Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
IV. saḷāyatana Vagga:
42: Gamani Saɱyuttaɱ

Sutta 13

Pātali (or Manāpa) Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Koliyesu viharati Uttarakaɱ nāma Koliyānaɱ nigamo.|| ||

Atha kho Pāṭaliyo gāmaṇi yena Bhagavā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho Pāṭaliyo gāmaṇī Bhagavantaɱ etad avoca:|| ||

"Sutaɱ me taɱ bhante|| ||

'Samaṇo Gotamo māyaɱ jānātī' ti.|| ||

Ye te bhante evam ahaɱsu:|| ||

'Samaṇo Gotame māyaɱ jānātī' ti,|| ||

kacci te bhante Bhagavato vuttavādino||
na ca Bhagavantaɱ abhūtena abbhācikkhanti,||
dhammassa cānudhammaɱ vyākaronti,||
na ca koci sahadhammiko vādānupāto gārayhaɱ ṭhānaɱ āgacchatī||
anabbhakkhātukāmā hi mayaɱ bhante Bhagavantan" ti.|| ||

"Ye te gāmaṇi evam ahaɱsu:|| ||

"Samaṇo Gotamo māyaɱ jānātī' ti,||
vuttavādino ceva me te,||
na ca maɱ abhūtena abbhācikkhanti,||
dhammassa cānudhammaɱ vyākaronti,||
na ca koci sahadhammiko vādānupāto gārayhaɱ ṭhānaɱ āgacchatī" ti.|| ||

[341] "Saccaɱ yeva kira bho mayaɱ tesaɱ samaṇabrāhmaṇānaɱ na saddahāma:|| ||

'Samaṇo Gotame māyaɱ jānātī' ti,|| ||

Samaṇo khalu bho Gotamo māyāvī"ti.|| ||

"Yo nu kho gāmaṇi evaɱ vadeti,|| ||

'Ahaɱ māyaɱ jānāmī' ti,|| ||

so evaɱ vadeti,|| ||

'Ahaɱ māyāvī' ti,|| ||

'Tatheva taɱ Bhagavā hoti,||
tatheva taɱ sugata hotī' ti?|| ||

Tena hi gāmaṇi taññevettha paṭipucchissāmi,||
yathā te khameyya||
tathā naɱ vyākareyyāsi.|| ||

1.

(i)

"Taɱ kimmaññasi gāmaṇi?|| ||

Jānāsi tvaɱ gāmaṇi,||
Koliyānaɱ lambacūḷake bhaṭe" ti?|| ||

"Jānāmahaɱ bhante Koliyānaɱ lambacūḷake bhaṭe" ti.|| ||

"Taɱ kim maññasi gāmaṇi?|| ||

Kim atthīyā Koliyānaɱ lambacūḷakā bhaṭā" ti?|| ||

"Ye ca bhante Koliyānaɱ corā te ca paṭisedhetuɱ,||
yāni ca Koliyānaɱ duteyyāni tāni vahātuɱ,||
etadatthāya Bhante Koliyānaɱ lambacūḷakā bhaṭā" ti.|| ||

"Taɱ kim maññasi gāmaṇi?|| ||

Jānāsi tvaɱ Koliyānaɱ lambacūḷake bhaṭe||
sīlavante vā te||
dussīle vā" ti?|| ||

"Jānamahaɱ bhante Koliyānaɱ lambacūḷake bhaṭe||
dussīle pāpadhamme,||
ye ca loke dussīlā pāpadhammā Koliyānaɱ lambacūḷakā bhaṭā||
tesaɱ aññatarā" ti.|| ||

"Yo nu kho gāmaṇi evaɱ vadeyya:|| ||

'Pāṭaliyo gāmaṇi jānāti Koliyānaɱ lambacūḷake bhaṭe||
dussīle pāpadhamme,||
Pāṭaliyo pi gāmaṇi||
dussīlo pāpadhammo' ti,|| ||

sammā nu kho so vadamāno vadeyyā" ti.|| ||

"No h'etaɱ bhante,||
aññe bhante Koliyānaɱ lambacūḷakā bhaṭā,||
añño hamasmi||
aññathā-dhammā Koliyānaɱ lambacūḷakā bhaṭā,||
aññathā-dhammo hamasmī" ti.|| ||

[342] "Tvaɱ hi gāmaṇi lacchasi|| ||

'Pāṭaliyo gāmaṇi jānāti Koliyānaɱ lambacūḷake bhaṭe||
dussīle pāpadhamme,||
na ca Pāṭaliyo gāmaṇi||
dussīlo pāpadhammo' ti.|| ||

Kasmā Tathāgato na lacchati|| ||

'Tathāgato māyaɱ jānāti,||
na ca Tathāgato māyāvī' ti?|| ||

Māyaɱ cāhaɱ gāmaṇi pajānāmi,||
māyāya ca vipākaɱ,||
yathā paṭipanno ca māyāvī kāyassa bhedā||
parammaraṇā apāyaɱ duggatiɱ vinipātaɱ||
nirayaɱ upapajjati,||
tañ ca pajānāmi.|| ||

(ii)

Pāṇātipātaɱ cāhaɱ gāmaṇi pajānāmi,||
pāṇātipātassa ca vipākaɱ,||
yathā paṭipanno ca pāṇātipātī kāyassa bhedā||
parammaraṇā apāyaɱ duggatiɱ vinipātaɱ||
nirayaɱ upapajjati,||
tañ ca pajānāmi.|| ||

Adinnādānaɱ cāhaɱ gāmaṇi pajānāmi,||
adinnādānassa ca vipākaɱ,||
yathā paṭipanno ca pāṇātipātī kāyassa bhedā||
parammaraṇā apāyaɱ duggatiɱ vinipātaɱ||
nirayaɱ upapajjati,||
tañ ca pajānāmi.|| ||

Kāmesu micchācāraɱ cāhaɱ gāmaṇi pajānāmi,||
kāmesumicchācārassa ca vipākaɱ,||
yathā paṭipanno ca pāṇātipātī kāyassa bhedā||
parammaraṇā apāyaɱ duggatiɱ vinipātaɱ||
nirayaɱ upapajjati,||
tañ ca pajānāmi.|| ||

Musāvādaɱ cāhaɱ gāmaṇi pajānāmi,||
musāvādassa ca vipākaɱ,||
yathā paṭipanno ca pāṇātipātī kāyassa bhedā||
parammaraṇā apāyaɱ duggatiɱ vinipātaɱ||
nirayaɱ upapajjati,||
tañ ca pajānāmi.|| ||

Pisunāvācaɱ cāhaɱ gāmaṇi pajānāmi,||
pisunāvācāya ca vipākaɱ,||
yathā paṭipanno ca pāṇātipātī kāyassa bhedā||
parammaraṇā apāyaɱ duggatiɱ vinipātaɱ||
nirayaɱ upapajjati,||
tañ ca pajānāmi.|| ||

Pharusavācaɱ cāhaɱ gāmaṇi pajānāmi,||
pharusavācāya ca vipākaɱ,||
yathā paṭipanno ca pāṇātipātī kāyassa bhedā||
parammaraṇā apāyaɱ duggatiɱ vinipātaɱ||
nirayaɱ upapajjati,||
tañ ca pajānāmi.|| ||

[343] Samphappalāpaɱ cāhaɱ gāmaṇi pajānāmi,||
samphappalāpassa ca vipākaɱ,||
yathā paṭipanno ca pāṇātipātī kāyassa bhedā||
parammaraṇā apāyaɱ duggatiɱ vinipātaɱ||
nirayaɱ upapajjati,||
tañ ca pajānāmi.|| ||

Abhijjhaɱ cāhaɱ gāmaṇi pajānāmi,||
abhijjhāya ca vipākaɱ,||
yathā paṭipanno ca pāṇātipātī kāyassa bhedā||
parammaraṇā apāyaɱ duggatiɱ vinipātaɱ||
nirayaɱ upapajjati,||
tañ ca pajānāmi.|| ||

Vyāpādapadosañcāhaɱ gāmaṇi pajānāmi,||
vyāpādapadosassa ca vipākaɱ,||
yathā paṭipanno ca pāṇātipātī kāyassa bhedā||
parammaraṇā apāyaɱ duggatiɱ vinipātaɱ||
nirayaɱ upapajjati,||
tañ ca pajānāmi.|| ||

Micchādiṭṭhiñcāhaɱ gāmaṇī pajānāmi,||
micchādiṭṭhiyā ca vipākaɱ,||
yathā paṭipanno ca pāṇātipātī kāyassa bhedā||
parammaraṇā apāyaɱ duggatiɱ vinipātaɱ||
nirayaɱ upapajjati,||
tañ ca pajānāmi.|| ||

2.

Santi gāmaṇi eke samaṇabrāhmaṇā evaɱvādino evaɱ diṭṭhino:|| ||

'Yo koci pāṇamatipāteti,||
sabbo so diṭṭhe va dhamme dukkhaɱ domanassaɱ paṭisaɱvediyati,||
yo koci adinnaɱ ādiyati,||
sabbo so diṭṭhe va dhamme dukkhaɱ domanassaɱ paṭisaɱvediyati,||
yo koci kāmesu micchā carati||
sabbo so diṭṭhe va dhamme dukkhaɱ domanassaɱ paṭisaɱvediyati,||
yo koci musā bhaṇati,||
sabbo so diṭṭhe va dhamme dukkhaɱ domanassaɱ paṭisaɱvediyatī ti.|| ||

(i)

Dissati kho pana gāmaṇi idhekacco mālī kuṇḍalī sunahāto suvilitto kappitakesamassū itthikāmehi rājā maññe paricārento,||
tam ekaɱ evam ahaɱsu:|| ||

'Ambho ayaɱ puriso kiɱ akāsi mālī kuṇḍalī sunahāto suvilitto kappitakesamassu itthikāmehi rājāmaññe paricāretī' ti?|| ||

Tam [344] enaɱ evam ahaɱsu:|| ||

'Ambho ayaɱ puriso rañño paccatthikaɱ pasayha jīvitā voropesi.|| ||

Tassa rājā attamano abhihāramadāsi.|| ||

Tenāyaɱ puriso mālī kuṇḍalī sunahāto suvilitto kappitakesamassu itthikāmehi rājāmaññe paricāretī' ti.|| ||

(ii)

Dissati kho pana gāmaṇi idhekacco daḷhāya rajjuyā pacchābāhaɱ gāḷhabandhanaɱ bandhitvā khuramuṇḍaɱ karitvā kharassarena paṇavena rathikāya rathikaɱ siṅghāṭakena siṅghāṭakaɱ parinetvā dakkhiṇena dvārena nikkhāmetvā dakkhiṇato nagarassa sīsaɱ chijjamāno,||
tamenaɱ evam ahaɱsu:|| ||

