Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
IV. Saḷāyatana Vagga
35: Saḷāyatana Saɱyutta
Paññāsaka Tatiya
5. Navapurāṇa Vagga

Sutta 146

Paṭhama Sappāya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[133]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

Bhagavā etad avoca:|| ||

Nibbānasappāyaɱ vo bhikkhave paṭipadaɱ desissāmi.|| ||

Taɱ suṇātha,||
sādhukaɱ manasi karotha,||
bhāsissāmī ti.|| ||

Katamā ca sā bhikkhave nibbāna-sappāyā paṭipadā?|| ||

Idha bhikkhave bhikkhu cakkhuɱ aniccānti passati,||
rūpā aniccāti passati,||
cakkhu-viññāṇaɱ aniccānti passati,||
cakkhu-samphasso aniccoti passati,||
yam pidaɱ cakkhu-samphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā||
tam pi aniccānti passati.|| ||

Sotaɱ aniccānti passati,||
saddā aniccāti passati,||
sota-viññāṇaɱ aniccānti passati,||
sota-samphasso aniccoti passati,||
yam pidaɱ sota-samphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā||
tam pi aniccānti passati.|| ||

Ghānaɱ aniccānti passati,||
ghandha aniccāti passati,||
ghāna-viññāṇaɱ aniccānti passati,||
ghāna-samphasso aniccoti passati,||
yam pidaɱ ghāna-samphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā||
tam pi aniccāti passati.|| ||

Jivhā aniccānti passati,||
rasā aniccāti passati,||
jivhā-viññāṇaɱ aniccānti passati,||
jivhā-samphasso aniccoti [134] passati,||
yam pidaɱ jivhā-samphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā||
tam pi aniccānti passati.|| ||

Kāyo aniccoti passati,||
phoṭṭhabbā aniccāti passati,||
kāya-viññāṇaɱ aniccānti passati,||
kāyo-samphasso aniccoti passati,||
yam pidaɱ kāya-samphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā||
tam pi aniccānti passati.|| ||

Mano aniccoti passati,||
dhammā aniccāti passati,||
mano-viññāṇaɱ aniccāti passati,||
mano-samphasso aniccoti passati,||
yam pidaɱ manosamphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā||
tam pi aniccānti passati.|| ||

Ayaɱ kho sā bhikkhave nibbānasappāyā paṭipadā" ti.|| ||

 


Contact:
E-mail
Copyright Statement   Webmaster's Page