Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. Saḷāyatana Vagga:
39: Sāmaṇḍaka Saɱyuttaɱ

Sutta 3

Dhammavādī Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts]Evaɱ me sutaɱ:|| ||

Ekaɱ samayaɱ āyasmā Sāriputto vajjīsu Viharati||
Ukkavelāyaɱ Gaṅgāya nadiyā tīre.|| ||

Atha kho Sāmaṇḍakāni paribbājako yenāyasmā Sāriputto ten'upasaŋkami.|| ||

Upasaŋkamitvā āyasmatā Sāriputtena saddhiɱ sammodi.|| ||

Sammodanīyaɱ kathaɱ sārāṇīyaɱ vītisāretvā eka-m-antaɱ nisīdi.|| ||

Eka-m-antaɱ nisinno kho Sāmaṇḍakāni paribbājako āyasmantaɱ Sāriputtaɱ etad avoca:|| ||

"Ke nu kho āvuso Sāriputta||
loke dhammavādīno;||
ke loke suppaṭipannā;
ke loko sugatā" ti?|| ||

"Ye kho āvuso rāgassa pahānāya dhammaɱ desenti,||
dosassa pahānāya dhammaɱ desenti,||
mohassa pahānāya dhammaɱ desenti,||
te loke dhammavādino.|| ||

Ye kho āvuso rāgassa pahānāya paṭipannā,||
dosassa pahānāya paṭipannā,||
mohāssa pahānāya paṭipannā,||
te loke suppaṭipannā.|| ||

Yesaɱ kho āvuso rāgo pahīno||
ucchinnamūlo||
tālāvatthukato||
anabhāvakato||
āyātiɱ anuppādadhammo;|| ||

doso pahīno||
ucchinnamūlo||
tālāvatthukato||
anabhāvakato||
āyatiɱ anuppādadhammo;|| ||

moho pahīno||
ucchinnamūlo||
tālāvatthukato||
anabhāvakato||
āyatiɱ anuppādadhammo||
te loke sugatā" ti.|| ||

"Atthi pan'āvuso maggo||
atthi paṭipadā||
etassa rāgassa dosassa mohassa pahānāyā" ti?|| ||

Atthi kho āvuso maggo||
atthi paṭipadā||
etassa rāgassa dosassa mohassa pahānāyā" ti.|| ||

"Katamo pan'āvuso maggo||
katamā paṭipadā||
etassa rāgassa dosassa mohassa pahānāyā" ti?|| ||

"Ayam eva kho āvuso ariyo aṭṭhaṅgiko maggo||
etassa rāgassa dosassa mohassa pahānāya,||
seyyathīdaɱ:|| ||

Sammā-diṭṭhi||
sammā-saṅkappo||
sammā-vācā||
sammā-kammanto||
sammā-ājīvo||
sammā-vāyāmo||
sammā-sati||
sammā-samādhi.|| ||

Ayaɱ kho āvuso maggo||
ayaɱ paṭipadā||
etassa rāgassa dosassa mohassa pahānāyā" ti.|| ||

"Bhaddako āvuso maggo||
bhaddikā paṭipadā||
etassa rāgassa dosassa mohassa pahānāya,||
alañ ca pan'āvuso Sāriputta appamādāyā" ti.|| ||

 


Contact:
E-mail
Copyright Statement   Webmaster's Page