'Ambho ayaɱ puriso kiɱ akāsi daḷhāya rajjuyā paccābāhaɱ gāḷhabandhanaɱ bandhitvā khuramuṇḍaɱ karitvā kharassarena paṇavena rathikāya rathikaɱ siṅghāṭakena siṅghāṭakaɱ parinetvā dakkhiṇena dvārena nikkhāmetvā dakkhiṇato nagarassa sīsaɱ jindatī' ti?|| ||

Tam enaɱ evam ahaɱsu:|| ||

'Ambho, ayaɱ puriso rājaverī itthiɱ vā purisaɱ vā jīvitā voropesi,||
tena naɱ rājāno gahetvā evarūpaɱ kammakāraṇaɱ kārontī' ti.|| ||

Taɱ kim maññasi gāmaṇi?|| ||

Api nū te evarūpaɱ diṭṭhaɱ vā sutaɱvā" ti?|| ||

"Diṭṭhañ ca no bhante sutañ ca sūyissati cā"ti.|| ||

"Tatra gāmaṇi ye te samaṇabrāhmaṇā evaɱvādino evaɱdiṭṭhino:|| ||

'Yo koci pāṇamatipāteti,||
sabbo so diṭṭhe va dhamme dukkhaɱ domanassaɱ paṭisaɱvediyatī' ti,|| ||

saccaɱ vā te āhaɱsu musā vā" ti?|| ||

"Musā bhante."|| ||

"Ye pana te tucchaɱ musā vilapanti,||
sīlavanto vā||
te dussīlā vā" ti?|| ||

[345] "Dussīlā bhante."|| ||

"Ye pana te dussīlā pāpadhammā micchāpaṭipannā vā te sammāpaṭipannā vā" ti?|| ||

"Micchāpaṭipannā bhante."|| ||

"Ye pana te micchāpaṭipannā micchādiṭṭhikā vā te sammādiṭṭhikā vā" ti?|| ||

"Micchādiṭṭhikā bhante."|| ||

Ye pana te micchādiṭṭhikā kallannu tesu pasiditun" ti?|| ||

"No h'etaɱ bhante."|| ||

(iii)

Dissati kho pana gāmaṇi idhekacco mālī kuṇḍalī sunahāto suvilitto kappitakesamassū itthikāmehi rājā maññe paricārento,||
tam ekaɱ evam ahaɱsu:|| ||

'Ambho ayaɱ puriso kiɱ akāsi mālī kuṇḍalī sunahāto suvilitto kappitakesamassu itthikāmehi rājāmaññe paricāretī' ti?|| ||

Tam enaɱ evam ahaɱsu:|| ||

'Ambho ayaɱ puriso rañño paccatthikaɱ pasayha jīvitā voropesi.|| ||

Tassa rājā attamano abhihāramadāsi.|| ||

Tenāyaɱ puriso mālī kuṇḍalī sunahāto suvilitto kappitakesamassu itthikāmehi rājāmaññe paricāretī' ti.|| ||

(iv)

Dissati kho pana gāmaṇi idhekacco daḷhāya rajjuyā pacchābāhaɱ gāḷhabandhanaɱ bandhitvā khuramuṇḍaɱ karitvā kharassarena paṇavena rathikāya rathikaɱ siṅghāṭakena siṅghāṭakaɱ parinetvā dakkhiṇena dvārena nikkhāmetvā dakkhiṇato nagarassa sīsaɱ chijjamāno,||
tamenaɱ evam ahaɱsu:|| ||

'Ambho ayaɱ puriso kiɱ akāsi daḷhāya rajjuyā paccābāhaɱ gāḷhabandhanaɱ bandhitvā khuramuṇḍaɱ karitvā kharassarena paṇavena rathikāya rathikaɱ siṅghāṭakena siṅghāṭakaɱ parinetvā dakkhiṇena dvārena nikkhāmetvā dakkhiṇato nagarassa sīsaɱ jindatī' ti?|| ||

Tam enaɱ evam ahaɱsu:|| ||

'Ambho, ayaɱ puriso gāmā vā araññā vā adinnaɱ theyyasaṅkhātaɱ ādiyi.|| ||

Tena taɱ rājāno gahetvā evarūpaɱ kammakāraṇaɱ kārenti' ti.|| ||

Taɱ kim maññasi gāmaṇi?|| ||

Api nū te evarūpaɱ diṭṭhaɱ vā sutaɱvā" ti?|| ||

"Diṭṭhañ ca no bhante sutañ ca sūyissati cā"ti.|| ||

[346] "Tatra gāmaṇi ye te samaṇabrāhmaṇā evaɱvādino evaɱdiṭṭhino:|| ||

'Yo koci pāṇamatipāteti,||
sabbo so diṭṭhe va dhamme dukkhaɱ domanassaɱ paṭisaɱvediyatī' ti,|| ||

saccaɱ vā te āhaɱsu musā vā" ti?|| ||

"Musā bhante."|| ||

"Ye pana te tucchaɱ musā vilapanti,||
sīlavanto vā||
te dussīlā vā" ti?|| ||

"Dussīlā bhante."|| ||

"Ye pana te dussīlā pāpadhammā micchāpaṭipannā vā te sammāpaṭipannā vā" ti?|| ||

"Micchāpaṭipannā bhante."|| ||

"Ye pana te micchāpaṭipannā micchādiṭṭhikā vā te sammādiṭṭhikā vā" ti?|| ||

"Micchādiṭṭhikā bhante."|| ||

Ye pana te micchādiṭṭhikā kallannu tesu pasiditun" ti?|| ||

"No h'etaɱ bhante."|| ||

(v)

Dissati kho pana gāmaṇi idhekacco mālī kuṇḍalī sunahāto suvilitto kappitakesamassū itthikāmehi rājā maññe paricārento,||
tam ekaɱ evam ahaɱsu:|| ||

'Ambho ayaɱ puriso kiɱ akāsi mālī kuṇḍalī sunahāto suvilitto kappitakesamassu itthikāmehi rājāmaññe paricāretī' ti?|| ||

Tam enaɱ evam ahaɱsu:|| ||

'Ambho ayaɱ puriso rañño paccatthikassa dāresu sañcarittaɱ āpajji.|| ||

Tassa rājā attamano abhihāramadāsi.|| ||

Tenāyaɱ puriso mālī kuṇḍalī sunahāto suvilitto kappitakesamassu itthikāmehi rājāmaññe paricāretī' ti.|| ||

(vi)

Dissati kho pana gāmaṇi idhekacco daḷhāya rajjuyā pacchābāhaɱ gāḷhabandhanaɱ bandhitvā khuramuṇḍaɱ karitvā kharassarena paṇavena rathikāya rathikaɱ siṅghāṭakena siṅghāṭakaɱ parinetvā dakkhiṇena dvārena nikkhāmetvā dakkhiṇato nagarassa sīsaɱ chijjamāno,||
tamenaɱ evam ahaɱsu:|| ||

'Ambho ayaɱ puriso kiɱ akāsi daḷhāya rajjuyā paccābāhaɱ gāḷhabandhanaɱ bandhitvā khuramuṇḍaɱ karitvā kharassarena paṇavena rathikāya rathikaɱ siṅghāṭakena siṅghāṭakaɱ parinetvā dakkhiṇena dvārena nikkhāmetvā dakkhiṇato nagarassa sīsaɱ jindatī' ti?|| ||

Tam enaɱ evam ahaɱsu:|| ||

'Ambho, ayaɱ puriso kulitthisu kulakumārīsu cārittaɱ āpajji.|| ||

Tena taɱ rājāno gahetvā evarūpaɱ kammakāraṇaɱ kārenti' ti.|| ||

Taɱ kim maññasi gāmaṇi?|| ||

Api nū te evarūpaɱ diṭṭhaɱ vā sutaɱvā" ti?|| ||

"Diṭṭhañ ca no bhante sutañ ca sūyissati cā"ti.|| ||

"Tatra gāmaṇi ye te samaṇabrāhmaṇā evaɱvādino evaɱdiṭṭhino:|| ||

'Yo koci pāṇamatipāteti,||
sabbo so diṭṭhe va dhamme dukkhaɱ domanassaɱ paṭisaɱvediyatī' ti,|| ||

saccaɱ vā te āhaɱsu musā vā" ti?|| ||

"Musā bhante."|| ||

"Ye pana te tucchaɱ musā vilapanti,||
sīlavanto vā||
te dussīlā vā" ti?|| ||

"Dussīlā bhante."|| ||

"Ye pana te dussīlā pāpadhammā micchāpaṭipannā vā te sammāpaṭipannā vā" ti?|| ||

"Micchāpaṭipannā bhante."|| ||

"Ye pana te micchāpaṭipannā micchādiṭṭhikā vā te sammādiṭṭhikā vā" ti?|| ||

"Micchādiṭṭhikā bhante."|| ||

Ye pana te micchādiṭṭhikā kallannu tesu pasiditun" ti?|| ||

"No h'etaɱ bhante."|| ||

[347]

(vii)

Dissati kho pana gāmaṇi idhekacco mālī kuṇḍalī sunahāto suvilitto kappitakesamassū itthikāmehi rājā maññe paricārento,||
tam ekaɱ evam ahaɱsu:|| ||

'Ambho ayaɱ puriso kiɱ akāsi mālī kuṇḍalī sunahāto suvilitto kappitakesamassu itthikāmehi rājāmaññe paricāretī' ti?|| ||

Tam enaɱ evam ahaɱsu:|| ||

'Ambho ayaɱ puriso rājānaɱ musāvādena hāsesi.|| ||

Tassa rājā attamano abhihāramadāsi.|| ||

Tenāyaɱ puriso mālī kuṇḍalī sunahāto suvilitto kappitakesamassu itthikāmehi rājāmaññe paricāretī' ti.|| ||

(viii)

Dissati kho pana gāmaṇi idhekacco daḷhāya rajjuyā pacchābāhaɱ gāḷhabandhanaɱ bandhitvā khuramuṇḍaɱ karitvā kharassarena paṇavena rathikāya rathikaɱ siṅghāṭakena siṅghāṭakaɱ parinetvā dakkhiṇena dvārena nikkhāmetvā dakkhiṇato nagarassa sīsaɱ chijjamāno,||
tamenaɱ evam ahaɱsu:|| ||

'Ambho ayaɱ puriso kiɱ akāsi daḷhāya rajjuyā paccābāhaɱ gāḷhabandhanaɱ bandhitvā khuramuṇḍaɱ karitvā kharassarena paṇavena rathikāya rathikaɱ siṅghāṭakena siṅghāṭakaɱ parinetvā dakkhiṇena dvārena nikkhāmetvā dakkhiṇato nagarassa sīsaɱ jindatī' ti?|| ||

Tam enaɱ evam ahaɱsu:|| ||

'Ambho, ayaɱ puriso gahapatissa vā gahapatiputtassa vā musāvādena atthaɱ bhañji.|| ||

Tena taɱ rājāno gahetvā evarūpaɱ kammakāraṇaɱ kārenti' ti.|| ||

Taɱ kim maññasi gāmaṇi?|| ||

Api nū te evarūpaɱ diṭṭhaɱ vā sutaɱvā" ti?|| ||

"Diṭṭhañ ca no bhante sutañ ca sūyissati cā"ti.|| ||

"Tatra gāmaṇi ye te samaṇabrāhmaṇā evaɱvādino evaɱdiṭṭhino:|| ||

'Yo koci pāṇamatipāteti,||
sabbo so diṭṭhe va dhamme dukkhaɱ domanassaɱ paṭisaɱvediyatī' ti,|| ||

saccaɱ vā te āhaɱsu musā vā" ti?|| ||

"Musā bhante."|| ||

"Ye pana te tucchaɱ musā vilapanti,||
sīlavanto vā||
te dussīlā vā" ti?|| ||

"Dussīlā bhante."|| ||

"Ye pana te dussīlā pāpadhammā micchāpaṭipannā vā te sammāpaṭipannā vā" ti?|| ||

"Micchāpaṭipannā bhante."|| ||

"Ye pana te micchāpaṭipannā micchādiṭṭhikā vā te sammādiṭṭhikā vā" ti?|| ||

"Micchādiṭṭhikā bhante."|| ||

Ye pana te micchādiṭṭhikā kallannu tesu pasiditun" ti?|| ||

"No h'etaɱ bhante.|| ||

 


 

3.

