Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
IV. Saḷāyatana Vagga
36: Vedanā Saɱyutta
1. Sagāthā Vagga

Sutta 6

Sallattena Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[207]

[1][pts][nypo][than][bodh][olds] Evaɱ me sutaɱ:|| ||

Ekaɱ samayaɱ Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

"Assutavā bhikkhave puthujjano||
sukham pi vedanāɱ vediyati,||
dukkham pi vedanaɱ vediyati,||
adukkha-m-asukham pi vedanaɱ vediyati.|| ||

4. Sutavā bhikkhave ariyasāvako||
sukham pi vedanaɱ [208] vediyati,||
dukkham pi vedanaɱ vediyati,||
adukkha-m-asukham pi vedanaɱ vediyati|| ||

5. Tatra bhikkhave ko viseso,||
ko adhippāyo,||
kiɱ nānākaraṇaɱ sutavato ariyasāvakassa||
assutavatā puthujjanenā" ti?|| ||

6. "Bhagavamamūlakā no bhante dhammā||
Bhagavantettikā||
Bhagavampaṭisaraṇā,||
sādhu vata bhante Bhagavattaɱ yeva paṭibhātu etassa bhāsitassa||
attho Bhagavato sutvā bhikkhu dhāressantī" ti.|| ||

"Tena hi bhikkhave suṇātha,||
sādhukaɱ manasikarotha,||
bhāsissāmī" ti.|| ||

"Evaɱ bhante" ti||
kho te bhikkhū Bhagavato paccassosuɱ,||
Bhagavā etad avoca:|| ||

7. Assutavā bhikkhave puthujjano dukkhāya vedanāya||
phuṭṭho samāno socati kilamati||
paridevati urattāḷī-kandati||
sammohaɱ āpajjati,||
so dve vedanā vediyati:||
kāyikañ ca||
cetasikañ ca.|| ||

8. Seyyathā pi bhikkhave purisaɱ sallena||
vijjheyyuɱ,||
tam enam dutiyena sallena vijjheyyuɱ||
evaɱ hi so bhikkhave puriso dve salle vedanā vediyati.|| ||

Evam eva kho bhikkhave assutavā puthujjano dukkhāya vedanāya||
phuṭṭho samāno socati kilamati,||
paridevati urattāḷī-kandati,||
sammohaɱ āpajjati,||
so dve vedanā vediyati:||
kāyikañ ca||
cetasikañ ca.|| ||

Tassā-y-eva kho pana dukkhāya vedanāya||
phuṭṭho samāno paṭighavā hoti||
tam enaɱ dukkhāya vedanāya paṭighavantaɱ||
yo dukkhāya vedanāya paṭighānusayo so anuseti.|| ||

So dukkhāya vedanāya phuṭṭho samāno kāmasukhaɱ abhinandati.|| ||

Taɱ kissa hetu?|| ||

Na hi bhikkhave pajānāti assutavā puthujjano aññatra kāmasukhā dukkhāya vedanāya nissaraṇaɱ,||
tassa kāmasukhaɱ abhinandato.|| ||

Yo sukhāya vedanāya rāgānusayo so anuseti||
so tāsaɱ vedanānaɱ samudayañ ca||
atthagamañ ca||
assādañ ca||
ādīnavañ ca||
nissaraṇañ ca||
yathābhūtaɱ nappajānāti||
tassa tāsaɱ vedanānaɱ samudayañ ca||
atthagamañ ca||
assādañ ca||
ādīnavañ ca||
nissaraṇañ ca||
yathābhūtaɱ appajānato||
yo adukkha-m-asukhāya vedanāya avijjānusayo so anuseti.|| ||

So sukhaɱ ce vedanaɱ vediyati saŋyutto naɱ vediyati,||
dukkhaɱ ce vedanaɱ vediyati saŋyutto naɱ vediyati,||
aduk- [209] kha-m-asukhaɱ ce vedanaɱ vediyati saŋyutto naɱ vediyati.|| ||

