Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya:
IV. Saḷāyatana Vagga:
42: Gāmani Saɱyuttaɱ

Sutta 6

Pacchābhūmaka (or Mataka) Suttaɱ aka Asibandhakaputta Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][than] Evaɱ me sutaɱ:|| ||

Ekaɱ samayaɱ Bhagavā Nālandāyaɱ viharati Pāvarikambavane [312] atha kho asibandhaka putto gāmaṇī yena Bhagavā ten'upasankami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho asibandhakaputto gāmaṇī Bhagavantaɱ etad avoca:|| ||

"Brāhmaṇā bhante pacchābhumakā kāmaṇḍalukā sevālamālikā udako rohakā aggiparicārakā te mataɱ kāla-kataɱ uyyāpenti nāma saññāpenti nāma saggaɱ nāma okkāmenti.|| ||

Bhagavā pana bhante arahaɱ Sammā-Sam-Buddho pahoti tathā kātuɱ yathā sabbo loko kāyassa bhedā param maraṇā sugatiɱ saggaɱ lokaɱ upapajjeyyā" ti.|| ||

"Tena hi gāmaṇi taɱyevettha paṭipucchissāmi,||
yathā te khameyya tathā naɱ vyākareyyāsi.|| ||

Taɱ kim maññasi gāmaṇī?|| ||

Idhassa puriso pāṇāti-pātī||
adinn'ādāyī||
kāmesu micchā-cārī||
musā-vādī||
pisunā-vāco||
pharusā-vāco||
samphappalāpī||
abhijjhālū||
vyāpanna-citto||
micchā-diṭṭhiko,||
tam enaɱ mahā-jana-kāyo saŋgamma samāgamma āyāceyya thomeyya pañjaliko anuparisakkeyya:|| ||

'Ayaɱ puriso kāyassa bhedā param maraṇā sugatiɱ saggaɱ lokaɱ upapajjatu' ti.|| ||

Taɱ kim maññasi gāmaṇī?|| ||

Api nū so puriso mahato janakāyassa āyā canahetu vā thomanahetu vā pañjalikā anuparisakkanahetu vā kāyassa bhedā param maraṇā sugatiɱ saggaɱ lokaɱ upapajjeyyā" ti?|| ||

"No h'etaɱ bhante."|| ||

"Seyyathā pi gāmaṇī,||
puriso mahatiɱ puthusilaɱ gambhīre udaka-rahade pakkhipeyya,||
tam enaɱ mahā-jana-kāyo saŋgamma samāgamma āyāceyya thomeyya pañjaliko anuparisakkeyya:|| ||

'Ummujja bho puthusile uplava bho [313] puthusile, thalamuplava bho puthusileti.'|| ||

Taɱ kim maññasi gāmaṇi?|| ||

Apinu sā puthu-sīlā mahato janakāyassa āyā canahetu vā thomanahetu vā pañjalikā anuparisakkanahetu vā ummujjeyya vā uplaveyya vā thalaɱ vā uplaveyyā" ti?|| ||

"No h'etaɱ bhante."|| ||

"Evam eva kho gāmaṇī yo so puriso pāṇāti-pātī||
adinn'ādāyī||
kāmesu micchā-cārī||
musā-vādī||
pisunā-vāco||
pharusā-vāco||
samphappalāpī||
abhijjhālū||
vyāpanna-citto||
micchā-diṭṭhiko,||
kiñ cāpi taɱ mahā-jana-kāyo saŋgamma samāgamma āyāceyya thomeyya pañjaliko anuparisakkeyya:|| ||

'Ayaɱ puriso kāyassa bhedā param maraṇā sugatiɱ saggaɱ lokaɱ upapajjatu' ti.