Acchariyaɱ bhante!|| ||

Abbhutaɱ bhante!|| ||

Atthi me bhante āvasathāgāraɱ,||
tattha atthi mañcakāni||
atthi āsanāni||
atthi udakamaṇikoatthi,||
atthi telappadīpo.|| ||

Tattha yo samaṇo vā brāhmaṇo vā vāsaɱ upeti,||
tenāhaɱ yathāsatti yathābalaɱ saɱvibhajāmi.|| ||

Bhutapubbaɱ bhante, cattāro satthāro nānādiṭṭhikā nānākhantikā nānārucikā tasmiɱ āvasathāgāre vāsaɱ upagacchiɱsu.|| ||

(i)

Eko satthā evaɱvādi evaɱ diṭṭhi:|| ||

'Natthi dinnaɱ,||
natthi yiṭṭhaɱ||
natthi hutaɱ,||
natthi sukaṭadukkaṭānaɱ kammānaɱ phalaɱ vipāko,||
natthi ayaɱ loko,||
natthi paro loko,||
natthi mātā,||
natthi pitā,||
natthi sattā opapātikā,||
natthi loke samaṇabrāhmaṇā sammaggatā sammāpaṭipannā ye imañ ca lokaɱ paraɱ ca lokaɱ sayaɱ abhiññā sacchikatvā pavedentī' ti.|| ||

(ii)

Eko satthā evaɱvādi evaɱ diṭṭhi:|| ||

'Atthi dinnaɱ||
atthi [349] yiṭṭhaɱ||
atthi hutaɱ||
atthi sukaṭadukkaṭānaɱ kammānaɱ phalaɱ vipāko,||
atthi ayaɱ loko,||
atthi paro loko,||
atthi mātā,||
atthi pitā,||
atthi sattā opapātikā,||
atthi loke samaṇabrāhmanā sammaggatā sammāpaṭipannā ye imañ ca lokaɱ parañ ca lokaɱ sayaɱ abhiññā sacchikatvā pavedentī' ti.|| ||

(iii)

Eko satthā evaɱvādī evaɱ diṭṭhi:|| ||

'Karato||
kārayato||
chindato||
chedāpayato||
pacato||
pācayato||
socayato||
kilamayato||
phandato||
phandāpayato||
pāṇamatipātayato||
ādinnaɱ||
ādiyato||
sandhiɱ chindato||
nillopaɱ harato||
ekāgārikaɱ karoto||
paripanthe tiṭṭhato||
paradāraɱ gacchato||
musā bhaṇato||
na karato karīyati pāpaɱ.|| ||

Khurapariyantena ce pi cakkena imissā paṭhaviyā pāṇe ekam maɱsakhalaɱ||
ekam maɱsapuñjaɱ kareyaya,||
natthi tato nidānaɱ pāpaɱ,||
natthi pāpassa āgamo.|| ||

Dakkhiṇañ ce pi Gaṅgāya tīraɱ gaccheyya||
hananto||
ghātento||
chindanto||
chedāpento||
pacanto||
pācento||
natthi tato nidānaɱ pāpaɱ,||
natthi pāpassa āgamo.|| ||

Uttarañ ce pi Gaṅgāya tīraɱ gaccheyya||
dadanto||
dāpento||
yajanto||
yājento||
natthi tato nidānaɱ puññaɱ,||
natthi puññassa āgamo||
dānena||
damena||
saññamena||
saccavajjena||
natthi puññaɱ||
natthi puññassa āgamo' ti.|| ||

(iv)

Eko satthā evaɱvādī evaɱdiṭṭhi:|| ||

Karato||
kārayato||
chindato||
chedāpayato||
pacato||
pācayato||
socayato||
kilamayato||
phandato||
phandāpayato||
pāṇamatipātayato||
ādinnaɱ||
ādiyato||
sandhiɱ||
chindato||
nillopaɱ||
harato||
ekāgārikaɱ||
karoto paripanthe||
tiṭṭhato paradāraɱ [350] gacchato||
musā bhaṇato karato||
karīyati pāpaɱ.|| ||

Khurapariyantena ce pi cakkena imissā paṭhaviyā pāṇe ekam maɱsakhalaɱ ekam maɱsapuñjaɱ kareyya,||
atthi tato nidānaɱ pāpaɱ,||
atthi pāpassa āgamo.|| ||

Dakkhiṇañ ce pi Gaṅgāya tīraɱ gaccheyya||
hananto||
ghātento||
jindanto||
chedāpento||
pacanto||
pācento||
atthi tato nidānaɱ pāpaɱ,||
atthi pāpassa āgamo.|| ||

Dānena||
damena||
saññamena||
saccavajjena||
atthi puññaɱ||
atthi puññassa āgamo' ti.|| ||

Tassa mayhaɱ bhante ahudeva kaŋkhā ahu vicikicchā:|| ||

'Ko su nāma imesaɱ bhavataɱ samaṇabrāhmaṇānaɱ saccaɱ āha ko musā' ti?"|| ||

"Alaɱ hi te gāmaṇī kaŋkhītuɱ,||
alaɱ vicikicchituɱ,||
kaŋkhanīye ca pana te ṭhāne vicikicchā uppannā" ti.

"Evaɱ pasanno haɱ Bhante Bhagavati,||
pahoti me Bhagavā tathā dhammaɱ desetuɱ yathā'haɱ imaɱ kaŋkhādhammaɱ pajaheyyan" ti.|| ||

 


 

4.

Atthi gāmaṇi dhamma-samādhi||
tatra ce tvaɱ citta-samādhim paṭilabheyyāsi evaɱ tvam imaɱ kaŋkhā-dhammam pajaheyyāsi.|| ||

Katamo ca gāmaṇi dhamma-samādhi?|| ||

(i)

Idha gāmaṇi ariyasāvako pāṇātipātam pahāya pāṇātipātā paṭivirato hoti||
adinnādānam pahāya adinnādānā paṭivirato hoti||
kāmesu micchācāram pahāya kāmesu micchācārāpaṭivirato hoti
musāvādam pahāya musāvadā [351] pativirato hoti||
pisuṇaɱ vācam pahāya pisuṇāya vācāya paṭivirato hoti||
pharusaɱ vācam pāhāya pharusāya vācāya paṭivirato hoti||
samphappalāpam pahāya samphappalāpā paṭivirato hoti||
abhijjham pahāya anabhijjhālu hoti||
vyāpādadosam pahāya avyāpannacitto hoti||
micchādiṭṭhim pahāya sammādiṭṭhiko hoti.|| ||

Sa kho so gāmaṇi, ariyasāvako||
evaɱ vigatābhijjho||
vigatavyāpādo||
asammūḷho sampajāno||
patissato mettāsahagatena cetasā||
ekaɱ disaɱ pharitvā viharati,||
tathā dutiyaɱ,||
tathā tatiyaɱ,||
tathā catutthiɱ;||
iti uddham adho tiriyaɱ sabbadhi||
sabbattatāya||
sabbāvantaɱ lokaɱ mettāsahagatena cetasā||
vipulena||
mahaggatena||
appamāṇena||
averena||
avyāpajjhena||
pharitvā viharati.

So iti paṭisaɱcikkhati:|| ||

Yvāyaɱ satthā evaɱ vādī evaɱ diṭṭhi:|| ||

'Natthi dinnaɱ,||
natthi yiṭṭhaɱ||
natthi hutaɱ,||
natthi sukaṭadukkaṭānaɱ kammānaɱ phalaɱ vipāko,||
natthi ayaɱ loko,||
natthi paro loko,||
natthi mātā,||
natthi pitā,||
natthi sattā opapātikā,||
natthi loke samaṇabrāhmaṇā sammaggatā sammāpaṭipannā ye imañ ca lokaɱ paraɱ ca lokaɱ sayaɱ abhiññā sacchikatvā pavedentī' ti.|| ||

Sa ce tassa bhoto satthuno saccaɱ vacanaɱ, apaṇṇakatāya mayhaɱ: yo haɱ na kiñci vyābādhemi tasaɱ vā thāvaraɱ vā, ubhayam ettha kaṭaggāho,||
yañcamhi kāyena saɱvuto vācāya saɱvuto manasā saɱvuto,||
yañca kāyassa bhedā param maraṇā sugatiɱ saggaɱ lokaɱ upapajjissāmīti,||
tassa pāmojjaɱ jāyati,||
pamuditassa pīti jāyati,||
pīti-manassa kāyo passambhati,||
passaddhakāyo sukhaɱ vediyati, sukhino cittaɱ samādhiyati.|| ||

Ayaɱ kho so gāmaṇi, dhamma- [352] samādhī||
tatra ce tvaɱ citta-samādhiɱ paṭilabheyyāsi,||
evaɱ tvaɱ imaɱ kaŋkhādhammaɱ pajaheyyāsi.|| ||

(ii)

Idha gāmaṇi ariyasāvako pāṇātipātam pahāya pāṇātipātā paṭivirato hoti||
adinnādānam pahāya adinnādānā paṭivirato hoti||
kāmesu micchācāram pahāya kāmesu micchācārāpaṭivirato hoti
musāvādam pahāya musāvadā pativirato hoti||
pisuṇaɱ vācam pahāya pisuṇāya vācāya paṭivirato hoti||
pharusaɱ vācam pāhāya pharusāya vācāya paṭivirato hoti||
samphappalāpam pahāya samphappalāpā paṭivirato hoti||
abhijjham pahāya anabhijjhālu hoti||
vyāpādadosam pahāya avyāpannacitto hoti||
micchādiṭṭhim pahāya sammādiṭṭhiko hoti.|| ||

Sa kho so gāmaṇi, ariyasāvako||
evaɱ vigatābhijjho||
vigatavyāpādo||
asammūḷho sampajāno||
patissato mettāsahagatena cetasā||
ekaɱ disaɱ pharitvā viharati,||
tathā dutiyaɱ,||
tathā tatiyaɱ,||
tathā catutthiɱ;||
iti uddham adho tiriyaɱ sabbadhi||
sabbattatāya||
sabbāvantaɱ lokaɱ mettāsahagatena cetasā||
vipulena||
mahaggatena||
appamāṇena||
averena||
avyāpajjhena||
pharitvā viharati.

