Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
IV. Saḷāyatana Vagga
40. Moggalāna Saɱyutta

Sutta 2

Avitakka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][olds] Evaɱ me sutaɱ:|| ||

Ekaɱ samayaɱ āyasmā Mahā Moggallāno Sāvatthiyaɱ viharati Jetavane Anāthapiṇḍikassa ārāme.|| ||

[263] Tatra kho āyasmā Mahā Moggallāno bhikkhū āmantesi:|| ||

"Āvuso bhikkhavo" ti.|| ||

"Āvuso" ti kho te bhikkhū āyasmato Mahā Moggallānassa paccassosuɱ.|| ||

Āyasmā Mahā Moggallāno etad avoca:|| ||

"Idha mayhaɱ āvuso rahogatassa paṭīsallīnassa
evaɱ cetaso parivitakko udapādi:|| ||

'"Dutiyaɱ jhānaɱ,||
dutiyaɱ jhānan" ti vuccati.|| ||

Katamaɱ nu kho dutiyaɱ jhānan' ti?|| ||

Tassa mayhaɱ āvuso etad ahosi:|| ||

Idha bhikkhu vitak- [264] ka-vicārānaɱ vūpasamā||
ajhattaɱ sampasādanaɱ||
cetaso ekodibhāvaɱ||
avitakkaɱ avicāraɱ||
samādhijaɱ pīti-sukhaɱ||
dutiyajjhānaɱ upasampajja viharati.|| ||

Idaɱ vuccati dutiyaɱ jhānanti.|| ||

So khvāhaɱ āvuso||
vitakka-vicārānaɱ vūpasamā||
ajhattaɱ sampasādanaɱ||
cetaso ekodibhāvaɱ||
avitakkaɱ avicāraɱ||
samādhijaɱ pīti-sukhaɱ||
dutiyajjhānaɱ upasampajja viharāmi||
tassa mayhaɱ āvuso||
iminā vihārena viharato||
vitakkasahagatā saññā||
manasikārā samudācaranti.|| ||

Atha kho maɱ āvuso Bhagavā iddhiyā upasaŋkamitvā etad avoca:|| ||

"Moggallāna!|| ||

Moggallāna!|| ||

Mā brāhmaṇa,||
dutiyaɱ jhānaɱ pamādo,||
dutiye jhāne cittaɱ saṇṭhapehi,||
dutiye jhāne cittaɱ ekodiɱ-karohi,||
dutiye jhāne cittaɱ samādahā" ti.|| ||

So khvāhaɱ āvuso||
aparena samayena||
vitakka-vicārānaɱ vūpasamā||
ajhattaɱ sampasādanaɱ||
cetaso ekodibhāvaɱ||
avitakkaɱ avicāraɱ||
samādhijaɱ pīti-sukhaɱ||
dutiyajjhānaɱ upasampajja vihāsiɱ.|| ||

Yaɱ hi taɱ āvuso sammāvadamāno vadeyya:|| ||

"Satthārānuggahito sāvako mahābhiññataɱ patto" ti,|| ||

mamantaɱ sammāvadamāno vadeyya,|| ||

"Satthārānuggahito sāvako mahābhiññataɱ patto" ti.|| ||

 


Contact:
E-mail
Copyright Statement   Webmaster's Page