Atha kho so puriso kāyassa bhedā param maraṇā apāyaɱ duggatiɱ vinipātaɱ Nirayaɱ upapa-j-jeyya.|| ||

Taɱ kim maññasi gāmaṇi?|| ||

Idhassa puriso pāṇāti-pātā paṭivirato||
adinn'ādānā paṭivirato||
kāmesu micchā-cārā paṭivirato||
musā-vādā paṭivirato||
pisunā-vācā paṭivirato||
pharusā vācā paṭivirato||
samphappalāpā paṭivirato||
anabhijjhālū||
avyāpanna-citto||
sammā-diṭṭhiko,||
tam enaɱ mahā-jana-kāyo saŋgamma samāgamma āyāceyya thomeyya pañjaliko anuparisakkeyya:|| ||

'Ayaɱ puriso kāyassa bhedā param maraṇā apāyaɱ duggatiɱ vinipātaɱ Nirayaɱ upapajjatu' ti.|| ||

Taɱ kim maññasi gāmaṇi?|| ||

Api nu so puriso mahato janakāyassa āyā canahetu vā thomanahetu vā pañjalikā anuparissakkanahetu vā kāyassa bhedā param maraṇā apāyaɱ duggatiɱ vinipātaɱ Nirayaɱ upapajjeyyā" ti?|| ||

"No h'etaɱ bhante."|| ||

"Seyyathā pi gāmaṇi, puriso sappikumbhaɱ vā telakumbhaɱ vā gambhiraɱ udaka-rahadaɱ ogāhetvā bhindeyya, tatra yāssa.|| ||

Sakkharā vā kaṭhalā vā sā adhogāmī.|| ||

Assa, yañ ca khvāssa tatra sappi.|| ||

Vā telaɱ vā taɱ uddhagāmī [314] assa,||
tame taɱ mahā-jana-kāyo saŋgamma samāgamma āyāceyya thomeyya pañjaliko anuparisakkeyya:|| ||

'Osīda bho sappi tela,||
saɱsīda bho sappi tela||
adhogaccha bho sappi telā' ti.|| ||

Taɱ kim maññasi gāmaṇī?|| ||

Api nu taɱ sappi telaɱ mahā janakāyassa āyā canahetu vā thomanahetu vā pañjalikā anuparisakkanahetu vā osīdeyya vā saɱsīdeyya vā adho vā gaccheyya" ti?|| ||

"No h'etaɱ bhante."|| ||

"Evam eva kho gāmaṇi,||
yo so puriso pāṇāti-pātā paṭivirato||
adinn'ādānā paṭivirato||
kāmesu micchā-cārā paṭivirato||
musā-vādā paṭivirato||
pisunā-vācā paṭivirato||
pharusā vācā paṭivirato||
samphappalāpā paṭivirato||
anabhijjhālū||
avyāpanna-citto||
sammā-diṭṭhiko,||
kiñ cāpi taɱ mahā-jana-kāyo saŋgamma samāgamma āyāceyya thomeyya pañjaliko anuparisakkeyya:|| ||

'Ayaɱ puriso kāyassa bhedā param maraṇā apāyaɱ duggatiɱ vinipātaɱ Nirayaɱ upapajjatu" ti,|| ||

atha kho so puriso kāyassa bhedā param maraṇā sugatiɱ saggaɱ lokaɱ upapajjeyayyā" ti.|| ||

Evaɱ vutte asibandhakaputto gāmaṇī Bhagavantaɱ etad avoca:|| ||

Abhikkantaɱ bhante,||
abhikkantaɱ bhante,||
seyyathā pi bhante nikkujjitaɱ vā ukkujjeyya,||
paṭi-c-channaɱ vā vivareyya||
mūḷahassa vā Maggaɱ ācikkheyya,||
andha-kāre vā tela-pajjotaɱ dhāreyya||
'cakkhu-manto rūpāni dakkhinti' ti.|| ||

Evam evaɱ Bhagavatā aneka-pariyāyena dhammo pakāsito.|| ||

Es'āhaɱ bhante Bhagavantaɱ saraṇaɱ gacchāmi||
Dhammañ ca||
bhikkhu-sanghañ ca,||
upāsakaɱ maɱ Bhagavā dhāretu ajja-t-agge pāṇupetaɱ saraṇaɱ gatanti.|| ||

 


Contact:
E-mail
Copyright Statement