So iti paṭisaɱcikkhati:|| ||

Yvāyaɱ satthā evaɱ vādī evaɱ diṭṭhi:|| ||

'Atthi dinnaɱ||
atthi yiṭṭhaɱ||
atthi hutaɱ||
atthi sukaṭadukkaṭānaɱ kammānaɱ phalaɱ vipāko,||
atthi ayaɱ loko,||
atthi paro loko,||
atthi mātā,||
atthi pitā,||
atthi sattā opapātikā,||
atthi loke samaṇabrāhmanā sammaggatā sammāpaṭipannā ye imañ ca lokaɱ parañ ca lokaɱ sayaɱ abhiññā sacchikatvā pavedentī' ti.|| ||

Sa ce tassa bhoto satthuno saccaɱ vacanaɱ, apaṇṇakatāya mayhaɱ: yo haɱ na kiñci vyābādhemi tasaɱ vā thāvaraɱ vā, ubhayam ettha kaṭaggāho,||
yañcamhi kāyena saɱvuto vācāya saɱvuto manasā saɱvuto,||
yañca kāyassa bhedā param maraṇā sugatiɱ saggaɱ lokaɱ upapajjissāmīti,||
tassa pāmojjaɱ jāyati,||
pamuditassa pīti jāyati,||
pīti-manassa kāyo passambhati,||
passaddhakāyo sukhaɱ vediyati, sukhino cittaɱ samādhiyati.|| ||

Ayaɱ kho so gāmaṇi, dhamma-samādhī||
tatra ce tvaɱ citta-samādhiɱ paṭilabheyyāsi,||
evaɱ tvaɱ imaɱ kaŋkhādhammaɱ pajaheyyāsi.|| ||

(iii)

Idha gāmaṇi ariyasāvako pāṇātipātam pahāya pāṇātipātā paṭivirato hoti||
adinnādānam pahāya adinnādānā paṭivirato hoti||
kāmesu micchācāram pahāya kāmesu micchācārāpaṭivirato hoti
musāvādam pahāya musāvadā pativirato hoti||
pisuṇaɱ vācam pahāya pisuṇāya vācāya paṭivirato hoti||
pharusaɱ vācam pāhāya pharusāya vācāya paṭivirato hoti||
samphappalāpam pahāya samphappalāpā paṭivirato hoti||
abhijjham pahāya anabhijjhālu hoti||
vyāpādadosam pahāya avyāpannacitto hoti||
micchādiṭṭhim pahāya sammādiṭṭhiko hoti.|| ||

Sa kho so gāmaṇi, ariyasāvako||
evaɱ vigatābhijjho||
vigatavyāpādo||
asammūḷho sampajāno||
patissato mettāsahagatena cetasā||
ekaɱ disaɱ pharitvā viharati,||
tathā dutiyaɱ,||
tathā tatiyaɱ,||
tathā catutthiɱ;||
iti uddham adho tiriyaɱ sabbadhi||
sabbattatāya||
sabbāvantaɱ lokaɱ mettāsahagatena cetasā||
vipulena||
mahaggatena||
appamāṇena||
averena||
avyāpajjhena||
pharitvā viharati.

So iti paṭisaɱcikkhati:|| ||

Yvāyaɱ satthā evaɱ vādī evaɱ diṭṭhi:|| ||

'Karato||
kārayato||
chindato||
chedāpayato||
pacato||
pācayato||
socayato||
kilamayato||
phandato||
phandāpayato||
pāṇamatipātayato||
ādinnaɱ||
ādiyato||
sandhiɱ chindato||
nillopaɱ harato||
ekāgārikaɱ karoto||
paripanthe tiṭṭhato||
paradāraɱ gacchato||
musā bhaṇato||
na karato karīyati pāpaɱ.|| ||

Khurapariyantena ce pi cakkena imissā paṭhaviyā pāṇe ekam maɱsakhalaɱ||
ekam maɱsapuñjaɱ kareyaya,||
natthi tato nidānaɱ pāpaɱ,||
natthi pāpassa āgamo.|| ||

Dakkhiṇañ ce pi Gaṅgāya tīraɱ gaccheyya||
hananto||
ghātento||
chindanto||
chedāpento||
pacanto||
pācento||
natthi tato nidānaɱ pāpaɱ,||
natthi pāpassa āgamo.|| ||

Uttarañ ce pi Gaṅgāya tīraɱ gaccheyya||
dadanto||
dāpento||
yajanto||
yājento||
natthi tato nidānaɱ puññaɱ,||
natthi puññassa āgamo||
dānena||
damena||
saññamena||
saccavajjena||
natthi puññaɱ||
natthi puññassa āgamo' ti.|| ||

Sa ce tassa bhoto satthuno saccaɱ vacanaɱ, apaṇṇakatāya mayhaɱ: yo haɱ na kiñci vyābādhemi tasaɱ vā thāvaraɱ vā, ubhayam ettha kaṭaggāho,||
yañcamhi kāyena saɱvuto vācāya saɱvuto manasā saɱvuto,||
yañca kāyassa bhedā param maraṇā sugatiɱ saggaɱ lokaɱ upapajjissāmīti,||
tassa pāmojjaɱ jāyati,||
pamuditassa pīti jāyati,||
pīti-manassa kāyo passambhati,||
passaddhakāyo sukhaɱ vediyati, sukhino cittaɱ samādhiyati.|| ||

Ayaɱ kho so gāmaṇi, dhamma-samādhī||
tatra ce tvaɱ citta-samādhiɱ paṭilabheyyāsi,||
evaɱ tvaɱ imaɱ kaŋkhādhammaɱ pajaheyyāsi.|| ||

(iv)

Idha gāmaṇi ariyasāvako pāṇātipātam pahāya pāṇātipātā paṭivirato hoti||
adinnādānam pahāya adinnādānā paṭivirato hoti||
kāmesu micchācāram pahāya kāmesu micchācārāpaṭivirato hoti
musāvādam pahāya musāvadā pativirato hoti||
pisuṇaɱ vācam pahāya pisuṇāya vācāya paṭivirato hoti||
pharusaɱ vācam pāhāya pharusāya vācāya paṭivirato hoti||
samphappalāpam pahāya samphappalāpā paṭivirato hoti||
abhijjham pahāya anabhijjhālu hoti||
vyāpādadosam pahāya avyāpannacitto hoti||
micchādiṭṭhim pahāya sammādiṭṭhiko hoti.|| ||

Sa kho so gāmaṇi, ariyasāvako||
evaɱ vigatābhijjho||
vigatavyāpādo||
asammūḷho sampajāno||
patissato mettāsahagatena cetasā||
ekaɱ disaɱ pharitvā viharati,||
tathā dutiyaɱ,||
tathā tatiyaɱ,||
tathā catutthiɱ;||
iti uddham adho tiriyaɱ sabbadhi||
sabbattatāya||
sabbāvantaɱ lokaɱ mettāsahagatena cetasā||
vipulena||
mahaggatena||
appamāṇena||
averena||
avyāpajjhena||
pharitvā viharati.

So iti paṭisaɱcikkhati:|| ||

Yvāyaɱ satthā evaɱ vādī evaɱ diṭṭhi:|| ||

Karato||
kārayato||
chindato||
chedāpayato||
pacato||
pācayato||
socayato||
kilamayato||
phandato||
phandāpayato||
pāṇamatipātayato||
ādinnaɱ||
ādiyato||
sandhiɱ||
chindato||
nillopaɱ||
harato||
ekāgārikaɱ||
karoto paripanthe||
tiṭṭhato paradāraɱ gacchato||
musā bhaṇato karato||
karīyati pāpaɱ.|| ||

Khurapariyantena ce pi cakkena imissā paṭhaviyā pāṇe ekam maɱsakhalaɱ ekam maɱsapuñjaɱ kareyya,||
atthi tato nidānaɱ pāpaɱ,||
atthi pāpassa āgamo.|| ||

Dakkhiṇañ ce pi Gaṅgāya tīraɱ gaccheyya||
hananto||
ghātento||
jindanto||
chedāpento||
pacanto||
pācento||
atthi tato nidānaɱ pāpaɱ,||
atthi pāpassa āgamo.|| ||

Dānena||
damena||
saññamena||
saccavajjena||
atthi puññaɱ||
atthi puññassa āgamo' ti.|| ||

Tassa mayhaɱ bhante ahudeva kaŋkhā ahu vicikicchā:|| ||

'Ko su nāma imesaɱ bhavataɱ samaṇabrāhmaṇānaɱ saccaɱ āha ko musā' ti?"|| ||

"Alaɱ hi te gāmaṇī kaŋkhītuɱ,||
alaɱ vicikicchituɱ,||
kaŋkhanīye ca pana te ṭhāne vicikicchā uppannā" ti.

"Evaɱ pasanno haɱ Bhante Bhagavati,||
pahoti me Bhagavā tathā dhammaɱ desetuɱ yathā'haɱ imaɱ kaŋkhādhammaɱ pajaheyyan" ti.|| ||

Sa ce tassa bhoto satthuno saccaɱ vacanaɱ, apaṇṇakatāya mayhaɱ: yo haɱ na kiñci vyābādhemi tasaɱ vā thāvaraɱ vā, ubhayam ettha kaṭaggāho,||
yañcamhi kāyena saɱvuto vācāya saɱvuto manasā saɱvuto,||
yañca kāyassa bhedā param maraṇā sugatiɱ saggaɱ lokaɱ upapajjissāmīti,||
tassa pāmojjaɱ jāyati,||
pamuditassa pīti jāyati,||
pīti-manassa kāyo passambhati,||
passaddhakāyo sukhaɱ vediyati, sukhino cittaɱ samādhiyati.|| ||

Ayaɱ kho so gāmaṇi, dhamma-samādhī||
tatra ce tvaɱ citta-samādhiɱ paṭilabheyyāsi,||
evaɱ tvaɱ imaɱ kaŋkhādhammaɱ pajaheyyāsi.|| ||

 


 

5.

