Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: Mahā-Vagga
45. Magga Saŋyutta||
II. Vihāra Vagga

Sutta 18

Kukkuṭārāma Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayaɱ āyasmā ca Ānando āyasmā ca Bhaddo Pāṭaliputte viharanti Kukkuṭārāme.|| ||

Atha kho āyasmā Bhaddo sāyanhasamayaɱ paṭisallāṇā vuṭṭhito yenāyasmā Ānando ten'upasaŋkami.|| ||

Upasaŋkamitvā āyasmatā Ānandena saddhiɱ sammodi.|| ||

Sammodanīyaɱ kathaɱ sārāṇīyaɱ vītisāretvā eka-m-antaɱ nisīdi.|| ||

Eka-m-antaɱ nisinno kho āyasmā bhaddo āyasmantaɱ Ānandaɱ etad avoca:|| ||

"'Abrahmacariyaɱ abrahmacariyan'||
ti āvuso Ānanda, vuccati.|| ||

Katamaɱ nu kho āvuso abrahmacariyan" ti?|| ||

[16] "Sādhu sādhu āvuso Bhadda,||
bhaddako te āvuso Bhadda ummaggo,||
bhaddakaɱ paṭibhānaɱ,||
kalyāṇī paripucchā evaɱ hi tvaɱ āvuso Bhadda,||
pucchasi:|| ||

'"Abrahmacariyaɱ abrahmacariyan"' ti āvuso Ānanda vuccati.|| ||

Katamaɱ nu kho āvuso abrahmacariyan' ti?"|| ||

"Evam āvuso" ti.|| ||

"Ayam eva kho āvuso aṭṭhaŋgiko micchāmaggo abrahmacariyaɱ.|| ||

Seyyathīdaɱ:|| ||

Micchā-diṭṭhi,||
micchā-saŋkappo,||
micchā-vācā,||
micchā-kammanto,||
micchā-ājīvo,||
micchā-vāyāmo,||
micchā-sati,||
micchā-samādhī ti."|| ||

 


Contact:
E-mail
Copyright Statement   Webmaster's Page