Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. Saḷāyatana Vagga
35: Saḷāyatana Saɱyutta
Paññāsaɱ Catutthaɱ
1. Nandikkhaya Vagga

Sutta 157

Ajjhattana-Nandikkhaya-Yoniso Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

2. Tatra kho bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

"Cakkhuɱ bhikkhave yoniso manasi karotha,||
cakkhu-niccatañ ca yathābhūtaɱ samanupassatha.|| ||

Cakkhuɱ bhikkhave bhikkhu yoniso manasi karonto||
cakkhu-niccatañ ca yathābhūtaɱ samanupassanto||
cakkhusmim pi nibbindati,||
nandikkhayā rāgakkhayo,||
rāgakkhayā nandikkhayo.|| ||

Nnandi-rāgakkhayā cittaɱ 'suvimuttan' ti vuccati.|| ||

[143] Sotaɱ bhikkhave yoniso manasi karotha,||
sotā-niccatañ ca yathābhūtaɱ samanupassatha.|| ||

Sotaɱ bhikkhave bhikkhu yoniso manasi karonto||
sotā-niccatañ ca yathābhūtaɱ samanupassanto||
sotasmim pi nibbindati,||
nandikkhayā rāgakkhayo,||
rāgakkhayā nandikkhayo.|| ||

Nnandi-rāgakkhayā cittaɱ 'suvimuttan' ti vuccati.|| ||

Ghānaɱ bhikkhave yoniso manasi karotha,||
ghānā-niccatañ ca yathābhūtaɱ samanupassatha.|| ||

Ghānaɱ bhikkhave bhikkhu yoniso manasi karonto||
ghānāniccatañ ca yathābhūtaɱ samanupassanto||
ghānasmim pi nibbindati,||
nandikkhayā rāgakkhayo,||
rāgakkhayā nandikkhayo.|| ||

Nnandi-rāgakkhayā cittaɱ 'suvimuttan' ti vuccati.|| ||

Jivhaɱ bhikkhave yoniso manasi karotha,||
jivhā-niccatañ ca yathābhūtaɱ samanupassatha.|| ||

Jivhaɱ bhikkhave bhikkhu yoniso manasi karonto||
jivhā-niccatañ ca yathābhūtaɱ samanupassanto||
jivhāya pi nibbindati,||
nandikkhayā rāgakkhayo,||
rāgakkhayā nandikkhayo.|| ||

Nnandi-rāgakkhayā cittaɱ 'suvimuttan' ti vuccati.|| ||

Kāyaɱ bhikkhave yoniso manasi karotha,||
kāyā-niccatañ ca yathābhūtaɱ samanupassatha.|| ||

Kāyaɱ bhikkhave bhikkhu yoniso manasi karonto||
kāyā-niccatañ ca yathābhūtaɱ samanupassanto||
kāyasmim pi nibbindati,||
nandikkhayā rāgakkhayo,||
rāgakkhayā nandikkhayo.|| ||

Nnandi-rāgakkhayā cittaɱ 'suvimuttan' ti vuccati.|| ||

Manaɱ bhikkhave yoniso manasi karotha,||
manā-niccatañ ca yathābhūtaɱ samanupassatha.|| ||

Manaɱ bhikkhave bhikkhu yoniso manasi karonto||
manā-niccatañ ca yathābhūtaɱ samanupassanto||
manasmim pi nibbindati,||
nandikkhayā rāgakkhayo,||
rāgakkhayā nandikkhayo.|| ||

Nnandi-rāgakkhayā cittaɱ 'suvimuttan' ti vuccati.|| ||

 


Contact:
E-mail
Copyright Statement   Webmaster's Page