(i)

Idha gāmaṇi ariyasāvako pāṇātipātam pahāya pāṇātipātā paṭivirato hoti||
adinnādānam pahāya adinnādānā paṭivirato hoti||
kāmesu micchācāram pahāya kāmesu micchācārā paṭivirato hoti
musāvādam pahāya musāvadā pativirato hoti||
pisuṇaɱ vācam pahāya pisuṇāya vācāya paṭivirato hoti||
pharusaɱ vācam pāhāya pharusāya vācāya paṭivirato hoti||
samphappalāpam pahāya samphappalāpā paṭivirato hoti||
abhijjham pahāya anabhijjhālu hoti||
vyāpādadosam pahāya avyāpannacitto hoti||
micchādiṭṭhim pahāya sammādiṭṭhiko hoti.|| ||

Sa kho so gāmaṇi, ariyasāvako||
evaɱ vigatābhijjho||
vigatavyāpādo||
asammūḷho sampajāno||
patissato karuṇāsahagatena cetasā||
ekaɱ disaɱ pharitvā viharati,||
tathā dutiyaɱ,||
tathā tatiyaɱ,||
tathā catutthiɱ;||
iti uddham adho tiriyaɱ sabbadhi||
sabbattatāya||
sabbāvantaɱ lokaɱ karuṇāsahagatena cetasā||
vipulena||
mahaggatena||
appamāṇena||
averena||
avyāpajjhena||
pharitvā viharati.

So iti paṭisaɱcikkhati:|| ||

Yvāyaɱ satthā evaɱ vādī evaɱ diṭṭhi:|| ||

'Natthi dinnaɱ,||
natthi yiṭṭhaɱ||
natthi hutaɱ,||
natthi sukaṭadukkaṭānaɱ kammānaɱ phalaɱ vipāko,||
natthi ayaɱ loko,||
natthi paro loko,||
natthi mātā,||
natthi pitā,||
natthi sattā opapātikā,||
natthi loke samaṇabrāhmaṇā sammaggatā sammāpaṭipannā ye imañ ca lokaɱ paraɱ ca lokaɱ sayaɱ abhiññā sacchikatvā pavedentī' ti.|| ||

Sa ce tassa bhoto satthuno saccaɱ vacanaɱ, apaṇṇakatāya mayhaɱ: yo haɱ na kiñci vyābādhemi tasaɱ vā thāvaraɱ vā, ubhayam ettha kaṭaggāho,||
yañcamhi kāyena saɱvuto vācāya saɱvuto manasā saɱvuto,||
yañca kāyassa bhedā param maraṇā sugatiɱ saggaɱ lokaɱ upapajjissāmīti,||
tassa pāmojjaɱ jāyati,||
pamuditassa pīti jāyati,||
pīti-manassa kāyo passambhati,||
passaddhakāyo sukhaɱ vediyati, sukhino cittaɱ samādhiyati.|| ||

Ayaɱ kho so gāmaṇi, dhamma-samādhī||
tatra ce tvaɱ citta-samādhiɱ paṭilabheyyāsi,||
evaɱ tvaɱ imaɱ kaŋkhādhammaɱ pajaheyyāsi.|| ||

Idha gāmaṇi ariyasāvako pāṇātipātam pahāya pāṇātipātā paṭivirato hoti||
adinnādānam pahāya adinnādānā paṭivirato hoti||
kāmesu micchācāram pahāya kāmesu micchācārāpaṭivirato hoti
musāvādam pahāya musāvadā pativirato hoti||
pisuṇaɱ vācam pahāya pisuṇāya vācāya paṭivirato hoti||
pharusaɱ vācam pāhāya pharusāya vācāya paṭivirato hoti||
samphappalāpam pahāya samphappalāpā paṭivirato hoti||
abhijjham pahāya anabhijjhālu hoti||
vyāpādadosam pahāya avyāpannacitto hoti||
micchādiṭṭhim pahāya sammādiṭṭhiko hoti.|| ||

Sa kho so gāmaṇi, ariyasāvako||
evaɱ vigatābhijjho||
vigatavyāpādo||
asammūḷho sampajāno||
patissato karuṇāsahagatena cetasā||
ekaɱ disaɱ pharitvā viharati,||
tathā dutiyaɱ,||
tathā tatiyaɱ,||
tathā catutthiɱ;||
iti uddham adho tiriyaɱ sabbadhi||
sabbattatāya||
sabbāvantaɱ lokaɱ karuṇāsahagatena cetasā||
vipulena||
mahaggatena||
appamāṇena||
averena||
avyāpajjhena||
pharitvā viharati.

So iti paṭisaɱcikkhati:|| ||

Yvāyaɱ satthā evaɱ vādī evaɱ diṭṭhi:|| ||

'Atthi dinnaɱ||
atthi yiṭṭhaɱ||
atthi hutaɱ||
atthi sukaṭadukkaṭānaɱ kammānaɱ phalaɱ vipāko,||
atthi ayaɱ loko,||
atthi paro loko,||
atthi mātā,||
atthi pitā,||
atthi sattā opapātikā,||
atthi loke samaṇabrāhmanā sammaggatā sammāpaṭipannā ye imañ ca lokaɱ parañ ca lokaɱ sayaɱ abhiññā sacchikatvā pavedentī' ti.|| ||

Sa ce tassa bhoto satthuno saccaɱ vacanaɱ, apaṇṇakatāya mayhaɱ: yo haɱ na kiñci vyābādhemi tasaɱ vā thāvaraɱ vā, ubhayam ettha kaṭaggāho,||
yañcamhi kāyena saɱvuto vācāya saɱvuto manasā saɱvuto,||
yañca kāyassa bhedā param maraṇā sugatiɱ saggaɱ lokaɱ upapajjissāmīti,||
tassa pāmojjaɱ jāyati,||
pamuditassa pīti jāyati,||
pīti-manassa kāyo passambhati,||
passaddhakāyo sukhaɱ vediyati, sukhino cittaɱ samādhiyati.|| ||

Ayaɱ kho so gāmaṇi, dhamma-samādhī||
tatra ce tvaɱ citta-samādhiɱ paṭilabheyyāsi,||
evaɱ tvaɱ imaɱ kaŋkhādhammaɱ pajaheyyāsi.|| ||

Idha gāmaṇi ariyasāvako pāṇātipātam pahāya pāṇātipātā paṭivirato hoti||
adinnādānam pahāya adinnādānā paṭivirato hoti||
kāmesu micchācāram pahāya kāmesu micchācārāpaṭivirato hoti
musāvādam pahāya musāvadā pativirato hoti||
pisuṇaɱ vācam pahāya pisuṇāya vācāya paṭivirato hoti||
pharusaɱ vācam pāhāya pharusāya vācāya paṭivirato hoti||
samphappalāpam pahāya samphappalāpā paṭivirato hoti||
abhijjham pahāya anabhijjhālu hoti||
vyāpādadosam pahāya avyāpannacitto hoti||
micchādiṭṭhim pahāya sammādiṭṭhiko hoti.|| ||

Sa kho so gāmaṇi, ariyasāvako||
evaɱ vigatābhijjho||
vigatavyāpādo||
asammūḷho sampajāno||
patissato karuṇāsahagatena cetasā||
ekaɱ disaɱ pharitvā viharati,||
tathā dutiyaɱ,||
tathā tatiyaɱ,||
tathā catutthiɱ;||
iti uddham adho tiriyaɱ sabbadhi||
sabbattatāya||
sabbāvantaɱ lokaɱ karuṇāsahagatena cetasā||
vipulena||
mahaggatena||
appamāṇena||
averena||
avyāpajjhena||
pharitvā viharati.

So iti paṭisaɱcikkhati:|| ||

Yvāyaɱ satthā evaɱ vādī evaɱ diṭṭhi:|| ||

'Karato||
kārayato||
chindato||
chedāpayato||
pacato||
pācayato||
socayato||
kilamayato||
phandato||
phandāpayato||
pāṇamatipātayato||
ādinnaɱ||
ādiyato||
sandhiɱ chindato||
nillopaɱ harato||
ekāgārikaɱ karoto||
paripanthe tiṭṭhato||
paradāraɱ gacchato||
musā bhaṇato||
na karato karīyati pāpaɱ.|| ||

Khurapariyantena ce pi cakkena imissā paṭhaviyā pāṇe ekam maɱsakhalaɱ||
ekam maɱsapuñjaɱ kareyaya,||
natthi tato nidānaɱ pāpaɱ,||
natthi pāpassa āgamo.|| ||

Dakkhiṇañ ce pi Gaṅgāya tīraɱ gaccheyya||
hananto||
ghātento||
chindanto||
chedāpento||
pacanto||
pācento||
natthi tato nidānaɱ pāpaɱ,||
natthi pāpassa āgamo.|| ||

Uttarañ ce pi Gaṅgāya tīraɱ gaccheyya||
dadanto||
dāpento||
yajanto||
yājento||
natthi tato nidānaɱ puññaɱ,||
natthi puññassa āgamo||
dānena||
damena||
saññamena||
saccavajjena||
natthi puññaɱ||
natthi puññassa āgamo' ti.|| ||

Sa ce tassa bhoto satthuno saccaɱ vacanaɱ, apaṇṇakatāya mayhaɱ: yo haɱ na kiñci vyābādhemi tasaɱ vā thāvaraɱ vā, ubhayam ettha kaṭaggāho,||
yañcamhi kāyena saɱvuto vācāya saɱvuto manasā saɱvuto,||
yañca kāyassa bhedā param maraṇā sugatiɱ saggaɱ lokaɱ upapajjissāmīti,||
tassa pāmojjaɱ jāyati,||
pamuditassa pīti jāyati,||
pīti-manassa kāyo passambhati,||
passaddhakāyo sukhaɱ vediyati, sukhino cittaɱ samādhiyati.|| ||

Ayaɱ kho so gāmaṇi, dhamma-samādhī||
tatra ce tvaɱ citta-samādhiɱ paṭilabheyyāsi,||
evaɱ tvaɱ imaɱ kaŋkhādhammaɱ pajaheyyāsi.|| ||

Idha gāmaṇi ariyasāvako pāṇātipātam pahāya pāṇātipātā paṭivirato hoti||
adinnādānam pahāya adinnādānā paṭivirato hoti||
kāmesu micchācāram pahāya kāmesu micchācārāpaṭivirato hoti
musāvādam pahāya musāvadā pativirato hoti||
pisuṇaɱ vācam pahāya pisuṇāya vācāya paṭivirato hoti||
pharusaɱ vācam pāhāya pharusāya vācāya paṭivirato hoti||
samphappalāpam pahāya samphappalāpā paṭivirato hoti||
abhijjham pahāya anabhijjhālu hoti||
vyāpādadosam pahāya avyāpannacitto hoti||
micchādiṭṭhim pahāya sammādiṭṭhiko hoti.|| ||

Sa kho so gāmaṇi, ariyasāvako||
evaɱ vigatābhijjho||
vigatavyāpādo||
asammūḷho sampajāno||
patissato karuṇāsahagatena cetasā||
ekaɱ disaɱ pharitvā viharati,||
tathā dutiyaɱ,||
tathā tatiyaɱ,||
tathā catutthiɱ;||
iti uddham adho tiriyaɱ sabbadhi||
sabbattatāya||
sabbāvantaɱ lokaɱ karuṇāsahagatena cetasā||
vipulena||
mahaggatena||
appamāṇena||
averena||
avyāpajjhena||
pharitvā viharati.

