Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. Saḷāyatana Vagga
35: Saḷāyatana Saɱyutta
Paññāsaɱ Catutthaɱ
1. Nandikkhaya Vagga

Sutta 158

Bahira-Nandikkhaya-Yoniso Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

2. Tatra kho bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

"Rūpe bhikkhave yoniso manasi karotha,||
rūpā-niccatañ ca yathābhūtaɱ samanupassatha.|| ||

Rūpe bhikkhave bhikkhu yoniso manasi karonto||
rūpā-niccatañ ca yathābhūtaɱ samanupassanto||
rūpesu pi nibbindati,||
nandikkhayā rāgakkhayo,||
rāgakkhayā nandikkhayo.|| ||

Nnandi-rāgakkhayā cittaɱ 'suvimuttan' ti vuccati.|| ||

Sadde bhikkhave yoniso manasi karotha,||
saddā-niccatañ ca yathābhūtaɱ samanupassatha.|| ||

Sadde bhikkhave bhikkhu yoniso manasi karonto||
saddā-niccatañ ca yathābhūtaɱ samanupassanto||
saddesu pi nibbindati,||
nandikkhayā rāgakkhayo,||
rāgakkhayā nandikkhayo.|| ||

Nnandi-rāgakkhayā cittaɱ 'suvimuttan' ti vuccati.|| ||

Gandhe bhikkhave yoniso manasi karotha,||
gandhā-niccatañ ca yathābhūtaɱ samanupassatha.|| ||

Gandhe bhikkhave bhikkhu yoniso manasi karonto||
gandhā-niccatañ ca yathābhūtaɱ samanupassanto||
gandhesu pi nibbindati,||
nandikkhayā rāgakkhayo,||
rāgakkhayā nandikkhayo.|| ||

Nnandi-rāgakkhayā cittaɱ 'suvimuttan' ti vuccati.|| ||

Rase bhikkhave yoniso manasi karotha,||
rasā-niccatañ ca yathābhūtaɱ samanupassatha.|| ||

Rase bhikkhave bhikkhu yoniso manasi karonto||
rasā-niccatañ ca yathābhūtaɱ samanupassanto||
rasesu pi nibbindati,||
nandikkhayā rāgakkhayo,||
rāgakkhayā nandikkhayo.|| ||

Nnandi-rāgakkhayā cittaɱ 'suvimuttan' ti vuccati.|| ||

Phoṭṭhabbe bhikkhave yoniso manasi karotha,||
phoṭṭhabbā-niccatañ ca yathābhūtaɱ samanupassatha.|| ||

Phoṭṭhabbe bhikkhave bhikkhu yoniso manasi karonto||
phoṭṭhabbā-niccatañ ca yathābhūtaɱ samanupassanto||
phoṭṭhabbesu pi nibbindati,||
nandikkhayā rāgakkhayo,||
rāgakkhayā nandikkhayo.|| ||

Nnandi-rāgakkhayā cittaɱ 'suvimuttan' ti vuccati.|| ||

Dhamme bhikkhave yoniso manasi karotha,||
dhammā-niccatañ ca yathābhūtaɱ samanupassatha.|| ||

Dhamme bhikkhave bhikkhu yoniso manasi karonto||
dhammā-niccatañ ca yathābhūtaɱ samanupassanto||
dhammesu pi nibbindati,||
nandikkhayā rāgakkhayo,||
rāgakkhayā nandikkhayo.|| ||

Nnandi-rāgakkhayā cittaɱ 'suvimuttan' ti vuccati.|| ||

 


Contact:
E-mail
Copyright Statement   Webmaster's Page