Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. Saḷāyatana Vagga
36: Vedanā Saɱyutta
II. Rahogata Vagga

Sutta 14

Āgāram Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh][nypo] Evaɱ me sutaɱ:|| ||

Ekaɱ samayaɱ Bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

"Seyyathā pi, bhikkhave, āgantukāgāraɱ.|| ||

Tattha puratthimāya disāya āgantvā vāsaɱ kappenti,||
pacchimāya pi disāya āgantvā vāsaɱ kappenti,||
uttarāya pi disāya āgantvā vāsaɱ kappenti,||
dakkhiṇāya pi disāya āgantvā vāsaɱ kappenti,||
khattiyā pi agantvā vāsaɱ kappenti,||
brāhmaṇā pi āgantvā vāsaɱ kappenti,||
vessā pi āgantvā vāsaɱ kappenti,||
suddā pi āgantvā vāsaɱ kappenti.|| ||

Evam eva kho bhikkhave imasmiɱ kāyasmiɱ vividhā vedanā uppajjanti:||
sukhā pi vedanā uppajjanti,||
dukkhā pi vedanā uppajnti,||
adukkha-m-asukhā pi vedanā uppajjanti,||
sāmisā pi sukhā vedanā uppajjanti,||
nirāmisā pi sukhā vedanā uppajjanti,||
sāmisā pi dukkhā vedanā uppajjanti,||
nirāmisā pi dukkhā vedanā uppajjanti,||
sāmisā pi adukkha-m-asukhā vedanā uppajjanti,||
nirāmisā pi adukkha-m-asukhā vedanā uppajjantī" ti.|| ||

 


Contact:
E-mail
Copyright Statement   Webmaster's Page