So iti paṭisaɱcikkhati:|| ||

Yvāyaɱ satthā evaɱ vādī evaɱ diṭṭhi:|| ||

Karato||
kārayato||
chindato||
chedāpayato||
pacato||
pācayato||
socayato||
kilamayato||
phandato||
phandāpayato||
pāṇamatipātayato||
ādinnaɱ||
ādiyato||
sandhiɱ||
chindato||
nillopaɱ||
harato||
ekāgārikaɱ||
karoto paripanthe||
tiṭṭhato paradāraɱ gacchato||
musā bhaṇato karato||
karīyati pāpaɱ.|| ||

Khurapariyantena ce pi cakkena imissā paṭhaviyā pāṇe ekam maɱsakhalaɱ ekam maɱsapuñjaɱ kareyya,||
atthi tato nidānaɱ pāpaɱ,||
atthi pāpassa āgamo.|| ||

Dakkhiṇañ ce pi Gaṅgāya tīraɱ gaccheyya||
hananto||
ghātento||
jindanto||
chedāpento||
pacanto||
pācento||
atthi tato nidānaɱ pāpaɱ,||
atthi pāpassa āgamo.|| ||

Dānena||
damena||
saññamena||
saccavajjena||
atthi puññaɱ||
atthi puññassa āgamo' ti.|| ||

Tassa mayhaɱ bhante ahudeva kaŋkhā ahu vicikicchā:|| ||

'Ko su nāma imesaɱ bhavataɱ samaṇabrāhmaṇānaɱ saccaɱ āha ko musā' ti?"|| ||

"Alaɱ hi te gāmaṇī kaŋkhītuɱ,||
alaɱ vicikicchituɱ,||
kaŋkhanīye ca pana te ṭhāne vicikicchā uppannā" ti.

"Evaɱ pasanno haɱ Bhante Bhagavati,||
pahoti me Bhagavā tathā dhammaɱ desetuɱ yathā'haɱ imaɱ kaŋkhādhammaɱ pajaheyyan" ti.|| ||

Sa ce tassa bhoto satthuno saccaɱ vacanaɱ, apaṇṇakatāya mayhaɱ: yo haɱ na kiñci vyābādhemi tasaɱ vā thāvaraɱ vā, ubhayam ettha kaṭaggāho,||
yañcamhi kāyena saɱvuto vācāya saɱvuto manasā saɱvuto,||
yañca kāyassa bhedā param maraṇā sugatiɱ saggaɱ lokaɱ upapajjissāmīti,||
tassa pāmojjaɱ jāyati,||
pamuditassa pīti jāyati,||
pīti-manassa kāyo passambhati,||
passaddhakāyo sukhaɱ vediyati, sukhino cittaɱ samādhiyati.|| ||

Ayaɱ kho so gāmaṇi, dhamma-samādhī||
tatra ce tvaɱ citta-samādhiɱ paṭilabheyyāsi,||
evaɱ tvaɱ imaɱ kaŋkhādhammaɱ pajaheyyāsi.|| ||

(ii)

Idha gāmaṇi ariyasāvako pāṇātipātam pahāya pāṇātipātā paṭivirato hoti||
adinnādānam pahāya adinnādānā paṭivirato hoti||
kāmesu micchācāram pahāya kāmesu micchācārā paṭivirato hoti
musāvādam pahāya musāvadā pativirato hoti||
pisuṇaɱ vācam pahāya pisuṇāya vācāya paṭivirato hoti||
pharusaɱ vācam pāhāya pharusāya vācāya paṭivirato hoti||
samphappalāpam pahāya samphappalāpā paṭivirato hoti||
abhijjham pahāya anabhijjhālu hoti||
vyāpādadosam pahāya avyāpannacitto hoti||
micchādiṭṭhim pahāya sammādiṭṭhiko hoti.|| ||

Sa kho so gāmaṇi, ariyasāvako||
evaɱ vigatābhijjho||
vigatavyāpādo||
asammūḷho sampajāno||
patissato muditāsahagatena cetasā||
ekaɱ disaɱ pharitvā viharati,||
tathā dutiyaɱ,||
tathā tatiyaɱ,||
tathā catutthiɱ;||
iti uddham adho tiriyaɱ sabbadhi||
sabbattatāya||
sabbāvantaɱ lokaɱ muditāsahagatena cetasā||
vipulena||
mahaggatena||
appamāṇena||
averena||
avyāpajjhena||
pharitvā viharati.

So iti paṭisaɱcikkhati:|| ||

Yvāyaɱ satthā evaɱ vādī evaɱ diṭṭhi:|| ||

'Natthi dinnaɱ,||
natthi yiṭṭhaɱ||
natthi hutaɱ,||
natthi sukaṭadukkaṭānaɱ kammānaɱ phalaɱ vipāko,||
natthi ayaɱ loko,||
natthi paro loko,||
natthi mātā,||
natthi pitā,||
natthi sattā opapātikā,||
natthi loke samaṇabrāhmaṇā sammaggatā sammāpaṭipannā ye imañ ca lokaɱ paraɱ ca lokaɱ sayaɱ abhiññā sacchikatvā pavedentī' ti.|| ||

Sa ce tassa bhoto satthuno saccaɱ vacanaɱ, apaṇṇakatāya mayhaɱ: yo haɱ na kiñci vyābādhemi tasaɱ vā thāvaraɱ vā, ubhayam ettha kaṭaggāho,||
yañcamhi kāyena saɱvuto vācāya saɱvuto manasā saɱvuto,||
yañca kāyassa bhedā param maraṇā sugatiɱ saggaɱ lokaɱ upapajjissāmīti,||
tassa pāmojjaɱ jāyati,||
pamuditassa pīti jāyati,||
pīti-manassa kāyo passambhati,||
passaddhakāyo sukhaɱ vediyati, sukhino cittaɱ samādhiyati.|| ||

Ayaɱ kho so gāmaṇi, dhamma-samādhī||
tatra ce tvaɱ citta-samādhiɱ paṭilabheyyāsi,||
evaɱ tvaɱ imaɱ kaŋkhādhammaɱ pajaheyyāsi.|| ||

Idha gāmaṇi ariyasāvako pāṇātipātam pahāya pāṇātipātā paṭivirato hoti||
adinnādānam pahāya adinnādānā paṭivirato hoti||
kāmesu micchācāram pahāya kāmesu micchācārāpaṭivirato hoti
musāvādam pahāya musāvadā pativirato hoti||
pisuṇaɱ vācam pahāya pisuṇāya vācāya paṭivirato hoti||
pharusaɱ vācam pāhāya pharusāya vācāya paṭivirato hoti||
samphappalāpam pahāya samphappalāpā paṭivirato hoti||
abhijjham pahāya anabhijjhālu hoti||
vyāpādadosam pahāya avyāpannacitto hoti||
micchādiṭṭhim pahāya sammādiṭṭhiko hoti.|| ||

Sa kho so gāmaṇi, ariyasāvako||
evaɱ vigatābhijjho||
vigatavyāpādo||
asammūḷho sampajāno||
patissato muditāsahagatena cetasā||
ekaɱ disaɱ pharitvā viharati,||
tathā dutiyaɱ,||
tathā tatiyaɱ,||
tathā catutthiɱ;||
iti uddham adho tiriyaɱ sabbadhi||
sabbattatāya||
sabbāvantaɱ lokaɱ muditāsahagatena cetasā||
vipulena||
mahaggatena||
appamāṇena||
averena||
avyāpajjhena||
pharitvā viharati.

So iti paṭisaɱcikkhati:|| ||

Yvāyaɱ satthā evaɱ vādī evaɱ diṭṭhi:|| ||

'Atthi dinnaɱ||
atthi yiṭṭhaɱ||
atthi hutaɱ||
atthi sukaṭadukkaṭānaɱ kammānaɱ phalaɱ vipāko,||
atthi ayaɱ loko,||
atthi paro loko,||
atthi mātā,||
atthi pitā,||
atthi sattā opapātikā,||
atthi loke samaṇabrāhmanā sammaggatā sammāpaṭipannā ye imañ ca lokaɱ parañ ca lokaɱ sayaɱ abhiññā sacchikatvā pavedentī' ti.|| ||

Sa ce tassa bhoto satthuno saccaɱ vacanaɱ, apaṇṇakatāya mayhaɱ: yo haɱ na kiñci vyābādhemi tasaɱ vā thāvaraɱ vā, ubhayam ettha kaṭaggāho,||
yañcamhi kāyena saɱvuto vācāya saɱvuto manasā saɱvuto,||
yañca kāyassa bhedā param maraṇā sugatiɱ saggaɱ lokaɱ upapajjissāmīti,||
tassa pāmojjaɱ jāyati,||
pamuditassa pīti jāyati,||
pīti-manassa kāyo passambhati,||
passaddhakāyo sukhaɱ vediyati, sukhino cittaɱ samādhiyati.|| ||

Ayaɱ kho so gāmaṇi, dhamma-samādhī||
tatra ce tvaɱ citta-samādhiɱ paṭilabheyyāsi,||
evaɱ tvaɱ imaɱ kaŋkhādhammaɱ pajaheyyāsi.|| ||

Idha gāmaṇi ariyasāvako pāṇātipātam pahāya pāṇātipātā paṭivirato hoti||
adinnādānam pahāya adinnādānā paṭivirato hoti||
kāmesu micchācāram pahāya kāmesu micchācārāpaṭivirato hoti
musāvādam pahāya musāvadā pativirato hoti||
pisuṇaɱ vācam pahāya pisuṇāya vācāya paṭivirato hoti||
pharusaɱ vācam pāhāya pharusāya vācāya paṭivirato hoti||
samphappalāpam pahāya samphappalāpā paṭivirato hoti||
abhijjham pahāya anabhijjhālu hoti||
vyāpādadosam pahāya avyāpannacitto hoti||
micchādiṭṭhim pahāya sammādiṭṭhiko hoti.|| ||

Sa kho so gāmaṇi, ariyasāvako||
evaɱ vigatābhijjho||
vigatavyāpādo||
asammūḷho sampajāno||
patissato muditāsahagatena cetasā||
ekaɱ disaɱ pharitvā viharati,||
tathā dutiyaɱ,||
tathā tatiyaɱ,||
tathā catutthiɱ;||
iti uddham adho tiriyaɱ sabbadhi||
sabbattatāya||
sabbāvantaɱ lokaɱ muditāsahagatena cetasā||
vipulena||
mahaggatena||
appamāṇena||
averena||
avyāpajjhena||
pharitvā viharati.

