Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
IV. Saḷāyatana Vagga
35: Saḷāyatana Saɱyutta
Paññāsa Catutthaɱ
3. Samudda Vagga

Sutta 195

Paṭhama Hatthapādupamā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[171]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

"Hatthesu bhikkhave sati ādānanikkhepanaɱ paññāyati.|| ||

Pādesu sati abhikkamapaṭikkamo paññāyati.|| ||

Pabbesu sati sammiñjana pasāraṇaɱ paññāyati.|| ||

Kucchismiɱ sati jighacchā pipāsā paññāyati.|| ||

Evam eva kho bhikkhave cakkhusmiɱ sati cakkhu-samphassa-paccayā uppajjati ajjhattaɱ sukhaɱ dukkhaɱ.|| ||

Sotasmiɱ sati sota-samphassa-paccayā uppajjati ajjhattaɱ sukhaɱ dukkhaɱ.|| ||

Ghānasmiɱ sati ghāna-samphassa-paccayā uppajjati ajjhattaɱ sukhaɱ dukkhaɱ.|| ||

Jivhāya sati jivhā-samphassa-paccayā uppajjati ajjhattaɱ sukhaɱ dukkhaɱ.|| ||

Kāyasmiɱ sati kāya-samphassa-paccayā uppajjati ajjhattaɱ sukhaɱ dukkhaɱ.|| ||

Manasmiɱ sati manosamphassa-paccayā uppajjati ajjhattaɱ sukhaɱ dukkhaɱ.|| ||

 


 

Hatthesu bhikkhave asati ādānanikkhepanaɱ na paññāyati.|| ||

Pādesu asati abhikkamapaṭikkamo na paññāyati.|| ||

Pabbesu asati sammiñjana pasāraṇaɱ na paññāyati.|| ||

Kucchismiɱ asati jighacchā pipāsā na paññāyati.|| ||

Evam eva kho bhikkhave cakkhusmiɱ asati cakkhu-samphassa-paccayā nūpajjati ajjhattaɱ sukhaɱ dukkhaɱ.|| ||

Sotasmiɱ asati sota-samphassa-paccayā nūpajjati ajjhattaɱ sukhaɱ dukkhaɱ.|| ||

Ghānasmiɱ asati ghāna-samphassa-paccayā nūpajjati ajjhattaɱ sukhaɱ dukkhaɱ.|| ||

Jivhāya asati jivhā-samphassa-paccayā nūpajjati ajjhattaɱ sukhaɱ dukkhaɱ.|| ||

Kāyasmiɱ asati kāya-samphassa-paccayā nūpajjati ajjhattaɱ sukhaɱ dukkhaɱ.|| ||

Manasmiɱ asati manosamphassa-paccayā nūpajjati ajjhattaɱ sukhaɱ dukkhaɱ" ti.|| ||

 


Contact:
E-mail
Copyright Statement   Webmaster's Page