Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. Saḷāyatana Vagga:
42: Gāmani Saɱyuttaɱ

Sutta 1

Caṇḍa-Gāmaṇī Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthi yaɱ viharati Jetavane Anāthapiṇḍikassa ārāme.|| ||

Atha kho caṇḍo gāmaṇī yena Bhagavā ten'upasaŋkami.|| ||

upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho Caṇḍo gāmaṇī Bhagavantaɱ etad avoca:|| ||

"Ko nu kho bhante hetu||
ko paccayo||
yena midhekacco 'caṇḍo'||
teva saṅkhaɱ gacchati?|| ||

Ko pana bhante hetu||
ko paccayo||
yena midhekacco 'sorato'||
teva saṅkhaɱ gacchatī ti?|| ||

Idha gāmaṇī ekaccassa rāgo appahīno hoti,||
rāgassa appahīnattā pare kopenti,||
parehi kopiyamāno kopaɱ pātukaroti,||
so 'caṇḍo' teva saṅkhaɱ gacchati;|| ||

doso appahīno hoti,||
dosassa appahīnattā pare kopenti,||
parehi kopiyamāno kopaɱ pātukaroti,||
so 'caṇḍo' teva saṅkhaɱ gacchati;|| ||

moho appahīno hoti,||
mohassa appahīnattā pare kopenti,||
parehi kopiyamāno kopaɱ pātukaroti,||
so 'caṇḍo' teva saṅkhaɱ gacchati.

Ayaɱ kho gāmaṇī hetu||
ayaɱ paccayo||
yena midhekacco 'caṇḍo'||
teva saṅkhaɱ gacchati.|| ||

 


 

Idha pana gāmaṇī ekaccassa||
rāgo pahīno hoti,||
rāgassa pahīnattā pare na kopenti,||
parehi kopiyamāno kopaɱ na pātukaroti,||
so 'sorato' teva saṅkhaɱ gacchati;|| ||

doso pahīno hoti,||
dosassa pahīnattā pare na kopenti,||
parehi kopiyamāno kopaɱ na pātukaroti,||
so 'sorato' teva saṅkhaɱ gacchati;|| ||

moho pahīno hoti,||
mohassa pahīnattā pare na kopenti,||
parehi kopiyamāno kopaɱ na pātukaroti,||
so 'sorato' teva saṅkhaɱ gacchati.|| ||

Ayaɱ kho gāmaṇī hetu||
ayaɱ paccayo||
yena midhekacco 'sorato' teva saṅkhaɱ gacchati.|| ||

[306] Evaɱ vutte caṇḍo gāmaṇī Bhagavantaɱ etad avoca:|| ||

"Abhikkantaɱ bhante||
abhikkantaɱ bhante!|| ||

Seyyathā pi bhante nikkujjitaɱ vā ukkujjeyya,||
paṭicchantaɱ vā vivareyya,||
mūḷahassa vā maggaɱ ācikkheyya andhakāre vā tela pajjotaɱ dhāreyya cakkhumanto rūpāni dakkhintīti,||
evam evaɱ Bhagavatā anekapariyāyena dhammo pakāsito,||
esāhaɱ bhante Bhagavantaɱ saraṇaɱ gacchāmi||
dhammañ ca||
bhikkhusaṅghañ ca,||
upāsakaɱ maɱ Bhagavā dhāretu ajjatagge pāṇupetaɱ saraṇaɱ gatanti.|| ||

 


Contact:
E-mail
Copyright Statement   Webmaster's Page