So iti paṭisaɱcikkhati:|| ||

Yvāyaɱ satthā evaɱ vādī evaɱ diṭṭhi:|| ||

'Karato||
kārayato||
chindato||
chedāpayato||
pacato||
pācayato||
socayato||
kilamayato||
phandato||
phandāpayato||
pāṇamatipātayato||
ādinnaɱ||
ādiyato||
sandhiɱ chindato||
nillopaɱ harato||
ekāgārikaɱ karoto||
paripanthe tiṭṭhato||
paradāraɱ gacchato||
musā bhaṇato||
na karato karīyati pāpaɱ.|| ||

Khurapariyantena ce pi cakkena imissā paṭhaviyā pāṇe ekam maɱsakhalaɱ||
ekam maɱsapuñjaɱ kareyaya,||
natthi tato nidānaɱ pāpaɱ,||
natthi pāpassa āgamo.|| ||

Dakkhiṇañ ce pi Gaṅgāya tīraɱ gaccheyya||
hananto||
ghātento||
chindanto||
chedāpento||
pacanto||
pācento||
natthi tato nidānaɱ pāpaɱ,||
natthi pāpassa āgamo.|| ||

Uttarañ ce pi Gaṅgāya tīraɱ gaccheyya||
dadanto||
dāpento||
yajanto||
yājento||
natthi tato nidānaɱ puññaɱ,||
natthi puññassa āgamo||
dānena||
damena||
saññamena||
saccavajjena||
natthi puññaɱ||
natthi puññassa āgamo' ti.|| ||

Sa ce tassa bhoto satthuno saccaɱ vacanaɱ, apaṇṇakatāya mayhaɱ: yo haɱ na kiñci vyābādhemi tasaɱ vā thāvaraɱ vā, ubhayam ettha kaṭaggāho,||
yañcamhi kāyena saɱvuto vācāya saɱvuto manasā saɱvuto,||
yañca kāyassa bhedā param maraṇā sugatiɱ saggaɱ lokaɱ upapajjissāmīti,||
tassa pāmojjaɱ jāyati,||
pamuditassa pīti jāyati,||
pīti-manassa kāyo passambhati,||
passaddhakāyo sukhaɱ vediyati, sukhino cittaɱ samādhiyati.|| ||

Ayaɱ kho so gāmaṇi, dhamma-samādhī||
tatra ce tvaɱ citta-samādhiɱ paṭilabheyyāsi,||
evaɱ tvaɱ imaɱ kaŋkhādhammaɱ pajaheyyāsi.|| ||

Idha gāmaṇi ariyasāvako pāṇātipātam pahāya pāṇātipātā paṭivirato hoti||
adinnādānam pahāya adinnādānā paṭivirato hoti||
kāmesu micchācāram pahāya kāmesu micchācārāpaṭivirato hoti
musāvādam pahāya musāvadā pativirato hoti||
pisuṇaɱ vācam pahāya pisuṇāya vācāya paṭivirato hoti||
pharusaɱ vācam pāhāya pharusāya vācāya paṭivirato hoti||
samphappalāpam pahāya samphappalāpā paṭivirato hoti||
abhijjham pahāya anabhijjhālu hoti||
vyāpādadosam pahāya avyāpannacitto hoti||
micchādiṭṭhim pahāya sammādiṭṭhiko hoti.|| ||

Sa kho so gāmaṇi, ariyasāvako||
evaɱ vigatābhijjho||
vigatavyāpādo||
asammūḷho sampajāno||
patissato muditāsahagatena cetasā||
ekaɱ disaɱ pharitvā viharati,||
tathā dutiyaɱ,||
tathā tatiyaɱ,||
tathā catutthiɱ;||
iti uddham adho tiriyaɱ sabbadhi||
sabbattatāya||
sabbāvantaɱ lokaɱ muditāsahagatena cetasā||
vipulena||
mahaggatena||
appamāṇena||
averena||
avyāpajjhena||
pharitvā viharati.

So iti paṭisaɱcikkhati:|| ||

Yvāyaɱ satthā evaɱ vādī evaɱ diṭṭhi:|| ||

Karato||
kārayato||
chindato||
chedāpayato||
pacato||
pācayato||
socayato||
kilamayato||
phandato||
phandāpayato||
pāṇamatipātayato||
ādinnaɱ||
ādiyato||
sandhiɱ||
chindato||
nillopaɱ||
harato||
ekāgārikaɱ||
karoto paripanthe||
tiṭṭhato paradāraɱ gacchato||
musā bhaṇato karato||
karīyati pāpaɱ.|| ||

Khurapariyantena ce pi cakkena imissā paṭhaviyā pāṇe ekam maɱsakhalaɱ ekam maɱsapuñjaɱ kareyya,||
atthi tato nidānaɱ pāpaɱ,||
atthi pāpassa āgamo.|| ||

Dakkhiṇañ ce pi Gaṅgāya tīraɱ gaccheyya||
hananto||
ghātento||
jindanto||
chedāpento||
pacanto||
pācento||
atthi tato nidānaɱ pāpaɱ,||
atthi pāpassa āgamo.|| ||

Dānena||
damena||
saññamena||
saccavajjena||
atthi puññaɱ||
atthi puññassa āgamo' ti.|| ||

Tassa mayhaɱ bhante ahudeva kaŋkhā ahu vicikicchā:|| ||

'Ko su nāma imesaɱ bhavataɱ samaṇabrāhmaṇānaɱ saccaɱ āha ko musā' ti?"|| ||

"Alaɱ hi te gāmaṇī kaŋkhītuɱ,||
alaɱ vicikicchituɱ,||
kaŋkhanīye ca pana te ṭhāne vicikicchā uppannā" ti.

"Evaɱ pasanno haɱ Bhante Bhagavati,||
pahoti me Bhagavā tathā dhammaɱ desetuɱ yathā'haɱ imaɱ kaŋkhādhammaɱ pajaheyyan" ti.|| ||

Sa ce tassa bhoto satthuno saccaɱ vacanaɱ, apaṇṇakatāya mayhaɱ: yo haɱ na kiñci vyābādhemi tasaɱ vā thāvaraɱ vā, ubhayam ettha kaṭaggāho,||
yañcamhi kāyena saɱvuto vācāya saɱvuto manasā saɱvuto,||
yañca kāyassa bhedā param maraṇā sugatiɱ saggaɱ lokaɱ upapajjissāmīti,||
tassa pāmojjaɱ jāyati,||
pamuditassa pīti jāyati,||
pīti-manassa kāyo passambhati,||
passaddhakāyo sukhaɱ vediyati, sukhino cittaɱ samādhiyati.|| ||

Ayaɱ kho so gāmaṇi, dhamma-samādhī||
tatra ce tvaɱ citta-samādhiɱ paṭilabheyyāsi,||
evaɱ tvaɱ imaɱ kaŋkhādhammaɱ pajaheyyāsi.|| ||

(iii)

Idha gāmaṇi ariyasāvako pāṇātipātam pahāya pāṇātipātā paṭivirato hoti||
adinnādānam pahāya adinnādānā paṭivirato hoti||
kāmesu micchācāram pahāya kāmesu micchācārā paṭivirato hoti
musāvādam pahāya musāvadā pativirato hoti||
pisuṇaɱ vācam pahāya pisuṇāya vācāya paṭivirato hoti||
pharusaɱ vācam pāhāya pharusāya vācāya paṭivirato hoti||
samphappalāpam pahāya samphappalāpā paṭivirato hoti||
abhijjham pahāya anabhijjhālu hoti||
vyāpādadosam pahāya avyāpannacitto hoti||
micchādiṭṭhim pahāya sammādiṭṭhiko hoti.|| ||

Sa kho so gāmaṇi, ariyasāvako||
evaɱ vigatābhijjho||
vigatavyāpādo||
asammūḷho sampajāno||
patissato upekkhāsahagatena cetasā||
ekaɱ disaɱ pharitvā viharati,||
tathā dutiyaɱ,||
tathā tatiyaɱ,||
tathā catutthiɱ;||
iti uddham adho tiriyaɱ sabbadhi||
sabbattatāya||
sabbāvantaɱ lokaɱ upekkhāsahagatena cetasā||
vipulena||
mahaggatena||
appamāṇena||
averena||
avyāpajjhena||
pharitvā viharati.

So iti paṭisaɱcikkhati:|| ||

Yvāyaɱ satthā evaɱ vādī evaɱ diṭṭhi:|| ||

'Natthi dinnaɱ,||
natthi yiṭṭhaɱ||
natthi hutaɱ,||
natthi sukaṭadukkaṭānaɱ kammānaɱ phalaɱ vipāko,||
natthi ayaɱ loko,||
natthi paro loko,||
natthi mātā,||
natthi pitā,||
natthi sattā opapātikā,||
natthi loke samaṇabrāhmaṇā sammaggatā sammāpaṭipannā ye imañ ca lokaɱ paraɱ ca lokaɱ sayaɱ abhiññā sacchikatvā pavedentī' ti.|| ||

Sa ce tassa bhoto satthuno saccaɱ vacanaɱ, apaṇṇakatāya mayhaɱ: yo haɱ na kiñci vyābādhemi tasaɱ vā thāvaraɱ vā, ubhayam ettha kaṭaggāho,||
yañcamhi kāyena saɱvuto vācāya saɱvuto manasā saɱvuto,||
yañca kāyassa bhedā param maraṇā sugatiɱ saggaɱ lokaɱ upapajjissāmīti,||
tassa pāmojjaɱ jāyati,||
pamuditassa pīti jāyati,||
pīti-manassa kāyo passambhati,||
passaddhakāyo sukhaɱ vediyati, sukhino cittaɱ samādhiyati.|| ||

Ayaɱ kho so gāmaṇi, dhamma-samādhī||
tatra ce tvaɱ citta-samādhiɱ paṭilabheyyāsi,||
evaɱ tvaɱ imaɱ kaŋkhādhammaɱ pajaheyyāsi.|| ||

Idha gāmaṇi ariyasāvako pāṇātipātam pahāya pāṇātipātā paṭivirato hoti||
adinnādānam pahāya adinnādānā paṭivirato hoti||
kāmesu micchācāram pahāya kāmesu micchācārāpaṭivirato hoti
musāvādam pahāya musāvadā pativirato hoti||
pisuṇaɱ vācam pahāya pisuṇāya vācāya paṭivirato hoti||
pharusaɱ vācam pāhāya pharusāya vācāya paṭivirato hoti||
samphappalāpam pahāya samphappalāpā paṭivirato hoti||
abhijjham pahāya anabhijjhālu hoti||
vyāpādadosam pahāya avyāpannacitto hoti||
micchādiṭṭhim pahāya sammādiṭṭhiko hoti.|| ||

Sa kho so gāmaṇi, ariyasāvako||
evaɱ vigatābhijjho||
vigatavyāpādo||
asammūḷho sampajāno||
patissato upekkhāsahagatena cetasā||
ekaɱ disaɱ pharitvā viharati,||
tathā dutiyaɱ,||
tathā tatiyaɱ,||
tathā catutthiɱ;||
iti uddham adho tiriyaɱ sabbadhi||
sabbattatāya||
sabbāvantaɱ lokaɱ upekkhāsahagatena cetasā||
vipulena||
mahaggatena||
appamāṇena||
averena||
avyāpajjhena||
pharitvā viharati.

