Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
IV. Saḷāyatana Vagga
36: Vedanā Saɱyutta
1. Sagāthā Vagga

Sutta 3

Pahāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[205]

[1][pts][nypo][bodh] Evaɱ me sutaɱ:|| ||

Ekaɱ samayaɱ Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

"Tisso imā bhikkhave vedanā.|| ||

Katamā tisso?|| ||

Sukhā vedanā||
dukkhā vedanā||
adukkha-m-asukhā vedanā.|| ||

Sukhāya bhikkhave vedanāya rāgānusayo pahātabbo,||
dukkhāya vedanāya paṭighānusayo pahātabbo,||
adukkha-m-asukhāya vedanāya avijjānusayo pahātabbo.|| ||

Yato kho bhikkhave bhikkhuno sukhāya vedanāya rāgānusayo pahīno hoti||
dukkhāya vedanāya paṭighānusayo pahīno hoti,||
adukkha-m-asukhāya vedanāya avijjānusayo pahīno hoti,||
ayaɱ vuccati bhikkhave:|| ||

'Bhikkhuno pahīnarāgānusayo sammaddaso acchecchi taṇhaɱ,||
vivāvattayī saññojanaɱ||
sammā-mān'ābhisamayā antam akāsi dukkhassā'" ti.|| ||

 

Sukhaɱ vediyamānassa||
vedanaɱ appajānato||
So rāgānusayo hoti||
anissaraṇadassino.|| ||

Dukkhaɱ vediyamānassa||
vedanaɱ appajānato||
Paṭighānusayo hoti||
anissaraṇadassino.|| ||

Adukkhamasukhaɱ santaɱ||
bhuripaññena desitaɱ||
Taɱ cāpi abhinandanti.||
N'eva dukkhā pamuccati.|| ||

[206] Yato vā Bhikkhu ātāpī||
sampajaññaɱ na riñcati||
Tato so vedanā sabbā||
parijānāti paṇḍito.|| ||

So vedanā pariññāya||
diṭṭhe dhamme anāsavo||
Kāyassa bhedā dhammaṭṭho||
saŋkhaɱ nopeti vedagū ti.|| ||

 


Contact:
E-mail
Copyright Statement   Webmaster's Page