Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
IV. Saḷāyatana Vagga
35: Saḷāyatana Saɱyutta
Paññāsaka Tatiya
5. Navapurāṇa Vagga

Sutta 148

Tatiya Sappāya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evaɱ me sutaɱ:|| ||

Ekaɱ samayaɱ Bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

Bhagavā etad avoca:|| ||

Nibbānasappāyaɱ vo bhikkhave paṭipadaɱ desissāmi.|| ||

Taɱ suṇātha,||
sādhukaɱ manasi karotha,||
bhāsissāmī ti.|| ||

Katamā ca sā bhikkhave nibbāna-sappāyā paṭipadā?|| ||

Idha bhikkhave bhikkhu cakkhuɱ anattā ti passati,||
rūpā anattā ti passati,||
cakkhu-viññāṇaɱ anattā ti passati,||
cakkhu-samphasso anattā ti passati,||
yam pidaɱ cakkhu-samphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā||
tam pi anattā ti passati.|| ||

Sotaɱ anattā ti passati,||
saddā anattā ti passati,||
sota-viññāṇaɱ anattā ti passati,||
sota-samphasso anattā ti passati,||
yam pidaɱ sota-samphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā||
tam pi anattā ti passati.|| ||

Ghānaɱ anattā ti passati,||
ghandha anattā ti passati,||
ghāna-viññāṇaɱ anattā ti passati,||
ghāna-samphasso anattā ti passati,||
yam pidaɱ ghāna-samphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā||
tam pi anattā ti passati.|| ||

Jivhā anattā ti passati,||
rasā anattā ti passati,||
jivhā-viññāṇaɱ anattā ti passati,||
jivhā-samphasso anattā ti passati,||
yam pidaɱ jivhā-samphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā||
tam pi anattā ti passati.|| ||

Kāyo anattā ti passati,||
phoṭṭhabbā anattā ti passati,||
kāya-viññāṇaɱ anattā ti passati,||
kāyo-samphasso anattā ti passati,||
yam pidaɱ kāya-samphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā||
tam pi anattā ti passati.|| ||

Mano anattā ti passati,||
dhammā anattā ti passati,||
mano-viññāṇaɱ anattā ti passati,||
mano-samphasso anattā ti passati,||
yam pidaɱ manosamphassa-paccayā uppajjati vedayitaɱ sukhaɱ vā dukkhaɱ vā adukkha-m-asukhaɱ vā||
tam pi anattā ti passati.|| ||

Ayaɱ kho sā bhikkhave nibbānasappāyā paṭipadā" ti.|| ||

 


Contact:
E-mail
Copyright Statement   Webmaster's Page