So iti paṭisaɱcikkhati:|| ||

Yvāyaɱ satthā evaɱ vādī evaɱ diṭṭhi:|| ||

'Atthi dinnaɱ||
atthi yiṭṭhaɱ||
atthi hutaɱ||
atthi sukaṭadukkaṭānaɱ kammānaɱ phalaɱ vipāko,||
atthi ayaɱ loko,||
atthi paro loko,||
atthi mātā,||
atthi pitā,||
atthi sattā opapātikā,||
atthi loke samaṇabrāhmanā sammaggatā sammāpaṭipannā ye imañ ca lokaɱ parañ ca lokaɱ sayaɱ abhiññā sacchikatvā pavedentī' ti.|| ||

Sa ce tassa bhoto satthuno saccaɱ vacanaɱ, apaṇṇakatāya mayhaɱ: yo haɱ na kiñci vyābādhemi tasaɱ vā thāvaraɱ vā, ubhayam ettha kaṭaggāho,||
yañcamhi kāyena saɱvuto vācāya saɱvuto manasā saɱvuto,||
yañca kāyassa bhedā param maraṇā sugatiɱ saggaɱ lokaɱ upapajjissāmīti,||
tassa pāmojjaɱ jāyati,||
pamuditassa pīti jāyati,||
pīti-manassa kāyo passambhati,||
passaddhakāyo sukhaɱ vediyati, sukhino cittaɱ samādhiyati.|| ||

Ayaɱ kho so gāmaṇi, dhamma-samādhī||
tatra ce tvaɱ citta-samādhiɱ paṭilabheyyāsi,||
evaɱ tvaɱ imaɱ kaŋkhādhammaɱ pajaheyyāsi.|| ||

Idha gāmaṇi ariyasāvako pāṇātipātam pahāya pāṇātipātā paṭivirato hoti||
adinnādānam pahāya adinnādānā paṭivirato hoti||
kāmesu micchācāram pahāya kāmesu micchācārāpaṭivirato hoti
musāvādam pahāya musāvadā pativirato hoti||
pisuṇaɱ vācam pahāya pisuṇāya vācāya paṭivirato hoti||
pharusaɱ vācam pāhāya pharusāya vācāya paṭivirato hoti||
samphappalāpam pahāya samphappalāpā paṭivirato hoti||
abhijjham pahāya anabhijjhālu hoti||
vyāpādadosam pahāya avyāpannacitto hoti||
micchādiṭṭhim pahāya sammādiṭṭhiko hoti.|| ||

Sa kho so gāmaṇi, ariyasāvako||
evaɱ vigatābhijjho||
vigatavyāpādo||
asammūḷho sampajāno||
patissato upekkhāsahagatena cetasā||
ekaɱ disaɱ pharitvā viharati,||
tathā dutiyaɱ,||
tathā tatiyaɱ,||
tathā catutthiɱ;||
iti uddham adho tiriyaɱ sabbadhi||
sabbattatāya||
sabbāvantaɱ lokaɱ upekkhāsahagatena cetasā||
vipulena||
mahaggatena||
appamāṇena||
averena||
avyāpajjhena||
pharitvā viharati.

So iti paṭisaɱcikkhati:|| ||

Yvāyaɱ satthā evaɱ vādī evaɱ diṭṭhi:|| ||

'Karato||
kārayato||
chindato||
chedāpayato||
pacato||
pācayato||
socayato||
kilamayato||
phandato||
phandāpayato||
pāṇamatipātayato||
ādinnaɱ||
ādiyato||
sandhiɱ chindato||
nillopaɱ harato||
ekāgārikaɱ karoto||
paripanthe tiṭṭhato||
paradāraɱ gacchato||
musā bhaṇato||
na karato karīyati pāpaɱ.|| ||

Khurapariyantena ce pi cakkena imissā paṭhaviyā pāṇe ekam maɱsakhalaɱ||
ekam maɱsapuñjaɱ kareyaya,||
natthi tato nidānaɱ pāpaɱ,||
natthi pāpassa āgamo.|| ||

Dakkhiṇañ ce pi Gaṅgāya tīraɱ gaccheyya||
hananto||
ghātento||
chindanto||
chedāpento||
pacanto||
pācento||
natthi tato nidānaɱ pāpaɱ,||
natthi pāpassa āgamo.|| ||

Uttarañ ce pi Gaṅgāya tīraɱ gaccheyya||
dadanto||
dāpento||
yajanto||
yājento||
natthi tato nidānaɱ puññaɱ,||
natthi puññassa āgamo||
dānena||
damena||
saññamena||
saccavajjena||
natthi puññaɱ||
natthi puññassa āgamo' ti.|| ||

Sa ce tassa bhoto satthuno saccaɱ vacanaɱ, apaṇṇakatāya mayhaɱ: yo haɱ na kiñci vyābādhemi tasaɱ vā thāvaraɱ vā, ubhayam ettha kaṭaggāho,||
yañcamhi kāyena saɱvuto vācāya saɱvuto manasā saɱvuto,||
yañca kāyassa bhedā param maraṇā sugatiɱ saggaɱ lokaɱ upapajjissāmīti,||
tassa pāmojjaɱ jāyati,||
pamuditassa pīti jāyati,||
pīti-manassa kāyo passambhati,||
passaddhakāyo sukhaɱ vediyati, sukhino cittaɱ samādhiyati.|| ||

Ayaɱ kho so gāmaṇi, dhamma-samādhī||
tatra ce tvaɱ citta-samādhiɱ paṭilabheyyāsi,||
evaɱ tvaɱ imaɱ kaŋkhādhammaɱ pajaheyyāsi.|| ||

Idha gāmaṇi ariyasāvako pāṇātipātam pahāya pāṇātipātā paṭivirato hoti||
adinnādānam pahāya adinnādānā paṭivirato hoti||
kāmesu micchācāram pahāya kāmesu micchācārāpaṭivirato hoti
musāvādam pahāya musāvadā pativirato hoti||
pisuṇaɱ vācam pahāya pisuṇāya vācāya paṭivirato hoti||
pharusaɱ vācam pāhāya pharusāya vācāya paṭivirato hoti||
samphappalāpam pahāya samphappalāpā paṭivirato hoti||
abhijjham pahāya anabhijjhālu hoti||
vyāpādadosam pahāya avyāpannacitto hoti||
micchādiṭṭhim pahāya sammādiṭṭhiko hoti.|| ||

Sa kho so gāmaṇi, ariyasāvako||
evaɱ vigatābhijjho||
vigatavyāpādo||
asammūḷho sampajāno||
patissato upekkhāsahagatena cetasā||
ekaɱ disaɱ pharitvā viharati,||
tathā dutiyaɱ,||
tathā tatiyaɱ,||
tathā catutthiɱ;||
iti uddham adho tiriyaɱ sabbadhi||
sabbattatāya||
sabbāvantaɱ lokaɱ upekkhāsahagatena cetasā||
vipulena||
mahaggatena||
appamāṇena||
averena||
avyāpajjhena||
pharitvā viharati.

So iti paṭisaɱcikkhati:|| ||

Yvāyaɱ satthā evaɱ vādī evaɱ diṭṭhi:|| ||

Karato||
kārayato||
chindato||
chedāpayato||
pacato||
pācayato||
socayato||
kilamayato||
phandato||
phandāpayato||
pāṇamatipātayato||
ādinnaɱ||
ādiyato||
sandhiɱ||
chindato||
nillopaɱ||
harato||
ekāgārikaɱ||
karoto paripanthe||
tiṭṭhato paradāraɱ gacchato||
musā bhaṇato karato||
karīyati pāpaɱ.|| ||

Khurapariyantena ce pi cakkena imissā paṭhaviyā pāṇe ekam maɱsakhalaɱ ekam maɱsapuñjaɱ kareyya,||
atthi tato nidānaɱ pāpaɱ,||
atthi pāpassa āgamo.|| ||

Dakkhiṇañ ce pi Gaṅgāya tīraɱ gaccheyya||
hananto||
ghātento||
jindanto||
chedāpento||
pacanto||
pācento||
atthi tato nidānaɱ pāpaɱ,||
atthi pāpassa āgamo.|| ||

Dānena||
damena||
saññamena||
saccavajjena||
atthi puññaɱ||
atthi puññassa āgamo' ti.|| ||

Tassa mayhaɱ bhante ahudeva kaŋkhā ahu vicikicchā:|| ||

'Ko su nāma imesaɱ bhavataɱ samaṇabrāhmaṇānaɱ saccaɱ āha ko musā' ti?"|| ||

"Alaɱ hi te gāmaṇī kaŋkhītuɱ,||
alaɱ vicikicchituɱ,||
kaŋkhanīye ca pana te ṭhāne vicikicchā uppannā" ti.

"Evaɱ pasanno haɱ Bhante Bhagavati,||
pahoti me Bhagavā tathā dhammaɱ desetuɱ yathā'haɱ imaɱ kaŋkhādhammaɱ pajaheyyan" ti.|| ||

Sa ce tassa bhoto satthuno saccaɱ vacanaɱ, apaṇṇakatāya mayhaɱ: yo haɱ na kiñci vyābādhemi tasaɱ vā thāvaraɱ vā, ubhayam ettha kaṭaggāho,||
yañcamhi kāyena saɱvuto vācāya saɱvuto manasā saɱvuto,||
yañca kāyassa bhedā param maraṇā sugatiɱ saggaɱ lokaɱ upapajjissāmīti,||
tassa pāmojjaɱ jāyati,||
pamuditassa pīti jāyati,||
pīti-manassa kāyo passambhati,||
passaddhakāyo sukhaɱ vediyati, sukhino cittaɱ samādhiyati.|| ||

Ayaɱ kho so gāmaṇi, dhamma-samādhī||
tatra ce tvaɱ citta-samādhiɱ paṭilabheyyāsi,||
evaɱ tvaɱ imaɱ kaŋkhādhammaɱ pajaheyyāsi.|| ||

 


 

Evaɱ vutte Pāṭaliyo gāmaṇī Bhagavantaɱ etad avoca:|| ||

"Abhikkantaɱ bhante,||
abhikkantaɱ bhante,||
seyyathā pi bhante nikkujjitaɱ vā ukkujjeyya,||
paṭicchannaɱ vā vivareyya||
mūḷahassa vā maggaɱ ācikkheyya,||
andhakāre vā telapajjotaɱ dhāreyya||
'cakkhumanto rūpāni dakkhinti' ti.|| ||

Evam evaɱ Bhagavatā aneka-pariyāyena dhammo pakāsito.|| ||

Esāhaɱ bhante Bhagavantaɱ saraṇaɱ gacchāmi||
dhammañ ca||
bhikkhu-saŋghañ ca,||
upāsakaɱ maɱ Bhagavā dhāretu ajjatagge pāṇupetaɱ saraṇaɱ gatan" ti.|| ||

Gāmaṇivaggo paṭhamo

 


Contact:
E-mail
Copyright Statement   Webmaster's Page