Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. Saḷāyatana Vagga
36: Vedanā Saɱyutta
III. Aṭṭhasata-Pariyāya Vagga

Sutta 28

Tatiya Samaṇa-Brāhmaṇā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evaɱ me sutaɱ:|| ||

"Tisso imā bhikkhave vedanā.|| ||

Katamā tisso?|| ||

Sukhā vedanā||
dukkhā vedanā||
adukkha-m-asukhā vedanā.|| ||

Ye hi koci bhikkhave samaṇā vā brāhmaṇā vā||
vedanaɱ nappajānanti,||
vedanā-samudayaɱ nappajānanti,||
vedanā-nirodhaɱ nappajānanti,||
vedanā-nirodhagāminiɱ paṭipadaɱ nappajānanti;||
na me te bhikkhave, samaṇā vā brāhmaṇā vā||
samaṇesu vā samaṇa-sammatā||
brāhmaṇesu vā brāhmaṇa-sammatā,||
na ca pana te āyasmanto sāmaññatthaɱ vā brahmaññatthaɱ vā||
diṭṭhe va dhamme sayaɱ abhiññā sacchi-katvā||
upasampajja viharanti.|| ||

Ye hi koci bhikkhave samaṇā vā brahmaṇā vā||
vedanaɱ pajānanti,||
vedanā-samudayaɱ pajānanti,||
vedanā-nirodhaɱ pajānanti,||
vedanā-nirodhagāminī paṭipadaɱ pajānanti;||
te kho me bhikkhave, samaṇā vā brahāmaṇā vā||
samaṇesu c'eva samaṇa-sammatā||
brāhmaṇesu ca brāhmaṇa-sammatā||
te ca panāyasmanto sāmaññatthañ ca brahmaññatthañ ca||
diṭṭhe va dhamme sayaɱ abhiññā sacchi-katvā||
upasampajja viharantī" ti.|| ||

 


Contact:
E-mail
Copyright Statement   Webmaster's Page