Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. Saḷāyatana Vagga:
41: Citta Saɱyuttaɱ

Sutta 5

Paṭhama Kāmabhū Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][niza] Evaɱ me sutaɱ:|| ||

Ekaɱ samayaɱ āyasmā Kāmabhu Macchikāsaṇḍe viharati Ambāṭakavane.|| ||

Atha kho Citto gahapati yen'āyasmā Kāmabhu ten'upasaŋkami.|| ||

Upasaŋkamitvā āyasmantaɱ kāmabhuɱ abhivādetvā eka-m-antaɱ nisīdi.|| ||

Eka-m-antaɱ nisinnaɱ kho cittaɱ gahapatiɱ āyasmā kāmabhu etad avoca:|| ||

"Vuttam idaɱ gahapati:|| ||

Nelaŋgo setapacchādo||
ekāro vattatī ratho|| ||

Anīghaɱ passa āyantaɱ||
chinnasotaɱ abandhananti.|| ||

Imassa kho gahapati saṅkhittena bhāsitassa kathaɱ vitthārena attho daṭṭhabbo" ti?|| ||

"Kin nu kho etaɱ bhante Bhagavatā bhāsitan" ti?|| ||

"Evaɱ gahapatī" ti.|| ||

"Tena hi bhante muhuttaɱ āgamehi yāvassa atthaɱ pekkhāmī" ti.|| ||

Atha kho Citto gahapati muhuttaɱ tuṇhī hutvā āyasmantaɱ Kāmabhuɱ etad avoca:|| ||

[292] "'Nelaṅgan' ti kho bhante sīlānam etaɱ adhivacanaɱ.|| ||

'Setapacchādo' ti kho bhante vimuttiyā etaɱ adhivacanaɱ.|| ||

'Ekāro' ti kho bhante satiyā etaɱ adhivacanaɱ.|| ||

'Vattatī' ti kho bhante abhikkama paṭikkamassetaɱ adhivacanaɱ.|| ||

'Ratho' ti kho bhante imassetaɱ cātummahābhutikassa kāyassa adhivacanaɱ||
mātā-petti-kasambhavassa||
odana-kummāsūpacayassa||
aniccucchādana-parimaddana-bhedana-viddhaɱsana dhammassa.|| ||

Rāgo kho bhante nīgho||
doso nīgho||
moho nīgho,||
te khīṇāsavassa bhikkhuno pahīnā ucchinnamūlā tālāvatthukatā anabhāvakatā āyatiɱ anuppādadhammā,||
tasmā khīṇāsavo bhikkhu anīgho ti vuccati.|| ||

Āyantanti kho bhante arahato etaɱ adhivacanaɱ.|| ||

'Soto' ti kho bhante taṇhāya etaɱ adhivacanaɱ,||
sā khīṇāsavassa bhikkhuno pahīnā ucchinnamūlā tālāvatthukatā anabhāvakatā āyatiɱ anuppādadhammā,||
tasmā khīṇāsavo bhikkhu chinnasoto ti vuccati.|| ||

Rāgo kho bhante bandhanaɱ,||
doso bandhanaɱ,||
moho bandhanaɱ,||
te khīṇāsavassa bhikkhuno pahīnā ucchinnamūlā tālāvatthukatā anabhāvakatā āyatiɱ anuppādadhammā,||
tasmā khīṇāsavo bhikkhu abandhanoti vuccati.|| ||

Iti kho bhante yan taɱ Bhagavatā vuttaɱ:|| ||

Nelaṅgo setapacchādo||
ekāro vattatī ratho|| ||

Anīghaɱ passa āyantaɱ||
chinnasotaɱ abandhananti.|| ||

Imassa khvāhaɱ bhante Bhagavatā saṅkhittena bhāsitassa evaɱ vitthārena atthaɱ ājānāmī" ti.|| ||

"Lābhā vata te gahapati,||
suladdhante gahapati,||
yassa te gambhīre buddhavacane paññācakkhu kamatī" ti.|| ||

 


Contact:
E-mail
Copyright Statement   Webmaster's Page