Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. Saḷāyatana Vagga:
38: Jambukhadaka Saɱyuttaɱ

Sutta 16

Dukkara Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts]Evaɱ me sutaɱ:|| ||

Ekaɱ samayaɱ āyasmā Sāriputto Magadhesu viharati Nālagāmake.|| ||

Atha kho Jambukhādako paribbājako yenāyasmā Sāriputto ten'upasaŋkami.|| ||

Upasaŋkamitvā āyasmatā Sāriputtena saddhiɱ sammodi.|| ||

Sammodanīyaɱ kathaɱ sārāṇīyaɱ vītisāretvā eka-m-antaɱ nisīdi.|| ||

Eka-m-antaɱ nisinno kho Jambukhādako paribbājako āyasmantaɱ Sāriputtaɱ etad avoca:|| ||

"Kin nu kho āvuso Sāriputta imasmiɱ dhammavinaye dukkaran" ti?|| ||

"Pabbajjā kho āvuso imasmiɱ dhammavinaye dukkarā" ti.|| ||

"Pabbajitena pan'āvuso kiɱ dukkaran" ti?|| ||

"Pabbajitena kho āvuso abhirati dukkarā" ti.|| ||

"Abhiratena pana āvuso kiɱ dukkaran" ti?|| ||

"Abhiratena kho āvuso dhammānudhammapaṭipatti dukkarā" ti.|| ||

"Kiɱ va ciraɱ pan'āvuso dhammānudhammapaṭipanno bhikkhu arahaɱ assā" ti?|| ||

"Na ciraɱ āvuso" ti.|| ||

 


Contact:
E-mail
Copyright Statement   Webmaster's Page