Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. Saḷāyatana Vagga
37: Mātugāma Saɱyutta

Sutta 32

Ṭhānam Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā bhikkhū āmantesi|| ||

"Bhikkhavo" ti.|| ||

"Bhadante" ti||
te bhikkhū bhagavato paccassosuɱ.|| ||

3. Bhagavā etad avoca:|| ||

"Pañcimāni bhikkhave ṭhānāni||
dullabhāni akatapuññena mātugāmena.|| ||

Katamāni pañca?|| ||

'Patirūpe kule jāyeyyan' ti||
idaɱ bhikkhave paṭhamaɱ ṭhānaɱ dullabhaɱ akatapuññena mātugāmena.|| ||

'Patirūpa kule jāyitvā||
patirūpaɱ kulaɱ gaccheyyan' ti||
idaɱ bhikkhave dutiyaɱ ṭhānaɱ dullabhaɱ akatapuññena mātugāmena.|| ||

Patirūpa kule jāyitvā||
patirūpaɱ kulaɱ ganatvā||
asapatti āgāraɱ ajjhāvaseyyan' ti||
idaɱ bhikkhave tatiyaɱ ṭhānaɱ dullabhaɱ akatapuññena mātugāmena.|| ||

Patirūpa kule jāyitvā||
patirūpaɱ kulaɱ gantvā||
asapatti agāraɱ ajjhāvasanti||
puttavatī assan' ti||
idaɱ bhikkhave catutthaɱ ṭhānaɱ dullabhaɱ akatapuññena mātugāmena.|| ||

Patirūpa kule jāyitvā||
patirūpaɱ kulaɱ gantvā||
asapatti agāraɱ ajjhāvasanti||
puttavatī||
samānā sāmikaɱ abhibhuyya vatteyyan' ti||
idaɱ bhikkhave pañcamaɱ ṭhānaɱ dullabhaɱ akatapuññena mātugāmena.|| ||

Imāni kho bhikkhave pañca ṭhānāni||
dullabhāni akatapuññena mātugāmena.|| ||

 


 

Pañcimāni bhikkhave ṭhānāni||
sulabhāni katapuññena mātugāmena.|| ||

Katamāni pañca?|| ||

'Patirūpa kule jāyeyyan' ti||
idaɱ bhikkhave paṭhamaɱ ṭhānaɱ sulabhaɱ katapuññena mātugāmena.|| ||

'Patirūpa kule jāyitvā||
patirūpaɱ kulaɱ gaccheyyan' ti||
idaɱ bhikkhave dutiyaɱ ṭhānaɱ sulabhaɱ katapuññena mātugāmena.|| ||

'Patirūpa kule jāyitvā||
patirūpaɱ kulaɱ gantvā||
asapatti agāraɱ ajjhāvaseyyan' ti||
idaɱ bhikkhave tatiyaɱ ṭhānaɱ sulabaɱ katapuññena mātugāmena.|| ||

'Patirūpa kule jāyitvā||
patirūpaɱ kulaɱ gantvā||
asapatti agāraɱ ajjhāvasanti||
puttavatī assan' ti||
idaɱ bhikkhave catutthaɱ ṭhānaɱ sulabhaɱ katapuññena mātugāmena.|| ||

'Patirūpa kule [250] jāyitvā||
patirūpaɱ kulaɱ gantvā||
asapatti agāraɱ ajjhāvasanti||
puttavatī samānā sāmikaɱ abhibhuyya vatteyyan' ti||
idaɱ bhikkhave pañcamaɱ ṭhānaɱ sulabhaɱ katapuññena mātugāmena.|| ||

Imāni kho bhikkhave pañca ṭhānāni sulabhāni katapuññena mātugāmenā" ti.|| ||

 


Contact:
E-mail
Copyright Statement   Webmaster's Page