Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
45. Magga Saŋyutta

Sutta 7

Dutiya Aññataro Bhikkhu Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayam Bhagavā Sāvatthiyaɱ viharati|| ||

Atha kho aññataro bhikkhu yena Bhagavā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho so bhikkhu Bhagavantaɱ etad avoca:|| ||

"'Rāga-vinayo,||
dosa-vinayo||
moha-vinayo' ti bhante, vuccati.|| ||

Kissa nu kho etaɱ bhante, adhivacanaɱ||
rāga-vinayo,||
dosa-vinayo||
mohavinayo" ti?|| ||

Nibbāna-dhātuyā kho etaɱ bhikkhu, adhivacanaɱ||
'Rāgavinayo||
dosavinayo||
mohavinayo' ti.|| ||

'Āsavānaɱ khayo' tena vuccatī" ti.|| ||

Evaɱ vutte so bhikkhu Bhagavantaɱ etad avoca:|| ||

"'Amataɱ amatan' ti bhante, vuccati.|| ||

Katamannu kho bhante, amataɱ,||
katamo amatagāmīmaggo" ti?|| ||

"Yo so bhikkhu rāgakkhayo||
dosakkhayo||
mohakkhayo||
idaɱ vuccati amataɱ.|| ||

Ayameva ariyo aṭṭhaŋgiko maggo amatagāmīmaggo.||
Seyyathīdaɱ:|| ||

Sammā-diṭṭhi,||
sammā-saŋkappo,||
sammā-vācā,||
sammā-kammanto,||
sammā-ājīvo,||
sammā-vāyāmo,||
sammā-sati,||
sammā-samādhi.|| ||

 


Contact:
E-mail
Copyright Statement   Webmaster's Page