Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. Saḷāyatana Vagga
35: Saḷāyatana Saɱyutta
Paññāsaɱ Catutthaɱ
1. Nandikkhaya Vagga

Sutta 161

Koṭṭhita Anicca Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][olds] Evaɱ me sutaɱ:|| ||

Ekaɱ samayaɱ Bhagavā Rājagahe viharati Jīvakambavane.|| ||

Atha kho āyasmā Mahākoṭṭhito yena Bhagavā ten'upasaŋkami, upasaŋkamitvā Bhagavantaɱ abhivādetvā eka-m-antaɱ nisīdi.

Eka-m-antaɱ nisinno kho āyasmā Mahākoṭṭhito Bhagavantaɱ etad avoca:|| ||

"Sādhu me bhante, Bhagavā saŋkhittena dhammaɱ desetu||
yamahaɱ Bhagavato dhammaɱ sutvā||
eko||
vūpakaṭṭho||
appamatto||
ātāpi||
pahitatto vihareyyan"ti.|| ||

"Yaɱ kho Koṭṭhika aniccaɱ,||
tatra te chando pahātabbo|| ||

Kiñca Koṭṭhika aniccaɱ?|| ||

Cakkhuɱ kho Koṭṭhika aniccaɱ, tatra te chando pahātabbo.|| ||

Rūpā aniccā, tatra te chando pahātabbo.|| ||

Cakkhuviññāṇaɱ aniccaɱ tatra te chando pahātabbo.|| ||

Cakkhu-samphasso anicco, tatra te chando pahātabbo.|| ||

Yam pidaɱ cakkhu-samphassa-paccayā uppajjati vedayitaɱ||
sukhaɱ vā dukkhaɱ vā adukkha-m-asukhaɱ vā||
tam pi aniccaɱ,||
tatra te chando pahātabbo.|| ||

Sotaɱ kho Koṭṭhika aniccaɱ, tatra te chando pahātabbo.|| ||

Saddā aniccā, tatra te chando pahātabbo.|| ||

Sotaviññāṇaɱ aniccaɱ tatra te chando pahātabbo.|| ||

Sotasamphasso anicco, tatra te chando pahātabbo.|| ||

Yampidaɱ sota-samphassa-paccayā uppajjati vedayitaɱ||
sukhaɱ vā dukkhaɱ vā adukkha-m-asukhaɱ vā||
tam pi aniccaɱ,||
tatra te chando pahātabbo.|| ||

Ghānaɱ kho Koṭṭhika aniccaɱ, tatra te chando pahātabbo.|| ||

Gandhā aniccā, tatra te chando pahātabbo.|| ||

Ghānaviññāṇaɱ aniccaɱ tatra te chando pahātabbo.|| ||

Ghāna samphasso anicco, tatra te chando pahātabbo.|| ||

Yampidaɱ ghāna-samphassa-paccayā uppajjati vedayitaɱ||
sukhaɱ vā dukkhaɱ vā adukkha-m-asukhaɱ vā||
tam pi aniccaɱ,||
tatra te chando pahātabbo.|| ||

Jivhā kho Koṭṭhika aniccā, tatra te chando pahātabbo.|| ||

Rasā aniccā, tatra te chando pahātabbo.|| ||

Jivhāviññāṇaɱ aniccaɱ tatra te chando pahātabbo.|| ||

Jivhāsamphasso anicco, tatra te chando pahātabbo.|| ||

Yam pidaɱ jivhā-samphassa-paccayā uppajjati vedayitaɱ||
sukhaɱ vā dukkhaɱ vā adukkha-m-asukhaɱ vā||
tam pi aniccaɱ,||
tatra te chando pahātabbo.|| ||

Kāyo kho Koṭṭhika anicco, tatra te chando pahātabbo.|| ||

Phoṭṭhabbā aniccā, tatra te chando pahātabbo.|| ||

Kāyaviññāṇaɱ aniccaɱ tatra te chando pahātabbo.|| ||

Kāyasamphasso anicco, tatra te chando pahātabbo.|| ||

Yam pidaɱ kāyas-samphassa-paccayā uppajjati vedayitaɱ||
sukhaɱ vā dukkhaɱ vā adukkha-m-asukhaɱ vā||
tam pi aniccaɱ,||
tatra te chando pahātabbo.|| ||

Mano kho Koṭṭhika anicco, tatra te chando pahātabbo.|| ||

Dhammā aniccā, tatra te chando pahātabbo.|| ||

Manoviññāṇaɱ aniccaɱ tatra te chando pahātabbo.|| ||

Manosamphasso anicco, tatra te chando pahātabbo.|| ||

Yam pidaɱ [147] mano-samphassa-paccayā uppajjati vedayitaɱ||
sukhaɱ vā dukkhaɱ vā adukkha-m-asukhaɱ vā||
tam pi aniccaɱ,||
tatra te chando pahātabbo.|| ||

Yaɱ kho Koṭṭhika, aniccaɱ, tatra te chando pahātabboti.|| ||

 


Contact:
E-mail
Copyright Statement   Webmaster's Page