Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. Saḷāyatana Vagga
35: Saḷāyatana Saɱyutta
Paññāsaɱ Catutthaɱ
1. Nandikkhaya Vagga

Sutta 156

Bāhirana Nandikkhaya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][olds] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

2. Tatra kho bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

"Aniccaɱ yeva bhikkhave bhikkhu rūpe aniccā passati||
sāyam hoti sammādiṭṭhi,||
sammā sampassaɱ nibbindati,||
nandikkhayā rāgakkhayo||
rāgakkhayā nandikkhayo|| ||

Nandirāgakkhayā cittaɱ 'suvimuttan' ti vuccati.|| ||

"Aniccaɱ yeva bhikkhave bhikkhu sadde aniccā passati||
sāyam hoti sammādiṭṭhi,||
sammā sampassaɱ nibbindati,||
nandikkhayā rāgakkhayo||
rāgakkhayā nandikkhayo|| ||

Nandirāgakkhayā cittaɱ 'suvimuttan' ti vuccati.|| ||

"Aniccaɱ yeva bhikkhave bhikkhu gandhe aniccā passati||
sāyam hoti sammādiṭṭhi,||
sammā sampassaɱ nibbindati,||
nandikkhayā rāgakkhayo||
rāgakkhayā nandikkhayo|| ||

Nandirāgakkhayā cittaɱ 'suvimuttan' ti vuccati.|| ||

"Aniccaɱ yeva bhikkhave bhikkhu rase aniccā passati||
sāyam hoti sammādiṭṭhi,||
sammā sampassaɱ nibbindati,||
nandikkhayā rāgakkhayo||
rāgakkhayā nandikkhayo|| ||

Nandirāgakkhayā cittaɱ 'suvimuttan' ti vuccati.|| ||

"Aniccaɱ yeva bhikkhave bhikkhu phoṭṭhabbe aniccā passati||
sāyam hoti sammādiṭṭhi,||
sammā sampassaɱ nibbindati,||
nandikkhayā rāgakkhayo||
rāgakkhayā nandikkhayo|| ||

Nandirāgakkhayā cittaɱ 'suvimuttan' ti vuccati.|| ||

"Aniccaɱ yeva bhikkhave bhikkhu dhamme aniccā passati||
sāyam hoti sammādiṭṭhi,||
sammā sampassaɱ nibbindati,||
nandikkhayā rāgakkhayo||
rāgakkhayā nandikkhayo|| ||

Nandirāgakkhayā cittaɱ 'suvimuttan' ti vuccati" ti.|| ||

 


Contact:
E-mail
Copyright Statement   Webmaster's Page