaɱ vā kareyya,||
api nu tumhākaɱ evam assa:|| ||

'Amhe jano harati||
vā ḍahati||
vā yathāppaccayaɱ vā||
karotī'" ti?|| ||

"No h'etaɱ bhante.|| ||

Taɱ kissa hetu?|| ||

Na hi no h'etaɱ bhante attā vā attaniyaɱ vā" ti.|| ||

Evam eva kho bhikkhave rūpā na tumhākaɱ.|| ||

Te pajahatha.|| ||

Te vo pahīnā hitāya sukhāya bhavissanti.|| ||

Saddā na tumhākaɱ.|| ||

Te pajahatha.|| ||

Te vo pahīnā hitāya sukhāya bhavissanti.|| ||

Gandhā na tumhākaɱ.|| ||

Te pajahatha.|| ||

Te vo pahīnā hitāya sukhāya bhavissanti.|| ||

Rasā na tumhākaɱ.|| ||

Te pajahatha.|| ||

Te vo pahīnā hitāya sukhāya bhavissanti.|| ||

Phoṭṭhabbā na tumhākaɱ.|| ||

Te pajahatha.|| ||

Te vo pahīnā hitāya sukhāya bhavissati.|| ||

Dhammā na tumhākaɱ.|| ||

Te pajahatha.|| ||

Te vo pahīnā hitāya sukhāya bhavissanti.|| ||

 


Contact:
E-mail
Copyright Statement   Webmaster's Page