Ayaɱ vuccati bhikkhave
'Assutavā puthujjano saŋyutto jātiyā
jarāya
maraṇena
sokehi
paridevehi
dukkhehi
domanassehi
upāyāsehi
saŋyutto dukkhasmā'
ti vadāmi.|| ||

 


 

9. Sutavā ca kho bhikkhave ariyasāvako dukkhāya vedanāya phuṭṭho samāno na socati||
na kilamati||
na paridevati||
na urattāḷī-kandati||
na sammohaɱ āpajjati:||
so ekaɱ vedanaɱ vediyati:||
kāyikaɱ,||
na cetasikaɱ.|| ||

10. Seyyathā pi, bhikkhave, purisaɱ sallena vijjheyyuɱ,||
na tam enam dutiyena sallena anuvijjheyyuɱ.|| ||

Evaɱ hi so bhikkhave puriso ekaɱ sallena vedanaɱ vediyati.|| ||

Evam eva kho bhikkhave sutavā ariyasāvako dukkhāya vedanāya phuṭṭho samāno na socati||
na kilamati||
na paridevati,||
na urattāḷī-kandati,||
na sammohaɱ āpajjati;||
so ekaɱ vedanaɱ vediyati:||
kāyikaɱ,||
na cetasikaɱ.|| ||

Tassā-y-eva kho pana dukkhāya vedanāya paṭighavā na hoti,||
tam enaɱ dukkhāya vedanāya apaṭighavantaɱ||
yo dukkhāya vedanāya paṭighānusayo so nānuseti.|| ||

So dukkhāya vedanāya phuṭṭho samāno kāmasukhaɱ nābhinandati.|| ||

Taɱ kissa hetu?|| ||

Pajānāti bhikkhave sutavā ariyasāvako aññatra kāmasukhā dukkhāya vedanāya nissaraṇaɱ||
tassa kāmasukhaɱ nabhinandato||
yo sukhāya vedanāya rāgānusayo so nānuseti.|| ||

So tāsaɱ vedanānaɱ samudayañ ca||
atthagamañ ca||
assādañ ca||
ādīnavañ ca||
nissaraṇañ ca||
yathābhūtaɱ pajānāti,||
tassa tāsaɱ vedanānaɱ samudayañ ca||
atthagamañ ca||
assādañ ca||
ādīnavañ ca||
nissaraṇañ ca||
yathābhūtaɱ pajānato||
yo adukkha-m-asukhāya vedanāya avijjānusayo so nānuseti.|| ||

So sukhañ ce vedanaɱ vediyati visaŋyutto naɱ vediyati,||
dukkhañ ce vedanaɱ [210] vediyati visaññūtto naɱ vediyati,||
adukkha-m-asukhañce vedanaɱ vediyati visaŋyutto naɱ vediyati.|| ||

Ayaɱ vuccati bhikkhave sutavā ariyasāvako visaŋyutto jātiyā jarāya maraṇena sokehi paridevehi dukkhehi domanassehi upāyāsehi,||
visaŋyutto dukkhasmā ti vadāmi.|| ||

11. Ayaɱ kho bhikkhave viseso,||
ayaɱ adhippāyo,||
idaɱ nānākaraṇaɱ sutavato ariyasāvakassa||
assutavatā puthujjanno" ti.|| ||

 

Na vedanaɱ vediyati sapañño.||
Sukham pi dukkham pi bahussuto pi||
Ayañ ca dhīrassa puthujjanena||
Mahā viseso kusalassa hoti.|| ||

Saŋkhāta Dhammassa bahussutassa||
Sampassato lokam imaɱ parañca||
Iṭṭhassa dhammā na mathenti cittaɱ||
Aniṭṭhato no paṭighātam eti.|| ||

Tassānurodhā athavā virodhā||
Vidhūpitā atthagatā na santi||
Padañ ca ñatvā virajaɱ asokaɱ||
Sammā pajānāti bhavassa pāraguti.|| ||

 


Contact:
E-mail
Copyright Statement   Webmaster's Page