Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. Saḷāyatana Vagga
36: Vedanā Saɱyutta
III. Aṭṭhasata-Pariyāya Vagga

Sutta 24

Pubbe Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evaɱ me sutaɱ:|| ||

"Pubbe me bhikkhave sambodhā anabhisambuddhassa bodhisattass'eva sato etad ahosi:|| ||

Katamā nu kho vedanā,||
katamo vedanā-samudayo,||
katamā vedanā-samudaya-gāminī paṭipadā,||
katamo vedanā-nirodho,||
katamā vedanā-nirodha-gāminī paṭipadā,||
ko vedanāya assādo,||
ko ādīnavo,||
kiɱ nissaraṇan ti?|| ||

3. Tassa mayhaɱ bhikkhave etad ahosi:|| ||

Tisso imā vedanā:|| ||

Sukhā vedanā||
dukkhā vedanā||
adukkha-m-asukhā vedanā.|| ||

Imā vuccanti vedanā.|| ||

Phassa-samudayā vedanā-samudayo.|| ||

Taṇhā vedanā-samudaya-gāminī paṭipadā.|| ||

Phassa-nirodhā vedanā-nirodho.|| ||

Ayam eva ariyo aṭṭhaŋgiko maggo vedanā-nirodha-gāminī paṭipadā.|| ||

Seyyathīdaɱ:|| ||

Sammā-diṭṭhi||
sammā-saŋkappo||
sammā-vācā||
sammā-kammanto||
sammā-ājīvo||
sammā-vāyāmo||
sammā-sati||
sammā-samādhi.|| ||

Yaɱ vedanā paṭicca uppajjati sukhaɱ somanassaŋ||
ayaɱ vedanāya assādo.|| ||

Yā vedanā aniccā dukkhā vipariṇāma-dhammā||
ayaɱ vedanāya ādīnavo.|| ||

Yo vedanāya chandarāgavinayo chandarāgappahānaɱ,||
idaɱ vedanāya nissaraṇanti.|| ||

4. Imā vedanā ti me bhikkhave pubbe ananussutesu dhammesu cakkhuɱ udapādi||
ñāṇaɱ udapādi||
paññā udapādi||
vijjā udapādi||
āloko udapādi.|| ||

5. Ayaɱ vedanā-samudayo ti me bhikkhave pubbe ananussutesu dhammesu cakkhuɱ udapādi||
ñāṇaɱ udapādi||
paññā udapādi||
vijjā udapādi||
āloko udapādi.|| ||

[234] Ayaɱ vedanā-samudayagāminī paṭipadā ti me bhikkhave pubbe ananussutesu dhammesu cakkhuɱ udapādi||
ñāṇaɱ udapādi||
paññā udapādi||
vijjā udapādi||
āloko udapādi.|| ||

Ayaɱ vedanā-nirodhoti me bhikkhave pubbe ananussutesu dhammesu cakkhuɱ udapādi||
ñāṇaɱ udapādi||
paññā udapādi||
vijjā udapādi||
āloko udapādi.|| ||

Ayaɱ vedanā-nirodha-gāminī paṭipadāti me bhikkhave pubbe ananussutesu dhammesu cakkhuɱ udapādi||
ñāṇaɱ udapādi||
paññā udapādi||
vijjā udapādi||
āloko udapādi.|| ||

Ayaɱ vedanāya assādoti me bhikkhave pubbe ananussutesu dhammesu cakkhuɱ udapādi||
ñāṇaɱ udapādi||
paññā udapādi||
vijjā udapādi||
āloko udapādi.|| ||

Ayaɱ vedanāya ādīnavoti me bhikkhave pubbo ananussutesu dhammesu cakkhuɱ udapādi||
ñāṇaɱ udapādi||
paññā udapādi||
vijjā udapādi||
āloko udapādi.|| ||

Idaɱ vedanāya nissaraṇanti me bhikkhave pubbe ananussutesu dhammesu cakkhuɱ udapādi||
ñāṇaɱ udapādi||
paññā udapādi||
vijjā udapādi||
āloko udapādi" ti.|| ||

 


Contact:
E-mail
Copyright Statement   Webmaster's Page