Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. Saḷāyatana Vagga
37: Mātugāma Saɱyutta

Sutta 29

Aŋga Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][olds] Evaɱ me sutaɱ:|| ||

Ekaɱ samayaɱ Bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

"Pañcimāni bhikkhave mātugāmassa balāni.|| ||

Katamāni pañca?|| ||

Rūpabalaɱ,||
bhogabalaɱ,||
ñātibalaɱ,||
puttabalaɱ,||
sīlabalaɱ.|| ||

 


 

Rūpabalena ca bhikkhave mātugāmo samannāgato hoti||
na ca bhogabalena.|| ||

Evaɱ so tena aṅgena aparipūro hoti.|| ||

Yato ca kho bhikkhave mātugāmo||
rūpabalena ca samannāgato hoti||
bhogabalena ca.|| ||

Evaɱ so tena aṅgena paripūro hoti.|| ||

Rūpabalena ca bhikkhave mātugāmo samannāgato hoti||
bhoga balena ca,||
na ca ñātibalena.|| ||

Evaɱ so tena aṅgena aparipūro hoti.|| ||

Yato ca kho bhikkhave mātugāmo||
rūpabalena ca samannāgato hoti||
bhogabalena ca||
ñātibalena ca.|| ||

Evaɱ so tena aṅgena paripūro hoti.|| ||

Rūpabalena ca bhikkhave mātugāmo samannāgato hoti||
bhogabalena ca||
ñātibalena ca,||
na ca puttabalena.|| ||

Evaɱ so tena aṅgena aparipūro hoti.|| ||

Yato ca kho bhikkhave mātugāmo||
rūpabalena ca samannāgato hoti||
bhogabalena ca||
ñātibalena ca||
puttabalena ca.|| ||

Evaɱ so tena aṅgena paripūro hoti.|| ||

Rūpabalena ca bhikkhave mātugāmo samannāgato hoti||
bhogabalena ca||
ñātibalena ca||
puttabalena ca||
na ca sīlabalena.|| ||

Evaɱ so tena aṅgena aparipūro hoti.|| ||

Yato ca kho bhikkhave mātugāmo||
rūpabalena ca samannāgato hoti||
bhogabalena ca||
ñātibalena ca||
puttabalena ca||
sīlabalena ca.|| ||

Evaɱ so tena aṅgena paripūro hoti.|| ||

Imāni kho bhikkhave pañca mātugāmassa balānī" ti.|| ||

 


Contact:
E-mail
Copyright Statement   Webmaster's Page