Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
IV. Saḷāyatana Vagga
40. Moggalāna Saɱyutta

Sutta 3

Sukha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][olds] Evaɱ me sutaɱ:|| ||

Ekaɱ samayaɱ āyasmā Mahā Moggallāno Sāvatthiyaɱ viharati Jetavane Anāthapiṇḍikassa ārāme.|| ||

Tatra kho āyasmā Mahā Moggallāno bhikkhū āmantesi:|| ||

"Āvuso bhikkhavo" ti.|| ||

"Āvuso" ti kho te bhikkhū āyasmato Mahā Moggallānassa paccassosuɱ.|| ||

Āyasmā Mahā Moggallāno etad avoca:|| ||

"Idha mayhaɱ āvuso rahogatassa paṭīsallīnassa
evaɱ cetaso parivitakko udapādi:|| ||

'"Tatiyaɱ jhānaɱ,||
tatiyaɱ jhānan" ti vuccati.|| ||

Katamaɱ nu kho tatiyaɱ jhānan' ti?|| ||

Tassa mayhaɱ āvuso etad ahosi:|| ||

Idha bhikkhu pītiyā ca virāgā||
upekhako viharati,||
sato ca sampajāno||
sukhañ ca kāyena paṭisaŋvedeti,||
yan taɱ ariyā acikkhanti:|| ||

'Upekhako satimā sukhavihārī' ti|| ||

taɱ tatiyajjhānaɱ upasampajja viharati.|| ||

Idaɱ vuccati tatiyaɱ jhānanti.|| ||

So khvāhaɱ āvuso||
pītiyā ca virāgā||
upekhako ca viharāmi,||
sato ca sampajāno||
sukhañ ca kāyena paṭisaŋvedemi,||
yan taɱ ariyā acikkhanti:|| ||

'Upekhako satimā sukhavihārī' ti|| ||

taɱ tatiyajjhānaɱ upasampajja viharāmi||
tassa mayhaɱ āvuso||
iminā vihārena viharato||
pītisahagatā saññā-manasikārā samudācaranti.|| ||

Atha kho maɱ āvuso Bhagavā iddhiyā upasaŋkamitvā etad avoca:|| ||

"Moggallāna!|| ||

Moggallāna!|| ||

Mā brāhmaṇa,||
tatiyaɱ jhānaɱ pamādo,||
tatiye jhāne cittaɱ saṇṭhapehi,||
tatiye jhāne cittaɱ ekodiɱ-karohi,||
tatiye jhāne cittaɱ samādahā" ti.|| ||

So khvāhaɱ āvuso||
aparena samayena||
pītiyā ca virāgā||
upekhako ca viharāmi,||
sato ca sampajāno||
sukhañ ca kāyena paṭisaŋvedemi,||
yan taɱ ariyā acikkhanti:|| ||

'Upekhako satimā sukhavihārī ti|| ||

taɱ tatiyajjhānaɱ upasampajja vihāsiɱ.|| ||

Yaɱ hi taɱ āvuso sammāvadamāno vadeyya:|| ||

"Satthārānuggahito sāvako mahābhiññataɱ patto" ti,|| ||

mamantaɱ sammāvadamāno vadeyya,|| ||

"Satthārānuggahito sāvako mahābhiññataɱ patto" ti.|| ||

 


Contact:
E-mail
Copyright Statement   Webmaster's Page