Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikaya
IV. saḷāyatana Vagga
44. Avyākatasaŋyutta

Sutta 11

Sabhiya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][than][bodh] Evaɱ me sutaɱ:|| ||

Ekaɱ samayaɱ āyasmā sabhiyo kaccāno ñātike viharati giñjakāvasathe.|| ||

Atha kho Vacchagotto paribbājako yenāyasmā sabhiyo kaccāno ten'upasaŋkami.|| ||

Upasaŋkamitvā āyasmatā sabhiyena Kaccānena saddhiɱ sammodi.|| ||

Sammodanīyaɱ kathaɱ sārāṇīyaɱ vītisāretvā eka-m-antaɱ nisīdi.|| ||

Eka-m-antaɱ nisinno kho||
Vacchagotto paribbājako āyasmantaɱ sabhiyaɱ Kaccānaɱ etad avoca:|| ||

"Kin nu kho bho Kaccāna||
hoti Tathāgato param maraṇā" ti?|| ||

"Avyākataɱ kho etaɱ Vaccha, Bhagavatā||
'hoti Tathāgato param maraṇā' ti.|| ||

"Kiɱ pana bho Kaccāna||
na hoti Tathāgato param maraṇā" ti?|| ||

"Etam pi ko Vaccha avyākataɱ Bhagavatā||
'na hoti Tathāgato param maraṇā' ti.|| ||

"Kin nu kho bho Kaccāna||
hoti ca na ca hoti Tathāgato param maraṇā" ti?|| ||

"Avyākataɱ kho etaɱ Vaccha Bhagavatā||
'hoti ca na ca hoti Tathāgato param maraṇā' ti.|| ||

[402] "Kiɱ pana bho Kaccāna||
n'eva hoti na na hoti Tathāgato param maraṇā" ti?|| ||

"Etam pi kho Vaccha avyākataɱ Bhagavatā||
'n'eva hoti na na hoti Tathāgato param maraṇā' ti.|| ||

"Kin nu kho bho Kaccāna,||
'hoti Tathāgato param maraṇā' ti?||
iti puṭṭho samāno avyākataɱ kho etaɱ Vaccha Bhagavatā||
'hoti Tathāgato param maraṇā' ti vadesi?|| ||

Kiɱ pana bho Kaccāna||
'na hoti Tathāgato param maraṇā' ti?||
iti puṭṭho samāno etam pi kho Vaccha avyākataɱ Bhagavatā||
'na hoti Tathāgato param maraṇā' ti vadesi?|| ||

Kin nu kho bho Kaccāna,||
'hoti ca na ca hoti Tathāgato param maraṇā' ti?||
iti puṭṭho samāno avyākataɱ kho etaɱ Vaccha Bhagavatā||
'hoti ca na ca hoti Tathāgato param maraṇā' ti vadesi?|| ||

Kiɱ pana bho Kaccāna,||
'n'eva hoti na na hoti Tathāgato param maraṇā' ti?||
iti puṭṭho samāno etam pi kho Vaccha avyākataɱ Bhagavatā:||
'n'eva hoti na na hoti Tathāgato param maraṇā' ti vadesi?"|| ||

"Ko nu kho bho Kaccāna hetu ko paccayo yena taɱ avyākataɱ samaṇena Gotamenā" ti?|| ||

"Yo ca āvuso hetu yo ca paccayo paññāpanāya:||
'rūpī' ti vā||
'arūpī' ti vā||
'saññī' ti vā||
'asaññī' ti vā||
'n'evasaññīnāsaññī' ti vā,||
so ca hetu||
so ca paccayo||
sabbena||
sabbaɱ||
sabbathā||
sabbaɱ||
aparisesaɱ nirujjheyya,||
kena naɱ paññāpayamāno paññāpeyya,||
'rūpī' ti vā||
'arūpī' ti vā||
'saññī' ti vā||
'asaññī' ti vā||
'n'evasaññī' ti nā||
'saññī' ti vā" ti?|| ||

"Kīvaciraɱ pabbajito' si bho kaccānā" ti?|| ||

"Na ciraɱ āvuso, tīṇi vassānī" ti.|| ||

"Yassapassa āvuso, etamettakena,||
ettakam eva tam passa bahu ko pana vādo eva abhikkanteti.|| ||

 

Abyākatavaggo paṭhamo

 


Contact:
E-mail
Copyright Statement   Webmaster's Page