Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
45. Magga Saŋyutta

Sutta 5

Kim Attha? Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayam Bhagavā Sāvatthiyaɱ viharati|| ||

Atha kho sambahulā bhikkhū yena Bhagavā ten'upasaŋkamiɱsu.

Upasaŋkamitvā Bhagavantaɱ abhivādetvā eka-m-antaɱ nisīdiɱsu.

Eka-m-antaɱ nisinnā kho te bhikkhū Bhagavantaɱ etad avocuɱ:

"Idha no bhante aññatitthiyā paribbājakā amhe evaɱ pucchanti.

'Kim atthi yaɱ āvuso samaṇe Gotame brahmacariyaɱ vussatī' ti?

Evaɱ puṭṭhā mayaɱ bhante tesaŋ aññatitthiyānaɱ paribbājakānaɱ evaɱ vyākaroma:|| ||

'Dukkhassa kho āvuso pariññatthaɱ Bhagavati brahmacariyaɱ vussatī' ti.|| ||

Kacci mayaɱ bhante evaɱ puṭṭhā evaɱ vyākaramānā vuttavādino c'eva Bhagavato homa?

Na ca Bhagavantaɱ abhūtena abbhācikkhāma.|| ||

Dhammassa [7] cānudhammaɱ vyākaroma.|| ||

Na ca koci sahadhammiko vādānuvādo gārayhaɱ ṭhānaɱ āgacchatī" ti?|| ||

Taggha tumhe bhikkhave, evaɱ puṭṭhā evaɱ vyākaramānā vuttavādino c'eva me hotha.|| ||

Na ca maɱ abhūtena abbhācikkhatha.|| ||

Dhammassa cānudhammaɱ vyākarotha.|| ||

Na ca koci sahadhammiko vādānuvādo gārayhaɱ ṭhānaɱ āgacchati.|| ||

Dukkhassa hi bhikkhave, pariññattaɱ mayi brahmacariyaɱ vussati.|| ||

Sace vo bhikkhave, aññatitthiyā paribbājakā evaɱ puccheyyuɱ:|| ||

'Atthi pan'āvuso maggo,||
atthi paṭipadā||
etassa dukkhassa pariññāyā' ti?|| ||

Evaɱ puṭṭhā tumhe bhikkhave, tesaŋ aññatitthiyānaɱ paribbājakānaɱ evaɱ vyākareyyātha:|| ||

'Atthi kho āvuso.|| ||

Maggo atthi paṭipadā etassa dukkhassa pariññāyā' ti.|| ||

Katamo ca bhikkhave, maggo||
katamā paṭipadā||
etassa dukkhassa pariññāya?|| ||

Ayameva ariyo aṭṭhaŋgiko maggo seyyathīdaɱ:

Sammā-diṭṭhi,||
sammāsaŋkappa,||
sammā-vācā,||
sammā-kammanta,||
Sammā-ājīva,||
sammā-vāyāma,||
sammā-sati,||
sammā-samādhi.|| ||

Ayaɱ bhikkhave, maggo,||
ayaɱ paṭipadā,||
etassa dukkhassa pariññāyāti.|| ||

Evaɱ puṭṭhā tumhe bhikkhave, tesaŋ aññatitthiyānaɱ paribbājakānaɱ evaɱ vyākareyyathā" ti.|| ||

 


Contact:
E-mail
Copyright Statement   Webmaster's Page