Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: Mahā-Vagga
45. Magga Saŋyutta||
II. Vihāra Vagga

Sutta 12

Dutiya Vihāra Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh][olds] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi Bhikkhavo ti.|| ||

Bhadante ti te bhikkhū Bhagavato paccassosuɱ.|| ||

Bhagavā etad avoca:|| ||

"Icchāmahaɱ bhikkhave, temāsaŋ paṭisallīyituɱ.|| ||

Namhi kenaci upasaŋkamitabbo aññatra ekena piṇḍapāta-nīhārakenā" ti.|| ||

"Evaɱ bhante" ti kho te bhikkhū Bhagavato paṭissutvā||
nāssudha koci Bhagavantaɱ upasaŋkamati aññatra ekena piṇḍapāta-nīhārakena.|| ||

Atha kho Bhagavā tassa temāsassa accayena paṭisallāṇā vuṭṭhito bhikkhū āmantesi:|| ||

"Yena svāhaɱ bhikkhave, vihārena paṭhamābhisambuddho viharāmi,||
tassa padesena vihāsiɱ.|| ||

So evaɱ pajānāmi:|| ||

Micchā-diṭṭhi-paccayā pi vedayitaɱ,||
micchā-diṭṭhi-vūpasama-paccayā pi vedayitaɱ,||
sammā-diṭṭhi-paccayā pi vedayitaɱ,||
sammā-diṭṭhi-vūpasama-paccayā pi vedayitaɱ,||
micchā-saŋkappa-paccayā pi vedayitaɱ,||
micchā-saŋkappa-vūpasama-paccayā pi vedayitaɱ,||
sammā-saŋkappa-paccayā pi vedayitaɱ,||
sammā-saŋkappa-vūpasama-paccayā pi vedayitaɱ,||
micchā-vācā-paccayā pi vedayitaɱ,||
micchā-vācā-vūpasama-paccayā pi vedayitaɱ,||
sammā-vācā-paccayā pi vedayitaɱ,||
sammā-vācā-vūpasama-paccayā pi vedayitaɱ,||
micchā-kammanta-paccayā pi vedayitaɱ,||
micchā-kammanta-vūpasama-paccayā pi vedayitaɱ,||
sammā-kammanta-paccayā pi vedayitaɱ,||
sammā-kammanta-vūpasama-paccayā pi vedayitaɱ,||
micchā-ājīva-paccayā pi vedayitaɱ,||
micchā-ājīva-vūpasama-paccayā pi vedayitaɱ,||
sammā-ājīva-paccayā pi vedayitaɱ,||
sammā-ājīva-vūpasama-paccayā pi vedayitaɱ,||
micchā-vāyāma-paccayā pi vedayitaɱ,||
micchā-vāyāma-vūpasama-paccayā pi vedayitaɱ,||
sammā-vāyāma-paccayā pi vedayitaɱ,||
sammā-vāyāma-vūpasama-paccayā pi vedayitaɱ,||
micchā-sati-paccayā pi vedayitaɱ,||
micchā-sati-vūpasama-paccayā pi vedayitaɱ,||
sammā-sati-paccayā pi vedayitaɱ,||
sammā-sati-vūpasama-paccayā pi vedayitaɱ,||
micchā-samādhi-paccayā pi vedayitaɱ,||
micchā-samādhi-vūpasama-pacchayā pi vedayitaɱ,||
sammā-samādhi-paccayā pi vedayitaɱ,||
sammā-samādhi-vūpasama-paccayā pi vedayitaɱ,||
chanda-paccayā pi vedayitaɱ,||
chanda-vūpasama-paccayā pi vedayitaɱ,||
vitakka-paccayā pi vedayitaɱ,||
vitakka-vūpasamapaccayā pi vedayitaɱ,||
saññā-paccayā vedayitaɱ,||
saññā-vūpasama-paccayā pi veyitaɱ.

Chando ca avūpasanto hoti,||
vitakko ca avūpasanto hoti,||
saññā ca avūpasantā hoti||
tappaccayā pi vedayitaɱ;|| ||

(Chando ca vūpasanto hoti||
vitakkā ca avūpasantā honti,||
saññā ca avūpasantā honti,||
tappaccayā pi vedayitaɱ;|| ||

chando ca vūpasanto hoti,||
vitakkā ca vūpasantā honti,||
saññā ca avūpasantā honti,||
tappaccayā pi vedayitaɱ.)|| ||

[14] Chando ca vūpasanto hoti,||
vitakkā ca vūpasantā honti,||
saññā ca vūpasantā hoti,||
tappaccayā pi vedayitaɱ.|| ||

Appattassa pattiyā||
atthi āyāmam.|| ||

Tasmim ṭhāne anuppatte||
tappaccayā pi vedayitan" ti.|| ||

 


Contact:
E-mail
Copyright Statement   Webmaster's Page